ঋভুঃ -

• শৃণু কেবলমত্যন্তং রহস্যং পরমাদ্ভুতম্ ।
• ইতি গুহ্যতরং সদ্যো মোক্ষপ্রদমিদং সদা ॥ ১॥
• সুলভং ব্রহ্মবিজ্ঞানং সুলভং শুভমুত্তমম্ ।
• সুলভং ব্রহ্মনিষ্ঠানাং সুলভং সর্ববোধকম্ ॥ ২॥
• সুলভং কৃতকৃত্যানাং সুলভং স্বযমাত্মনঃ ।
• সুলভং কারণাভাবং সুলভং ব্রহ্মণি স্থিতম্ ॥ ৩॥
• সুলভং চিত্তহীনানাং স্বযং তচ্চ স্বযং স্বযম্ ।
• স্বযং সংসারহীনানাং চিত্তং সংসারমুচ্যতে ॥ ৪॥
• সৃষ্ট্বৈদং ন সংসারঃ ব্রহ্মৈবেদং মনো ন চ ।
• ব্রহ্মৈবেদং ভযং নাস্তি ব্রহ্মৈবেদং ন কিঞ্চন ॥ ৫॥
• ব্রহ্মৈবেদমসত্ সর্বং ব্রহ্মৈবেদং পরাযণম্ ।
• ব্রহ্মৈবেদং শরীরাণাং ব্রহ্মৈবেদং তৃণং ন চ ॥ ৬॥
• ব্রহ্মৈবাস্মি ন চান্যোঽস্মি ব্রহ্মৈবেদং জগন্ন চ ।
• ব্রহ্মৈবেদং বিযন্নাস্তি ব্রহ্মৈবেদং ক্রিযা ন চ ॥ ৭॥
• ব্রহ্মৈবেদং মহাত্মানং ব্রহ্মৈবেদং প্রিযং সদা ।
• ব্রহ্মৈবেদং জগন্নান্তো ব্রহ্মৈবাহং ভযং ন হি ॥ ৮॥
• ব্রহ্মৈবাহং সদাচিত্তং ব্রহ্মৈবাহমিদং ন হি ।
• ব্রহ্মৈবাহং তু যন্মিথ্যা ব্রহ্মৈবাহমিযং ভ্রমা ॥ ৯॥
• ব্রহ্মৈব সর্বসিদ্ধান্তো ব্রহ্মৈব মনসাস্পদম্ ।
• ব্রহ্মৈব সর্বভবনং ব্রহ্মৈব মুনিমণ্ডলম্ ॥ ১০॥
• ব্রহ্মৈবাহং তু নাস্ত্যন্যদ্ ব্রহ্মৈব গুরুপূজনম্ ।
• ব্রহ্মৈব নান্যত্ কিঞ্চিত্তু ব্রহ্মৈব সকলং সদা ॥ ১১॥
• ব্রহ্মৈব ত্রিগুণাকারং ব্রহ্মৈব হরিরূপকম্ ।
• ব্রহ্মণোঽন্যত্ পদং নাস্তি ব্রহ্মণোঽন্যত্ ক্ষণং ন মে ॥ ১২॥
• ব্রহ্মৈবাহং নান্যবার্তা ব্রহ্মৈবাহং ন চ শ্রুতম্ ।
• ব্রহ্মৈবাহং সমং নাস্তি সর্বং ব্রহ্মৈব কেবলম্ ॥ ১৩॥
• ব্রহ্মৈবাহং ন মে ভোগো ব্রহ্মৈবাহং ন মে পৃথক্ ।
• ব্রহ্মৈবাহং সতং নাস্তি ব্রহ্মৈব ব্রহ্মরূপকঃ ॥ ১৪॥
• ব্রহ্মৈব সর্বদা ভাতি ব্রহ্মৈব সুখমুত্তমম্ ।
• ব্রহ্মৈব নানাকারত্বাত্ ব্রহ্মৈবাহং প্রিযং মহত্ ॥ ১৫॥
• ব্রহ্মৈব ব্রহ্মণঃ পূজ্যং ব্রহ্মৈব ব্রহ্মণো গুরুঃ ।
• ব্রহ্মৈব ব্রহ্মমাতা তু ব্রহ্মৈবাহং পিতা সুতঃ ॥ ১৬॥
• ব্রহ্মৈব ব্রহ্ম দেবং চ ব্রহ্মৈব ব্রহ্ম তজ্জযঃ ।
• ব্রহ্মৈব ধ্যানরূপাত্মা ব্রহ্মৈব ব্রহ্মণো গুণঃ ॥ ১৭॥
• আত্মৈব সর্বনিত্যাত্মা আত্মনোঽন্যন্ন কিঞ্চন ।
• আত্মৈব সততং হ্যাত্মা আত্মৈব গুরুরাত্মনঃ ॥ ১৮॥
• আত্মজ্যোতিরহংভূতমাত্মৈবাস্তি সদা স্বযম্ ।
• স্বযং তত্ত্বমসি ব্রহ্ম স্বযং ভামি প্রকাশকঃ ॥ ১৯॥
• স্বযং জীবত্বসংশান্তিঃ স্বযমীশ্বররূপবান্ ।
• স্বযং ব্রহ্ম পরং ব্রহ্ম স্বযং কেবলমব্যযম্ ॥ ২০॥
• স্বযং নাশং চ সিদ্ধান্তং স্বযমাত্মা প্রকাশকঃ ।
• স্বযং প্রকাশরূপাত্মা স্বযমত্যন্তনির্মলঃ ॥ ২১॥
• স্বযমেব হি নিত্যাত্মা স্বযং শুদ্ধঃ প্রিযাপ্রিযঃ ।
• স্বযমেব স্বযং ছন্দঃ স্বযং দেহাদিবর্জিতঃ ॥ ২২॥
• স্বযং দোষবিহীনাত্মা স্বযমাকাশবত্ স্থিতঃ ।
• অযং চেদং চ নাস্ত্যেব অযং ভেদবিবর্জিতঃ ॥ ২৩॥
• ব্রহ্মৈব চিত্তবদ্ভাতি ব্রহ্মৈব শিববত্ সদা ।
• ব্রহ্মৈব বুদ্ধিবদ্ভাতি ব্রহ্মৈব শিববত্ সদা ॥ ২৪॥
• ব্রহ্মৈব শশবদ্ভাতি ব্রহ্মৈব স্থূলবত্ স্বযম্ ।
• ব্রহ্মৈব সততং নান্যত্ ব্রহ্মৈব গুরুরাত্মনঃ ॥ ২৫॥
• আত্মজ্যোতিরহং ভূতমহং নাস্তি সদা স্বযম্ ।
• স্বযমেব পরং ব্রহ্ম স্বযমেব চিদব্যযঃ ॥ ২৬॥
• স্বযমেব স্বযং জ্যোতিঃ স্বযং সর্বত্র ভাসতে ।
• স্বযং ব্রহ্ম স্বযং দেহঃ স্বযং পূর্ণঃ পরঃ পুমান্ ॥ ২৭॥
• স্বযং তত্ত্বমসি ব্রহ্ম স্বযং ভাতি প্রকাশকঃ ।
• স্বযং জীবত্বসংশান্তঃ স্বযমীশ্বররূপবান্ ॥ ২৮॥
• স্বযমেব পরং ব্রহ্ম স্বযং কেবলমব্যযঃ ।
• স্বযং রাদ্ধান্তসিদ্ধান্তঃ স্বযমাত্মা প্রকাশকঃ ॥ ২৯॥
• স্বযং প্রকাশরূপাত্মা স্বযমত্যন্তনির্মলঃ ।
• স্বযমেব হি নিত্যাত্মা স্বযং শুদ্ধঃ প্রিযাপ্রিযঃ ॥ ৩০॥
• স্বযমেব স্বযং স্বস্থঃ স্বযং দেহবিবর্জিতঃ ।
• স্বযং দোষবিহীনাত্মা স্বযমাকাশবত্ স্থিতঃ ॥ ৩১॥
• অখণ্ডঃ পরিপূর্ণোঽহমখণ্ডরসপূরণঃ ।
• অখণ্ডানন্দ এবাহমপরিচ্ছিন্নবিগ্রহঃ ॥ ৩২॥
• ইতি নিশ্চিত্য পূর্ণাত্মা ব্রহ্মৈব ন পৃথক্ স্বযম্ ।
• অহমেব হি নিত্যাত্মা অহমেব হি শাশ্বতঃ ॥ ৩৩॥
• অহমেব হি তদ্ব্রহ্ম ব্রহ্মৈবাহং জগত্প্রভুঃ ।
• ব্রহ্মৈবাহং নিরাভাসো ব্রহ্মৈবাহং নিরামযঃ ॥ ৩৪॥
• ব্রহ্মৈবাহং চিদাকাশো ব্রহ্মৈবাহং নিরন্তরঃ ।
• ব্রহ্মৈবাহং মহানন্দো ব্রহ্মৈবাহং সদাত্মবান্ ॥ ৩৫॥
• ব্রহ্মৈবাহমনন্তাত্মা ব্রহ্মৈবাহং সুখং পরম্ ।
• ব্রহ্মৈবাহং মহামৌনী সর্ববৃত্তান্তবর্জিতঃ ॥ ৩৬॥
• ব্রহ্মৈবাহমিদং মিথ্যা ব্রহ্মৈবাহং জগন্ন হি ।
• ব্রহ্মৈবাহং ন দেহোঽস্মি ব্রহ্মৈবাহং মহাদ্বযঃ ॥ ৩৭॥
• ব্রহ্মৈব চিত্তবদ্ভাতি ব্রহ্মৈব শিববত্ সদা ।
• ব্রহ্মৈব বুদ্ধিবদ্ভাতি ব্রহ্মৈব ফলবত্ স্বযম্ ॥ ৩৮॥
• ব্রহ্মৈব মূর্তিবদ্ভাতি তদ্ব্রহ্মাসি ন সংশযঃ ।
• ব্রহ্মৈব কালবদ্ভাতি ব্রহ্মৈব সকলাদিবত্ ॥ ৩৯॥
• ব্রহ্মৈব ভূতিবদ্ভাতি ব্রহ্মৈব জডবত্ স্বযম্ ।
• ব্রহ্মৈবৌংকারবত্ সর্বং ব্রহ্মৈবৌংকাররূপবত্ ॥ ৪০॥
• ব্রহ্মৈব নাদবদ্ব্রহ্ম নাস্তি ভেদো ন চাদ্বযম্ ।
• সত্যং সত্যং পুনঃ সত্যং ব্রহ্মণোঽন্যন্ন কিঞ্চন ॥ ৪১॥
• ব্রহ্মৈব সর্বমাত্মৈব ব্রহ্মণোঽন্যন্ন কিঞ্চন ।
• সর্বং মিথ্যা জগন্মিথ্যা দৃশ্যত্বাদ্ঘটবত্ সদা ॥ ৪২॥
• ব্রহ্মৈবাহং ন সন্দেহশ্চিন্মাত্রত্বাদহং সদা ।
• ব্রহ্মৈব শুদ্ধরূপত্বাত্ দৃগ্রূপত্বাত্ স্বযং মহত্ ॥ ৪৩॥
• অহমেব পরং ব্রহ্ম অহমেব পরাত্ পরঃ ।
• অহমেব মনোতীত অহমেব জগত্পরঃ ॥ ৪৪॥
• অহমেব হি নিত্যাত্মা অহং মিথ্যা স্বভাবতঃ ।
• আনন্দোঽহং নিরাধারো ব্রহ্মৈব ন চ কিঞ্চন ॥ ৪৫॥
• নান্যত্ কিঞ্চিদহং ব্রহ্ম নান্যত্ কিঞ্চিচ্চিদব্যযঃ ।
• আত্মনোঽন্যত্ পরং তুচ্ছমাত্মনোঽন্যদহং নহি ॥ ৪৬॥
• আত্মনোঽন্যন্ন মে দেহঃ আত্মৈবাহং ন মে মলম্ ।
• আত্মন্যেবাত্মনা চিত্তমাত্মৈবাহং ন তত্ পৃথক্ ॥ ৪৭॥
• আত্মৈবাহমহং শূন্যমাত্মৈবাহং সদা ন মে ।
• আত্মৈবাহং গুণো নাস্তি আত্মৈব ন পৃথক্ ক্বচিত্ ॥ ৪৮॥
• অত্যন্তাভাব এব ত্বং অত্যন্তাভাবমীদৃশম্ ।
• অত্যন্তাভাব এবেদমত্যন্তাভাবমণ্বপি ॥ ৪৯॥
• আত্মৈবাহং পরং ব্রহ্ম সর্বং মিথ্যা জগত্ত্রযম্ ।
• অহমেব পরং ব্রহ্ম অহমেব পরো গুরুঃ ॥ ৫০॥
• জীবভাবং সদাসত্যং শিবসদ্ভাবমীদৃশম্ ।
• বিষ্ণুবদ্ভাবনাভ্রান্তিঃ সর্বং শশবিষাণবত্ ॥ ৫১॥
• অহমেব সদা পূর্ণং অহমেব নিরন্তরম্ ।
• নিত্যতৃপ্তো নিরাকারো ব্রহ্মৈবাহং ন সংশযঃ ॥ ৫২॥
• অহমেব পরানন্দ অহমেব ক্ষণান্তিকঃ ।
• অহমেব ত্বমেবাহং ত্বং চাহং নাস্তি নাস্তি হি ॥ ৫৩॥
• বাচামগোচরোঽহং বৈ বাঙ্মনো নাস্তি কল্পিতম্ ।
• অহং ব্রহ্মৈব সর্বাত্মা অহং ব্রহ্মৈব নির্মলঃ ॥ ৫৪॥
• অহং ব্রহ্মৈব চিন্মাত্রং অহং ব্রহ্মৈব নিত্যশঃ ।
• ইদং চ সর্বদা নাস্তি অহমেব সদা স্থিরঃ ॥ ৫৫॥
• ইদং সুখমহং ব্রহ্ম ইদং সুখমহং জডম্ ।
• ইদং ব্রহ্ম ন সন্দেহঃ সত্যং সত্যং পুনঃ পুনঃ ॥ ৫৬॥
• ইত্যাত্মবৈভবং প্রোক্তং সর্বলোকেষু দুর্লভম্ ।
• সকৃচ্ছ্রবণমাত্রেণ ব্রহ্মৈব ভবতি স্বযম্ ॥ ৫৭॥
• শান্তিদান্তিপরমা ভবতান্তাঃ
• স্বান্তভান্তমনিশং শশিকান্তম্ ।
• অন্তকান্তকমহো কলযন্তঃ
• বেদমৌলিবচনৈঃ কিল শান্তাঃ ॥ ৫৮॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে আত্মবৈভবপ্রকরণং নাম বিংশোঽধ্যাযঃ ॥

ঋভুঃ -

• শৃণু কেবলমত্যন্তং রহস্যং পরমাদ্ভুতম্ ।
• ইতি গুহ্যতরং সদ্যো মোক্ষপ্রদমিদং সদা ॥ ১॥
• সুলভং ব্রহ্মবিজ্ঞানং সুলভং শুভমুত্তমম্ ।
• সুলভং ব্রহ্মনিষ্ঠানাং সুলভং সর্ববোধকম্ ॥ ২॥
• সুলভং কৃতকৃত্যানাং সুলভং স্বযমাত্মনঃ ।
• সুলভং কারণাভাবং সুলভং ব্রহ্মণি স্থিতম্ ॥ ৩॥
• সুলভং চিত্তহীনানাং স্বযং তচ্চ স্বযং স্বযম্ ।
• স্বযং সংসারহীনানাং চিত্তং সংসারমুচ্যতে ॥ ৪॥
• সৃষ্ট্বৈদং ন সংসারঃ ব্রহ্মৈবেদং মনো ন চ ।
• ব্রহ্মৈবেদং ভযং নাস্তি ব্রহ্মৈবেদং ন কিঞ্চন ॥ ৫॥
• ব্রহ্মৈবেদমসত্ সর্বং ব্রহ্মৈবেদং পরাযণম্ ।
• ব্রহ্মৈবেদং শরীরাণাং ব্রহ্মৈবেদং তৃণং ন চ ॥ ৬॥
• ব্রহ্মৈবাস্মি ন চান্যোঽস্মি ব্রহ্মৈবেদং জগন্ন চ ।
• ব্রহ্মৈবেদং বিযন্নাস্তি ব্রহ্মৈবেদং ক্রিযা ন চ ॥ ৭॥
• ব্রহ্মৈবেদং মহাত্মানং ব্রহ্মৈবেদং প্রিযং সদা ।
• ব্রহ্মৈবেদং জগন্নান্তো ব্রহ্মৈবাহং ভযং ন হি ॥ ৮॥
• ব্রহ্মৈবাহং সদাচিত্তং ব্রহ্মৈবাহমিদং ন হি ।
• ব্রহ্মৈবাহং তু যন্মিথ্যা ব্রহ্মৈবাহমিযং ভ্রমা ॥ ৯॥
• ব্রহ্মৈব সর্বসিদ্ধান্তো ব্রহ্মৈব মনসাস্পদম্ ।
• ব্রহ্মৈব সর্বভবনং ব্রহ্মৈব মুনিমণ্ডলম্ ॥ ১০॥
• ব্রহ্মৈবাহং তু নাস্ত্যন্যদ্ ব্রহ্মৈব গুরুপূজনম্ ।
• ব্রহ্মৈব নান্যত্ কিঞ্চিত্তু ব্রহ্মৈব সকলং সদা ॥ ১১॥
• ব্রহ্মৈব ত্রিগুণাকারং ব্রহ্মৈব হরিরূপকম্ ।
• ব্রহ্মণোঽন্যত্ পদং নাস্তি ব্রহ্মণোঽন্যত্ ক্ষণং ন মে ॥ ১২॥
• ব্রহ্মৈবাহং নান্যবার্তা ব্রহ্মৈবাহং ন চ শ্রুতম্ ।
• ব্রহ্মৈবাহং সমং নাস্তি সর্বং ব্রহ্মৈব কেবলম্ ॥ ১৩॥
• ব্রহ্মৈবাহং ন মে ভোগো ব্রহ্মৈবাহং ন মে পৃথক্ ।
• ব্রহ্মৈবাহং সতং নাস্তি ব্রহ্মৈব ব্রহ্মরূপকঃ ॥ ১৪॥
• ব্রহ্মৈব সর্বদা ভাতি ব্রহ্মৈব সুখমুত্তমম্ ।
• ব্রহ্মৈব নানাকারত্বাত্ ব্রহ্মৈবাহং প্রিযং মহত্ ॥ ১৫॥
• ব্রহ্মৈব ব্রহ্মণঃ পূজ্যং ব্রহ্মৈব ব্রহ্মণো গুরুঃ ।
• ব্রহ্মৈব ব্রহ্মমাতা তু ব্রহ্মৈবাহং পিতা সুতঃ ॥ ১৬॥
• ব্রহ্মৈব ব্রহ্ম দেবং চ ব্রহ্মৈব ব্রহ্ম তজ্জযঃ ।
• ব্রহ্মৈব ধ্যানরূপাত্মা ব্রহ্মৈব ব্রহ্মণো গুণঃ ॥ ১৭॥
• আত্মৈব সর্বনিত্যাত্মা আত্মনোঽন্যন্ন কিঞ্চন ।
• আত্মৈব সততং হ্যাত্মা আত্মৈব গুরুরাত্মনঃ ॥ ১৮॥
• আত্মজ্যোতিরহংভূতমাত্মৈবাস্তি সদা স্বযম্ ।
• স্বযং তত্ত্বমসি ব্রহ্ম স্বযং ভামি প্রকাশকঃ ॥ ১৯॥
• স্বযং জীবত্বসংশান্তিঃ স্বযমীশ্বররূপবান্ ।
• স্বযং ব্রহ্ম পরং ব্রহ্ম স্বযং কেবলমব্যযম্ ॥ ২০॥
• স্বযং নাশং চ সিদ্ধান্তং স্বযমাত্মা প্রকাশকঃ ।
• স্বযং প্রকাশরূপাত্মা স্বযমত্যন্তনির্মলঃ ॥ ২১॥
• স্বযমেব হি নিত্যাত্মা স্বযং শুদ্ধঃ প্রিযাপ্রিযঃ ।
• স্বযমেব স্বযং ছন্দঃ স্বযং দেহাদিবর্জিতঃ ॥ ২২॥
• স্বযং দোষবিহীনাত্মা স্বযমাকাশবত্ স্থিতঃ ।
• অযং চেদং চ নাস্ত্যেব অযং ভেদবিবর্জিতঃ ॥ ২৩॥
• ব্রহ্মৈব চিত্তবদ্ভাতি ব্রহ্মৈব শিববত্ সদা ।
• ব্রহ্মৈব বুদ্ধিবদ্ভাতি ব্রহ্মৈব শিববত্ সদা ॥ ২৪॥
• ব্রহ্মৈব শশবদ্ভাতি ব্রহ্মৈব স্থূলবত্ স্বযম্ ।
• ব্রহ্মৈব সততং নান্যত্ ব্রহ্মৈব গুরুরাত্মনঃ ॥ ২৫॥
• আত্মজ্যোতিরহং ভূতমহং নাস্তি সদা স্বযম্ ।
• স্বযমেব পরং ব্রহ্ম স্বযমেব চিদব্যযঃ ॥ ২৬॥
• স্বযমেব স্বযং জ্যোতিঃ স্বযং সর্বত্র ভাসতে ।
• স্বযং ব্রহ্ম স্বযং দেহঃ স্বযং পূর্ণঃ পরঃ পুমান্ ॥ ২৭॥
• স্বযং তত্ত্বমসি ব্রহ্ম স্বযং ভাতি প্রকাশকঃ ।
• স্বযং জীবত্বসংশান্তঃ স্বযমীশ্বররূপবান্ ॥ ২৮॥
• স্বযমেব পরং ব্রহ্ম স্বযং কেবলমব্যযঃ ।
• স্বযং রাদ্ধান্তসিদ্ধান্তঃ স্বযমাত্মা প্রকাশকঃ ॥ ২৯॥
• স্বযং প্রকাশরূপাত্মা স্বযমত্যন্তনির্মলঃ ।
• স্বযমেব হি নিত্যাত্মা স্বযং শুদ্ধঃ প্রিযাপ্রিযঃ ॥ ৩০॥
• স্বযমেব স্বযং স্বস্থঃ স্বযং দেহবিবর্জিতঃ ।
• স্বযং দোষবিহীনাত্মা স্বযমাকাশবত্ স্থিতঃ ॥ ৩১॥
• অখণ্ডঃ পরিপূর্ণোঽহমখণ্ডরসপূরণঃ ।
• অখণ্ডানন্দ এবাহমপরিচ্ছিন্নবিগ্রহঃ ॥ ৩২॥
• ইতি নিশ্চিত্য পূর্ণাত্মা ব্রহ্মৈব ন পৃথক্ স্বযম্ ।
• অহমেব হি নিত্যাত্মা অহমেব হি শাশ্বতঃ ॥ ৩৩॥
• অহমেব হি তদ্ব্রহ্ম ব্রহ্মৈবাহং জগত্প্রভুঃ ।
• ব্রহ্মৈবাহং নিরাভাসো ব্রহ্মৈবাহং নিরামযঃ ॥ ৩৪॥
• ব্রহ্মৈবাহং চিদাকাশো ব্রহ্মৈবাহং নিরন্তরঃ ।
• ব্রহ্মৈবাহং মহানন্দো ব্রহ্মৈবাহং সদাত্মবান্ ॥ ৩৫॥
• ব্রহ্মৈবাহমনন্তাত্মা ব্রহ্মৈবাহং সুখং পরম্ ।
• ব্রহ্মৈবাহং মহামৌনী সর্ববৃত্তান্তবর্জিতঃ ॥ ৩৬॥
• ব্রহ্মৈবাহমিদং মিথ্যা ব্রহ্মৈবাহং জগন্ন হি ।
• ব্রহ্মৈবাহং ন দেহোঽস্মি ব্রহ্মৈবাহং মহাদ্বযঃ ॥ ৩৭॥
• ব্রহ্মৈব চিত্তবদ্ভাতি ব্রহ্মৈব শিববত্ সদা ।
• ব্রহ্মৈব বুদ্ধিবদ্ভাতি ব্রহ্মৈব ফলবত্ স্বযম্ ॥ ৩৮॥
• ব্রহ্মৈব মূর্তিবদ্ভাতি তদ্ব্রহ্মাসি ন সংশযঃ ।
• ব্রহ্মৈব কালবদ্ভাতি ব্রহ্মৈব সকলাদিবত্ ॥ ৩৯॥
• ব্রহ্মৈব ভূতিবদ্ভাতি ব্রহ্মৈব জডবত্ স্বযম্ ।
• ব্রহ্মৈবৌংকারবত্ সর্বং ব্রহ্মৈবৌংকাররূপবত্ ॥ ৪০॥
• ব্রহ্মৈব নাদবদ্ব্রহ্ম নাস্তি ভেদো ন চাদ্বযম্ ।
• সত্যং সত্যং পুনঃ সত্যং ব্রহ্মণোঽন্যন্ন কিঞ্চন ॥ ৪১॥
• ব্রহ্মৈব সর্বমাত্মৈব ব্রহ্মণোঽন্যন্ন কিঞ্চন ।
• সর্বং মিথ্যা জগন্মিথ্যা দৃশ্যত্বাদ্ঘটবত্ সদা ॥ ৪২॥
• ব্রহ্মৈবাহং ন সন্দেহশ্চিন্মাত্রত্বাদহং সদা ।
• ব্রহ্মৈব শুদ্ধরূপত্বাত্ দৃগ্রূপত্বাত্ স্বযং মহত্ ॥ ৪৩॥
• অহমেব পরং ব্রহ্ম অহমেব পরাত্ পরঃ ।
• অহমেব মনোতীত অহমেব জগত্পরঃ ॥ ৪৪॥
• অহমেব হি নিত্যাত্মা অহং মিথ্যা স্বভাবতঃ ।
• আনন্দোঽহং নিরাধারো ব্রহ্মৈব ন চ কিঞ্চন ॥ ৪৫॥
• নান্যত্ কিঞ্চিদহং ব্রহ্ম নান্যত্ কিঞ্চিচ্চিদব্যযঃ ।
• আত্মনোঽন্যত্ পরং তুচ্ছমাত্মনোঽন্যদহং নহি ॥ ৪৬॥
• আত্মনোঽন্যন্ন মে দেহঃ আত্মৈবাহং ন মে মলম্ ।
• আত্মন্যেবাত্মনা চিত্তমাত্মৈবাহং ন তত্ পৃথক্ ॥ ৪৭॥
• আত্মৈবাহমহং শূন্যমাত্মৈবাহং সদা ন মে ।
• আত্মৈবাহং গুণো নাস্তি আত্মৈব ন পৃথক্ ক্বচিত্ ॥ ৪৮॥
• অত্যন্তাভাব এব ত্বং অত্যন্তাভাবমীদৃশম্ ।
• অত্যন্তাভাব এবেদমত্যন্তাভাবমণ্বপি ॥ ৪৯॥
• আত্মৈবাহং পরং ব্রহ্ম সর্বং মিথ্যা জগত্ত্রযম্ ।
• অহমেব পরং ব্রহ্ম অহমেব পরো গুরুঃ ॥ ৫০॥
• জীবভাবং সদাসত্যং শিবসদ্ভাবমীদৃশম্ ।
• বিষ্ণুবদ্ভাবনাভ্রান্তিঃ সর্বং শশবিষাণবত্ ॥ ৫১॥
• অহমেব সদা পূর্ণং অহমেব নিরন্তরম্ ।
• নিত্যতৃপ্তো নিরাকারো ব্রহ্মৈবাহং ন সংশযঃ ॥ ৫২॥
• অহমেব পরানন্দ অহমেব ক্ষণান্তিকঃ ।
• অহমেব ত্বমেবাহং ত্বং চাহং নাস্তি নাস্তি হি ॥ ৫৩॥
• বাচামগোচরোঽহং বৈ বাঙ্মনো নাস্তি কল্পিতম্ ।
• অহং ব্রহ্মৈব সর্বাত্মা অহং ব্রহ্মৈব নির্মলঃ ॥ ৫৪॥
• অহং ব্রহ্মৈব চিন্মাত্রং অহং ব্রহ্মৈব নিত্যশঃ ।
• ইদং চ সর্বদা নাস্তি অহমেব সদা স্থিরঃ ॥ ৫৫॥
• ইদং সুখমহং ব্রহ্ম ইদং সুখমহং জডম্ ।
• ইদং ব্রহ্ম ন সন্দেহঃ সত্যং সত্যং পুনঃ পুনঃ ॥ ৫৬॥
• ইত্যাত্মবৈভবং প্রোক্তং সর্বলোকেষু দুর্লভম্ ।
• সকৃচ্ছ্রবণমাত্রেণ ব্রহ্মৈব ভবতি স্বযম্ ॥ ৫৭॥
• শান্তিদান্তিপরমা ভবতান্তাঃ
• স্বান্তভান্তমনিশং শশিকান্তম্ ।
• অন্তকান্তকমহো কলযন্তঃ
• বেদমৌলিবচনৈঃ কিল শান্তাঃ ॥ ৫৮॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে আত্মবৈভবপ্রকরণং নাম বিংশোঽধ্যাযঃ ॥

ঋভুঃ -

• ব্রহ্মানন্দং প্রবক্ষ্যামি ত্রিষু লোকেষু দুর্লভম্ ।
• যস্য শ্রবণমাত্রেণ সদা মুক্তিমবাপ্নুযাত্ ॥ ১॥var was যুক্তিমাপ্নুযাত্
• পরমানন্দোঽহমেবাত্মা সর্বদানন্দমেব হি ।
• পূর্ণানন্দস্বরূপোঽহং চিদানন্দমযং জগত্ ॥ ২॥
• সদানন্তমনন্তোঽহং বোধানন্দমিদং জগত্ ।
• বুদ্ধানন্দস্বরূপোঽহং নিত্যানন্দমিদং মনঃ ॥ ৩॥
• কেবলানন্দমাত্রোঽহং কেবলজ্ঞানবানহম্ ।
• ইতি ভাবয যত্নেন প্রপঞ্চোপশমায বৈ ॥ ৪॥
• সদা সত্যং পরং জ্যোতিঃ সদা সত্যাদিলক্ষণঃ ।
• সদা সত্যাদিহীনাত্মা সদা জ্যোতিঃ প্রিযো হ্যহম্ ॥ ৫॥
• নাস্তি মিথ্যাপ্রপঞ্চাত্মা নাস্তি মিথ্যা মনোমযঃ ।
• নাস্তি মিথ্যাভিধানাত্মা নাস্তি চিত্তং দুরাত্মবান্ ॥ ৬॥
• নাস্তি মূঢতরো লোকে নাস্তি মূঢতমো নরঃ ।
• অহমেব পরং ব্রহ্ম অহমেব স্বযং সদা ॥ ৭॥
• ইদং পরং চ নাস্ত্যেব অহমেব হি কেবলম্ ।
• অহং ব্রহ্মাস্মি শুদ্ধোঽস্মি সর্বং ব্রহ্মৈব কেবলম্ ॥ ৮॥
• জগত্সর্বং সদা নাস্তি চিত্তমেব জগন্মযম্ ।
• চিত্তমেব প্রপঞ্চাখ্যং চিত্তমেব শরীরকম্ ॥ ৯॥
• চিত্তমেব মহাদোষং চিত্তমেব হি বালকঃ ।
• চিত্তমেব মহাত্মাঽযং চিত্তমেব মহানসত্ ॥ ১০॥
• চিত্তমেব হি মিথ্যাত্মা চিত্তং শশবিষাণবত্ ।
• চিত্তং নাস্তি সদা সত্যং চিত্তং বন্ধ্যাকুমারবত্ ॥ ১১॥
• চিত্তং শূন্যং ন সন্দেহো ব্রহ্মৈব সকলং জগত্ ।
• অহমেব হি চৈতন্যং অহমেব হি নির্গুণম্ ॥ ১২॥
• মন এব হি সংসারং মন এব হি মণ্ডলম্ ।
• মন এব হি বন্ধত্বং মন এব হি পাতকম্ ॥ ১৩॥
• মন এব মহদ্দুঃখং মন এব শরীরকম্ ।
• মন এব প্রপঞ্চাখ্যং মন এব কলেবরম্ ॥ ১৪॥
• মন এব মহাসত্ত্বং মন এব চতুর্মুখঃ ।
• মন এব হরিঃ সাক্ষাত্ মন এব শিবঃ স্মৃতঃ ॥ ১৫॥
• মন এবেন্দ্রজালাখ্যং মনঃ সঙ্কল্পমাত্রকম্ ।
• মন এব মহাপাপং মন এব দুরাত্মবান্ ॥ ১৬॥
• মন এব হি সর্বাখ্যং মন এব মহদ্ভযম্ ।
• মন এব পরং ব্রহ্ম মন এব হি কেবলম্ ॥ ১৭॥
• মন এব চিদাকারং মন এব মনাযতে ।
• চিদেব হি পরং রূপং চিদেব হি পরং পদম্ ॥ ১৮॥
• পরং ব্রহ্মাহমেবাদ্য পরং ব্রহ্মাহমেব হি ।
• অহমেব হি তৃপ্তাত্মা অহমানন্দবিগ্রহঃ ॥ ১৯॥
• অহং বুদ্ধিঃ প্রবৃদ্ধাত্মা নিত্যং নিশ্চলনির্মলঃ ।
• অহমেব হি শান্তাত্মা অহমাদ্যন্তবর্জিতঃ ॥ ২০॥
• অহমেব প্রকাশাত্মা অহং ব্রহ্মৈব কেবলম্ ।
• অহং নিত্যো ন সন্দেহ অহং বুদ্ধিঃ প্রিযঃ সদা ॥ ২১॥var was বুদ্ধিপ্রিযঃ সদা
• অহমেবাহমেবৈকঃ অহমেবাখিলামৃতঃ ।
• অহমেব স্বযং সিদ্ধঃ অহমেবানুমোদকঃ ॥ ২২॥
• অহমেব ত্বমেবাহং সর্বাত্মা সর্ববর্জিতঃ ।
• অহমেব পরং ব্রহ্ম অহমেব পরাত্পরঃ ॥ ২৩॥
• অহঙ্কারং ন মে দুঃখং ন মে দোষং ন মে সুখম্ ।
• ন মে বুদ্ধির্ন মে চিত্তং ন মে দেহো ন মেন্দ্রিযম্ ॥ ২৪॥
• ন মে গোত্রং ন মে নেত্রং ন মে পাত্রং ন মে তৃণম্ ।
• ন মে জপো ন মে মন্ত্রো ন মে লোকো ন মে সুহৃত্ ॥ ২৫॥
• ন মে বন্ধুর্ন মে শত্রুর্ন মে মাতা ন মে পিতা ।
• ন মে ভোজ্যং ন মে ভোক্তা ন মে বৃত্তির্ন মে কুলম্ ॥ ২৬॥
• ন মে জাতির্ন মে বর্ণঃ ন মে শ্রোত্রং ন মে ক্বচিত্ ।
• ন মে বাহ্যং ন মে বুদ্ধিঃ স্থানং বাপি ন মে বযঃ ॥ ২৭॥
• ন মে তত্ত্বং ন মে লোকো ন মে শান্তির্ন মে কুলম্ ।
• ন মে কোপো ন মে কামঃ কেবলং ব্রহ্মমাত্রতঃ ॥ ২৮॥
• কেবলং ব্রহ্মমাত্রত্বাত্ কেবলং স্বযমেব হি ।
• ন মে রাগো ন মে লোভো ন মে স্তোত্রং ন মে স্মৃতিঃ ॥ ২৯॥
• ন মে মোহো ন মে তৃষ্ণা ন মে স্নেহো ন মে গুণঃ ।
• ন মে কোশং ন মে বাল্যং ন মে যৌবনবার্ধকম্ ॥ ৩০॥
• সর্বং ব্রহ্মৈকরূপত্বাদেকং ব্রহ্মেতি নিশ্চিতম্ ।
• ব্রহ্মণোঽন্যত্ পরং নাস্তি ব্রহ্মণোঽন্যন্ন কিঞ্চন ॥ ৩১॥
• ব্রহ্মণোঽন্যদিদং নাস্তি ব্রহ্মণোঽন্যদিদং ন হি ।
• আত্মনোঽন্যত্ সদা নাস্তি আত্মৈবাহং ন সংশযঃ ॥ ৩২॥
• আত্মনোঽন্যত্ সুখং নাস্তি আত্মনোঽন্যদহং ন চ ।
• গ্রাহ্যগ্রাহকহীনোঽহং ত্যাগত্যাজ্যবিবর্জিতঃ ॥ ৩৩॥
• ন ত্যাজ্যং ন চ মে গ্রাহ্যং ন বন্ধো ন চ ভুক্তিদম্ ।var was মুক্তিদম্
• ন মে লোকং ন মে হীনং ন শ্রেষ্ঠং নাপি দূষণম্ ॥ ৩৪॥
• ন মে বলং ন চণ্ডালো ন মে বিপ্রাদিবর্ণকম্ ।
• ন মে পানং ন মে হ্রস্বং ন মে ক্ষীণং ন মে বলম্ ॥ ৩৫॥
• ন মে শক্তির্ন মে ভুক্তির্ন মে দৈবং ন মে পৃথক্ ।
• অহং ব্রহ্মৈকমাত্রত্বাত্ নিত্যত্বান্যন্ন কিঞ্চন ॥ ৩৬॥
• ন মতং ন চ মে মিথ্যা ন মে সত্যং বপুঃ ক্বচিত্ ।
• অহমিত্যপি নাস্ত্যেব ব্রহ্ম ইত্যপি নাম বা ॥ ৩৭॥
• যদ্যদ্যদ্যত্প্রপঞ্চোঽস্তি যদ্যদ্যদ্যদ্গুরোর্বচঃ ।
• তত্সর্বং ব্রহ্ম এবাহং তত্সর্বং চিন্মযং মতম্ ॥ ৩৮॥
• চিন্মযং চিন্মযং ব্রহ্ম সন্মযং সন্মযং সদা ।
• স্বযমেব স্বযং ব্রহ্ম স্বযমেব স্বযং পরঃ ॥ ৩৯॥
• স্বযমেব স্বযং মোক্ষঃ স্বযমেব নিরন্তরঃ ।
• স্বযমেব হি বিজ্ঞানং স্বযমেব হি নাস্ত্যকম্ ॥ ৪০॥
• স্বযমেব সদাসারঃ স্বযমেব স্বযং পরঃ ।
• স্বযমেব হি শূন্যাত্মা স্বযমেব মনোহরঃ ॥ ৪১॥
• তূষ্ণীমেবাসনং স্নানং তূষ্ণীমেবাসনং জপঃ ।
• তূষ্ণীমেবাসনং পূজা তূষ্ণীমেবাসনং পরঃ ॥ ৪২॥
• বিচার্য মনসা নিত্যমহং ব্রহ্মেতি নিশ্চিনু ।
• অহং ব্রহ্ম ন সন্দেহঃ এবং তূষ্ণীংস্থিতির্জপঃ ॥ ৪৩॥
• সর্বং ব্রহ্মৈব নাস্ত্যন্যত্ সর্বং জ্ঞানমযং তপঃ ।
• স্বযমেব হি নাস্ত্যেব সর্বাতীতস্বরূপবান্ ॥ ৪৪॥
• বাচাতীতস্বরূপোঽহং বাচা জপ্যমনর্থকম্ ।
• মানসঃ পরমার্থোঽযং এতদ্ভেদমহং ন মে ॥ ৪৫॥
• কুণপং সর্বভূতাদি কুণপং সর্বসঙ্গ্রহম্ ।
• অসত্যং সর্বদা লোকমসত্যং সকলং জগত্ ॥ ৪৬॥
• অসত্যমন্যদস্তিত্বমসত্যং নাস্তি ভাষণম্ ।
• অসত্যাকারমস্তিত্বং ব্রহ্মমাত্রং সদা স্বযম্ ॥ ৪৭॥
• অসত্যং বেদবেদাঙ্গং অসত্যং শাস্ত্রনিশ্চযঃ ।
• অসত্যং শ্রবণং হ্যেতদসত্যং মননং চ তত্ ॥ ৪৮॥
• অসত্যং চ নিদিধ্যাসঃ সজাতীযমসত্যকম্ ।
• বিজাতীযমসত্ প্রোক্তং সত্যং সত্যং ন সংশযঃ ।
• সর্বং ব্রহ্ম সদা ব্রহ্ম একং ব্রহ্ম চিদব্যযম্ ॥ ৪৯॥
• চেতোবিলাসজনিতং কিল বিশ্বমেত-
• দ্বিশ্বাধিকস্য কৃপযা পরিপূর্ণভাস্যাত্ ।
• নাস্ত্যন্যতঃ শ্রুতিশিরোত্থিতবাক্যমোঘ-
• শাস্ত্রানুসারিকরণৈর্ভবতে বিমুক্ত্যৈ ॥ ৫০॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে ব্রহ্মানন্দপ্রকরণং নাম একোনবিংশোঽধ্যাযঃ ॥

ঋভুঃ -

• শৃণু ভূযঃ পরং তত্ত্বং সদ্যো মোক্ষপ্রদাযকম্ ।
• সর্বং ব্রহ্মৈব সততং সর্বং শান্তং ন সংশযঃ ॥ ১॥
• ব্রহ্মাক্ষরমিদং সর্বং পরাকারমিদং নহি ।
• ইদমিত্যপি যদ্দোষং বযমিত্যপি ভাষণম্ ॥ ২॥
• যত্কিঞ্চিত্স্মরণং নাস্তি যত্কিঞ্চিদ্ ধ্যানমেব হি ।
• যত্কিঞ্চিদ্ জ্ঞানরূপং বা তত্সর্বং ব্রহ্ম এব হি ॥ ৩॥
• যত্কিঞ্চিদ্ ব্রহ্মবাক্যং বা যত্কিঞ্চিদ্বেদবাক্যকম্ ।
• যত্কিঞ্চিদ্গুরুবাক্যং বা তত্সর্বং ব্রহ্ম এব হি ॥ ৪॥
• যত্কিঞ্চিত্কল্মষং সত্যং যত্কিঞ্চিত্ প্রিযভাষণম্ ।
• যত্কিঞ্চিন্মননং সত্তা তত্সর্বং ব্রহ্ম এব হি ॥ ৫॥
• যত্কিঞ্চিত্ শ্রবণং নিত্যং যত্ কিঞ্চিদ্ধ্যানমশ্নুতে ।
• যত্কিঞ্চিন্নিশ্চযং শ্রদ্ধা তত্সর্বং ব্রহ্ম এব হি ॥ ৬॥
• যত্কিঞ্চিদ্ গুরূপদেশং যত্কিঞ্চিদ্গুরুচিন্তনম্ ।
• যত্কিঞ্চিদ্যোগভেদং বা তত্সর্বং ব্রহ্ম এব হি ॥ ৭॥
• সর্বং ত্যজ্য গুরুং ত্যজ্য সর্বং সন্ত্যজ্য নিত্যশঃ ।
• তূষ্ণীমেবাসনং ব্রহ্ম সুখমেব হি কেবলম্ ॥ ৮॥
• সর্বং ত্যক্ত্বা সুখং নিত্যং সর্বত্যাগং সুখং মহত্ ।
• সর্বত্যাগং পরানন্দং সর্বত্যাগং পরং সুখম্ ॥ ৯॥
• সর্বত্যাগং মনস্ত্যাগঃ সর্বত্যাগমহংকৃতেঃ ।
• সর্বত্যাগং মহাযাগঃ সর্বত্যাগং সুখং পরম্ ॥ ১০॥
• সর্বত্যাগং মহামোক্ষং চিত্তত্যাগং তদেব হি ।
• চিত্তমেব জগন্নিত্যং চিত্তমেব হি সংসৃতিঃ ॥ ১১॥
• চিত্তমেব মহামাযা চিত্তমেব শরীরকম্ ।
• চিত্তমেব ভযং দেহঃ চিত্তমেব মনোমযম্ ॥ ১২॥
• চিত্তমেব প্রপঞ্চাখ্যং চিত্তমেব হি কল্মষম্ ।
• চিত্তমেব জডং সর্বং চিত্তমেবেন্দ্রিযাদিকম্ ॥ ১৩॥
• চিত্তমেব সদা সত্যং চিত্তমেব নহি ক্বচিত্ ।
• চিত্তমেব মহাশাস্ত্রং চিত্তমেব মনঃপ্রদম্ ॥ ১৪॥
• চিত্তমেব সদা পাপং চিত্তমেব সদা মতম্ ।
• চিত্তমেব হি সর্বাখ্যং চিত্তমেব সদা জহি ॥ ১৫॥
• চিত্তং নাস্তীতি চিন্তা স্যাত্ আত্মমাত্রং প্রকাশতে ।
• চিত্তমস্তীতি চিন্তা চেত্ চিত্তত্বং স্বযমেব হি ॥ ১৬॥
• স্বযমেব হি চিত্তাখ্যং স্বযং ব্রহ্ম ন সংশযঃ ।
• চিত্তমেব হি সর্বাখ্যং চিত্তং সর্বমিতি স্মৃতম্ ॥ ১৭॥
• ব্রহ্মৈবাহং স্বযংজ্যোতির্ব্রহ্মৈবাহং ন সংশযঃ ।
• সর্বং ব্রহ্ম ন সন্দেহঃ সর্বং চিজ্জ্যোতিরেব হি ॥ ১৮॥
• অহং ব্রহ্মৈব নিত্যাত্মা পূর্ণাত্ পূর্ণতরং সদা ।
• অহং পৃথ্ব্যাদিসহিতং অহমেব বিলক্ষণম্ ॥ ১৯॥
• অহং সূক্ষ্মশরীরান্তমহমেব পুরাতনম্ ।
• অহমেব হি মানাত্মা সর্বং ব্রহ্মৈব কেবলম্ ॥ ২০॥
• চিদাকারো হ্যহং পূর্ণশ্চিদাকারমিদং জগত্ ।
• চিদাকারং চিদাকাশং চিদাকাশমহং সদা ॥ ২১॥
• চিদাকাশং ত্বমেবাসি চিদাকাশমহং সদা ।
• চিদাকাশং চিদেবেদং চিদাকাশান্ন কিঞ্চন ॥ ২২॥
• চিদাকাশততং সর্বং চিদাকাশং প্রকাশকম্ ।
• চিদাকারং মনো রূপং চিদাকাশং হি চিদ্ঘনম্ ॥ ২৩॥
• চিদাকাশং পরং ব্রহ্ম চিদাকাশং চ চিন্মযঃ ।
• চিদাকাশং শিবং সাক্ষাচ্চিদাকাশমহং সদা ॥ ২৪॥
• সচ্চিদানন্দরূপোঽহং সচ্চিদানন্দশাশ্বতঃ ।
• সচ্চিদানন্দ সন্মাত্রং সচ্চিদানন্দভাবনঃ ॥ ২৫॥
• সচ্চিদানন্দপূর্ণোঽহং সচ্চিদানন্দকারণম্ ।
• সচ্চিদানন্দসন্দোহঃ সচ্চিদানন্দ ঈশ্বরঃ ॥ ২৬॥var was হীনকঃ
• সচ্চিদানন্দনিত্যোঽহং সচ্চিদানন্দলক্ষণম্ ।
• সচ্চিদানন্দমাত্রোঽহং সচ্চিদানন্দরূপকঃ ॥ ২৭॥
• আত্মৈবেদমিদং সর্বমাত্মৈবাহং ন সংশযঃ ।
• আত্মৈবাস্মি পরং সত্যমাত্মৈব পরমং পদম্ ॥ ২৮॥
• আত্মৈব জগদাকারং আত্মৈব ভুবনত্রযম্ ।
• আত্মৈব জগতাং শ্রেষ্ঠঃ আত্মৈব হি মনোমযঃ ॥ ২৯॥
• আত্মৈব জগতাং ত্রাতা আত্মৈব গুরুরাত্মনঃ ।
• আত্মৈব বহুধা ভাতি আত্মৈবৈকং পরাত্মনঃ ॥ ৩০॥
• আত্মৈব পরমং ব্রহ্ম আত্মৈবাহং ন সংশযঃ ।
• আত্মৈব পরমং লোকং আত্মৈব পরমাত্মনঃ ॥ ৩১॥
• আত্মৈব জীবরূপাত্মা আত্মৈবেশ্বরবিগ্রহঃ ।
• আত্মৈব হরিরানন্দঃ আত্মৈব স্বযমাত্মনঃ ॥ ৩২॥
• আত্মৈবানন্দসন্দোহ আত্মৈবেদং সদা সুখম্ ।
• আত্মৈব নিত্যশুদ্ধাত্মা আত্মৈব জগতঃ পরঃ ॥ ৩৩॥
• আত্মৈব পঞ্চভূতাত্মা আত্মৈব জ্যোতিরাত্মনঃ ।
• আত্মৈব সর্বদা নান্যদাত্মৈব পরমোঽব্যযঃ ॥ ৩৪॥
• আত্মৈব হ্যাত্মভাসাত্মা আত্মৈব বিভুরব্যযঃ ।
• আত্মৈব ব্রহ্মবিজ্ঞানং আত্মৈবাহং ত্বমেব হি ॥ ৩৫॥
• আত্মৈব পরমানন্দ আত্মৈবাহং জগন্মযঃ ।
• আত্মৈবাহং জগদ্ভানং আত্মৈবাহং ন কিঞ্চন ॥ ৩৬॥
• আত্মৈব হ্যাত্মনঃ স্নানমাত্মৈব হ্যাত্মনো জপঃ ।
• আত্মৈব হ্যাত্মনো মোদমাত্মৈবাত্মপ্রিযঃ সদা ॥ ৩৭॥
• আত্মৈব হ্যাত্মনো নিত্যো হ্যাত্মৈব গুণভাসকঃ ।
• আত্মৈব তুর্যরূপাত্মা আত্মাতীতস্ততঃ পরঃ ॥ ৩৮॥
• আত্মৈব নিত্যপূর্ণাত্মা আত্মৈবাহং ন সংশযঃ ।
• আত্মৈব ত্বমহং চাত্মা সর্বমাত্মৈব কেবলম্ ॥ ৩৯॥
• নিত্যোঽহং নিত্যপূর্ণোঽহং নিত্যোঽহং সর্বদা সদা ।
• আত্মৈবাহং জগন্নান্যদ্ অমৃতাত্মা পুরাতনঃ ॥ ৪০॥
• পুরাতনোঽহং পুরুষোঽহমীশঃ পরাত্ পরোঽহং পরমেশ্বরোঽহম্ ।
• ভবপ্রদোঽহং ভবনাশনোঽহং সুখপ্রদোঽহং সুখরূপমদ্বযম্ ॥ ৪১॥
• আনন্দোঽহমশেষোঽহমমৃতোহং ন সংশযঃ ।
• অজোঽহমাত্মরূপোঽহমন্যন্নাস্তি সদা প্রিযঃ ॥ ৪২॥
• ব্রহ্মৈবাহমিদং ব্রহ্ম সর্বং ব্রহ্ম সদাঽব্যযঃ ।
• সদা সর্বপদং নাস্তি সর্বমেব সদা ন হি ॥ ৪৩॥
• নির্গুণোঽহং নিরাধার অহং নাস্তীতি সর্বদা ।
• অনর্থমূলং নাস্ত্যেব মাযাকার্যং ন কিঞ্চন ॥ ৪৪॥
• অবিদ্যাবিভবো নাস্তি অহং ব্রহ্ম ন সংশযঃ ।
• সর্বং ব্রহ্ম চিদাকাশং তদেবাহং ন সংশযঃ ॥ ৪৫॥
• তদেবাহং স্বযং চাহং পরং চাহং পরেশ্বরঃ ।
• বিদ্যাধরোঽহমেবাত্র বিদ্যাবিদ্যে ন কিঞ্চন ॥ ৪৬॥
• চিদহং চিদহং নিত্যং তুর্যোঽহং তুর্যকঃ পরঃ ।
• ব্রহ্মৈব সর্বং ব্রহ্মৈব সর্বং ব্রহ্ম সদাঽস্ম্যহম্ ॥ ৪৭॥
• মত্তোঽন্যন্নাপরং কিঞ্চিন্মত্তোঽন্যদ্ব্রহ্ম চ ক্বচিত্ ।
• মত্তোঽন্যত্ পরমং নাস্তি মত্তোঽন্যচ্চিত্পদং নহি ॥ ৪৮॥
• মত্তোঽন্যত্ সত্পদং নাস্তি মত্তোঽন্যচ্চিত্পদং ন মে ।
• মত্তোঽন্যত্ ভবনং নাস্তি মত্তোঽন্যদ্ ব্রহ্ম এব ন ॥ ৪৯॥
• মত্তোঽন্যত্ কারণং নাস্তি মত্তোঽন্যত্ কিঞ্চিদপ্যণু ।
• মত্তোঽন্যত্ সত্ত্বরূপং চ মত্তোঽন্যত্ শুদ্ধমেব ন ॥ ৫০॥
• মত্তোঽন্যত্ পাবনং নাস্তি মত্তোঽন্যত্ তত্পদং ন হি ।
• মত্তোঽন্যত্ ধর্মরূপং বা মত্তোঽন্যদখিলং ন চ ॥ ৫১॥
• মত্তোঽন্যদসদেবাত্র মত্তোঽন্যন্মিথ্যা এব হি ।
• মত্তোঽন্যদ্ভাতি সর্বস্বং মত্তোঽন্যচ্ছশশৃঙ্গবত্ ॥ ৫২॥
• মত্তোঽন্যদ্ভাতি চেন্মিথ্যা মত্তোঽন্যচ্চেন্দ্রজালকম্ ।
• মত্তোঽন্যত্ সংশযো নাস্তি মত্তোঽন্যত্ কার্য কারণম্ ॥ ৫৩॥
• ব্রহ্মমাত্রমিদং সর্বং সোঽহমস্মীতি ভাবনম্ ।
• সর্বমুক্তং ভগবতা এবমেবেতি নিশ্চিনু ॥ ৫৪॥
• বহুনোক্তেন কিং যোগিন্ নিশ্চযং কুরু সর্বদা ।
• সকৃন্নিশ্চযমাত্রেণ ব্রহ্মৈব ভবতি স্বযম্ ॥ ৫৫॥
• বননগভুবনং যচ্ছঙ্করান্নান্যদস্তি
• জগদিদমসুরাদ্যং দেবদেবঃ স এব ।
• তনুমনগমনাদ্যৈঃ কোশকাশাবকাশে
• স খলু পরশিবাত্মা দৃশ্যতে সূক্ষ্মবুদ্ধ্যা ॥ ৫৬॥
• চক্ষুঃশ্রোত্রমনোঽসবশ্চ হৃদি খাদুদ্ভাসিতধ্যান্তরাত্
• তস্মিন্নেব বিলীযতে গতিপরং যদ্বাসনা বাসিনী ।
• চিত্তং চেতযতে হৃদিন্দ্রিযগণং বাচাং মনোদূরগং
• তং ব্রহ্মামৃতমেতদেব গিরিজাকান্তাত্মনা সংজ্ঞিতম্ ॥ ৫৭॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে অষ্টাদশোঽধ্যাযঃ ॥

ঋভুঃ -

• অত্যন্তং দুর্লভং বক্ষ্যে বেদশাস্ত্রাগমাদিষু ।
• শৃণ্বন্তু সাবধানেন অসদেব হি কেবলম্ ॥ ১॥
• যত্কিঞ্চিদ্ দৃশ্যতে লোকে যত্কিঞ্চিদ্ভাষতে সদা ।
• যত্কিঞ্চিদ্ ভুজ্যতে ক্বাপি তত্সর্বমসদেব হি ॥ ২॥
• যদ্যত্ কিঞ্চিজ্জপং বাপি স্নানং বা জলমেব বা ।
• আত্মনোঽন্যত্ পরং যদ্যত্ অসত্ সর্বং ন সংশযঃ ॥ ৩॥
• চিত্তকার্যং বুদ্ধিকার্যং মাযাকার্যং তথৈব হি ।
• আত্মনোঽন্যত্ পরং কিঞ্চিত্ তত্সর্বমসদেব হি ॥ ৪॥
• অহন্তাযাঃ পরং রূপং ইদংত্বং সত্যমিত্যপি ।
• আত্মনোঽন্যত্ পরং কিঞ্চিত্ তত্সর্বমসদেব হি ॥ ৫॥
• নানাত্বমেব রূপত্বং ব্যবহারঃ ক্বচিত্ ক্বচিত্ ।
• আত্মীয এব সর্বত্র তত্সর্বমসদেব হি ॥ ৬॥
• তত্ত্বভেদং জগদ্ভেদং সর্বভেদমসত্যকম্ ।
• ইচ্ছাভেদং জগদ্ভেদং তত্সর্বমসদেব হি ॥ ৭॥
• দ্বৈতভেদং চিত্রভেদং জাগ্রদ্ভেদং মনোমযম্ ।
• অহংভেদমিদংভেদমসদেব হি কেবলম্ ॥ ৮॥
• স্বপ্নভেদং সুপ্তিভেদং তুর্যভেদমভেদকম্ ।
• কর্তৃভেদং কার্যভেদং গুণভেদং রসাত্মকম্ ।
• লিঙ্গভেদমিদংভেদমসদেব হি কেবলম্ ॥ ৯॥
• আত্মভেদমসদ্ভেদং সদ্ভেদমসদণ্বপি ।
• অত্যন্তাভাবসদ্ভেদম্ অসদেব হি কেবলম্ ॥ ১০॥
• অস্তিভেদং নাস্তিভেদমভেদং ভেদবিভ্রমঃ ।
• ভ্রান্তিভেদং ভূতিভেদমসদেব হি কেবলম্ ॥ ১১॥
• পুনরন্যত্র সদ্ভেদমিদমন্যত্র বা ভযম্ ।
• পুণ্যভেদং পাপভেদং অসদেব হি কেবলম্ ॥ ১২॥
• সঙ্কল্পভেদং তদ্ভেদং সদা সর্বত্র ভেদকম্ ।
• জ্ঞানাজ্ঞানমযং সর্বং অসদেব হি কেবলম্ ॥ ১৩॥
• ব্রহ্মভেদং ক্ষত্রভেদং ভূতভৌতিকভেদকম্ ।
• ইদংভেদমহংভেদং অসদেব হি কেবলম্ ॥ ১৪॥
• বেদভেদং দেবভেদং লোকানাং ভেদমীদৃশম্ ।
• পঞ্চাক্ষরমসন্নিত্যম্ অসদেব হি কেবলম্ ॥ ১৫॥
• জ্ঞানেন্দ্রিযমসন্নিত্যং কর্মেন্দ্রিযমসত্সদা ।
• অসদেব চ শব্দাখ্যং অসত্যং তত্ফলং তথা ॥ ১৬॥
• অসত্যং পঞ্চভূতাখ্যমসত্যং পঞ্চদেবতাঃ ।
• অসত্যং পঞ্চকোশাখ্যম্ অসদেব হি কেবলম্ ॥ ১৭॥
• অসত্যং ষড্বিকারাদি অসত্যং ষট্কমূর্মিণাম্ ।
• অসত্যমরিষড্বর্গমসত্যং ষডৃতুস্তদা ॥ ১৮॥var was তথা
• অসত্যং দ্বাদশমাসাঃ অসত্যং বত্সরস্তথা ।
• অসত্যং ষডবস্থাখ্যং ষট্কালমসদেব হি ॥ ১৯॥
• অসত্যমেব ষট্শাস্ত্রং অসদেব হি কেবলম্ ।
• অসদেব সদা জ্ঞানং অসদেব হি কেবলম্ ॥ ২০॥
• অনুক্তমুক্তং নোক্তং চ অসদেব হি কেবলম্ ।
• অসত্প্রকরণং প্রোক্তং সর্ববেদেষু দুর্লভম্ ॥ ২১॥
• ভূযঃ শৃণু ত্বং যোগীন্দ্র সাক্ষান্মোক্ষং ব্রবীম্যহম্ ।
• সন্মাত্রমহমেবাত্মা সচ্চিদানন্দ কেবলম্ ॥ ২২॥
• সন্মযানন্দভূতাত্মা চিন্মযানন্দসদ্ঘনঃ ।
• চিন্মযানন্দসন্দোহচিদানন্দো হি কেবলম্ ॥ ২৩॥
• চিন্মাত্রজ্যোতিরান্দশ্চিন্মাত্রজ্যোতিবিগ্রহঃ ।
• চিন্মাত্রজ্যোতিরীশানঃ সর্বদানন্দকেবলম্ ॥ ২৪॥
• চিন্মাত্রজ্যোতিরখিলং চিন্মাত্রজ্যোতিরস্ম্যহম্ ।
• চিন্মাত্রং সর্বমেবাহং সর্বং চিন্মাত্রমেব হি ॥ ২৫॥
• চিন্মাত্রমেব চিত্তং চ চিন্মাত্রং মোক্ষ এব চ ।
• চিন্মাত্রমেব মননং চিন্মাত্রং শ্রবণং তথা ॥ ২৬॥
• চিন্মাত্রমহমেবাস্মি সর্বং চিন্মাত্রমেব হি ।
• চিন্মাত্রং নির্গুণং ব্রহ্ম চিন্মাত্রং সগুণং পরম্ ॥ ২৭॥
• চিন্মাত্রমহমেব ত্বং সর্বং চিন্মাত্রমেব হি ।
• চিন্মাত্রমেব হৃদযং চিন্মাত্রং চিন্মযং সদা ॥ ২৮॥
• চিদেব ত্বং চিদেবাহং সর্বং চিন্মাত্রমেব হি ।
• চিন্মাত্রমেব শান্তত্বং চিন্মাত্রং শান্তিলক্ষণম্ ॥ ২৯॥
• চিন্মাত্রমেব বিজ্ঞানং চিন্মাত্রং ব্রহ্ম কেবলম্ ।
• চিন্মাত্রমেব সংকল্পং চিন্মাত্রং ভুবনত্রযম্ ॥ ৩০॥
• চিন্মাত্রমেব সর্বত্র চিন্মাত্রং ব্যাপকো গুরুঃ ।
• চিন্মাত্রমেব শুদ্ধত্বং চিন্মাত্রং ব্রহ্ম কেবলম্ ॥ ৩১॥
• চিন্মাত্রমেব চৈতন্যং চিন্মাত্রং ভাস্করাদিকম্ ।
• চিন্মাত্রমেব সন্মাত্রং চিন্মাত্রং জগদেব হি ॥ ৩২॥
• চিন্মাত্রমেব সত্কর্ম চিন্মাত্রং নিত্যমঙ্গলম্ ।
• চিন্মাত্রমেব হি ব্রহ্ম চিন্মাত্রং হরিরেব হি ॥ ৩৩॥
• চিন্মাত্রমেব মৌনাত্মা চিন্মাত্রং সিদ্ধিরেব হি ।
• চিন্মাত্রমেব জনিতং চিন্মাত্রং সুখমেব হি ॥ ৩৪॥
• চিন্মাত্রমেব গগনং চিন্মাত্রং পর্বতং জলম্ ।
• চিন্মাত্রমেব নক্ষত্রং চিন্মাত্রং মেঘমেব হি ॥ ৩৫॥
• চিদেব দেবতাকারং চিদেব শিবপূজনম্ ।
• চিন্মাত্রমেব কাঠিন্যং চিন্মাত্রং শীতলং জলম্ ॥ ৩৬॥
• চিন্মাত্রমেব মন্তব্যং চিন্মাত্রং দৃশ্যভাবনম্ ।
• চিন্মাত্রমেব সকলং চিন্মাত্রং ভুবনং পিতা ॥ ৩৭॥
• চিন্মাত্রমেব জননী চিন্মাত্রান্নাস্তি কিঞ্চন ।
• চিন্মাত্রমেব নযনং চিন্মাত্রং শ্রবণং সুখম্ ॥ ৩৮॥
• চিন্মাত্রমেব করণং চিন্মাত্রং কার্যমীশ্বরম্ ।
• চিন্মাত্রং চিন্মযং সত্যং চিন্মাত্রং নাস্তি নাস্তি হি ॥ ৩৯॥
• চিন্মাত্রমেব বেদান্তং চিন্মাত্রং ব্রহ্ম নিশ্চযম্ ।
• চিন্মাত্রমেব সদ্ভাবি চিন্মাত্রং ভাতি নিত্যশঃ ॥ ৪০॥
• চিদেব জগদাকারং চিদেব পরমং পদম্ ।
• চিদেব হি চিদাকারং চিদেব হি চিদব্যযঃ ॥ ৪১॥
• চিদেব হি শিবাকারং চিদেব হি শিববিগ্রহঃ ।
• চিদাকারমিদং সর্বং চিদাকারং সুখাসুখম্ ॥ ৪২॥
• চিদেব হি জডাকারং চিদেব হি নিরন্তরম্ ।
• চিদেবকলনাকারং জীবাকারং চিদেব হি ॥ ৪৩॥
• চিদেব দেবতাকারং চিদেব শিবপূজনম্ ।
• চিদেব ত্বং চিদেবাহং সর্বং চিন্মাত্রমেব হি ॥ ৪৪॥
• চিদেব পরমাকারং চিদেব হি নিরামযম্ ।
• চিন্মাত্রমেব সততং চিন্মাত্রং হি পরাযণম্ ॥ ৪৫॥
• চিন্মাত্রমেব বৈরাগ্যং চিন্মাত্রং নির্গুণং সদা ।
• চিন্মাত্রমেব সঞ্চারং চিন্মাত্রং মন্ত্রতন্ত্রকম্ ॥ ৪৬॥
• চিদাকারমিদং বিশ্বং চিদাকারং জগত্ত্রযম্ ।
• চিদাকারমহঙ্কারং চিদাকারং পরাত্ পরম্ ॥ ৪৭॥
• চিদাকারমিদং ভেদং চিদাকারং তৃণাদিকম্ ।
• চিদাকারং চিদাকাশং চিদাকারমরূপকম্ ॥ ৪৮॥
• চিদাকারং মহানন্দং চিদাকারং সুখাত্ সুখম্ ।
• চিদাকারং সুখং ভোজ্যং চিদাকারং পরং গুরুম্ ॥ ৪৯॥
• চিদাকারমিদং বিশ্বং চিদাকারমিদং পুমান্ ।
• চিদাকারমজং শান্তং চিদাকারমনামযম্ ॥ ৫০॥
• চিদাকারং পরাতীতং চিদাকারং চিদেব হি ।
• চিদাকারং চিদাকাশং চিদাকাশং শিবাযতে ॥ ৫১॥
• চিদাকারং সদা চিত্তং চিদাকারং সদাঽমৃতম্ ।
• চিদাকারং চিদাকাশং তদা সর্বান্তরান্তরম্ ॥ ৫২॥
• চিদাকারমিদং পূর্ণং চিদাকারমিদং প্রিযম্ ।
• চিদাকারমিদং সর্বং চিদাকারমহং সদা ॥ ৫৩॥
• চিদাকারমিদং স্থানং চিদাকারং হৃদম্বরম্ ।
• চিদাবোধং চিদাকারং চিদাকাশং ততং সদা ॥ ৫৪॥
• চিদাকারং সদা পূর্ণং চিদাকারং মহত্ফলম্ ।
• চিদাকারং পরং তত্ত্বং চিদাকারং পরং ভবান্ ॥ ৫৫॥
• চিদাকারং সদামোদং চিদাকারং সদা মৃতম্ ।
• চিদাকারং পরং ব্রহ্ম চিদহং চিদহং সদা ॥ ৫৬॥
• চিদহং চিদহং চিত্তং চিত্তং স্বস্য ন সংশযঃ ।
• চিদেব জগদাকারং চিদেব শিবশঙ্করঃ ॥ ৫৭॥
• চিদেব গগনাকারং চিদেব গণনাযকম্ ।
• চিদেব ভুবনাকারং চিদেব ভবভাবনম্ ॥ ৫৮॥
• চিদেব হৃদযাকারং চিদেব হৃদযেশ্বরঃ ।
• চিদেব অমৃতাকারং চিদেব চলনাস্পদম্ ॥ ৫৯॥
• চিদেবাহং চিদেবাহং চিন্মযং চিন্মযং সদা ।
• চিদেব সত্যবিশ্বাসং চিদেব ব্রহ্মভাবনম্ ॥ ৬০॥
• চিদেব পরমং দেবং চিদেব হৃদযালযম্ ।
• চিদেব সকলাকারং চিদেব জনমণ্ডলম্ ॥ ৬১॥
• চিদেব সর্বমানন্দং চিদেব প্রিযভাষণম্ ।
• চিদেব ত্বং চিদেবাহং সর্বং চিন্মাত্রমেব হি ॥ ৬২॥
• চিদেব পরমং ধ্যানং চিদেব পরমর্হণম্ ।
• চিদেব ত্বং চিদেবাহং সর্বং চিন্মযমেব হি ॥ ৬৩॥
• চিদেব ত্বং প্রকরণং সর্ববেদেষু দুর্লভম্ ।
• সকৃচ্ছ্রবণমাত্রেণ ব্রহ্মৈব ভবতি ধ্রুবম্ ॥ ৬৪॥
• যস্যাভিধ্যানযোগাজ্জনিমৃতিবিবশাঃ শাশ্বতং বৃত্তিভির্যে
• মাযামোহৈর্বিহীনা হৃদুদরভযজং ছিদ্যতে গ্রন্থিজাতম্ ।
• বিশ্বং বিশ্বাধিকরসং ভবতি ভবতো দর্শনাদাপ্তকামঃ
• সো নিত্যো নির্বিকল্পো ভবতি ভুবি সদা ব্রহ্মভূতোঽন্তরাত্মা ॥ ৬৫॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে চিদেবত্বংপ্রকরণবর্ণনং নাম ষোডশোঽধ্যাযঃ ॥

ঋভুঃ -

• মহারহস্যং বক্ষ্যামি গুহ্যাত্ গুহ্যতরং পুনঃ ।
• অত্যন্তদুর্লভং লোকে সর্বং ব্রহ্মৈব কেবলম্ ॥ ১॥
• ব্রহ্মমাত্রমিদং সর্বং ব্রহ্মমাত্রমসন্ন হি ।
• ব্রহ্মমাত্রং শ্রুতং সর্বং সর্বং ব্রহ্মৈব কেবলম্ ॥ ২॥
• ব্রহ্মমাত্রং মহাযন্ত্রং ব্রহ্মমাত্রং ক্রিযাফলম্ ।
• ব্রহ্মমাত্রং মহাবাক্যং সর্বং ব্রহ্মৈব কেবলম্ ॥ ৩॥
• ব্রহ্মমাত্রং জগত্সর্বং ব্রহ্মমাত্রং জডাজডম্ ।
• ব্রহ্মমাত্রং পরং দেহং সর্বং ব্রহ্মৈব কেবলম্ ॥ ৪॥
• ব্রহ্মমাত্রং গুণং প্রোক্তং ব্রহ্মমাত্রমহং মহত্ ।
• ব্রহ্মমাত্রং পরং ব্রহ্ম সর্বং ব্রহ্মৈব কেবলম্ ॥ ৫॥
• ব্রহ্মমাত্রমিদং বস্তু ব্রহ্মমাত্রং স চ পুমান্ ।
• ব্রহ্মমাত্রং চ যত্ কিঞ্চিত্ সর্বং ব্রহ্মৈব কেবলম্ ॥ ৬॥
• ব্রহ্মমাত্রমনন্তাত্মা ব্রহ্মমাত্রং পরং সুখম্ ।
• ব্রহ্মমাত্রং পরং জ্ঞানং সর্বং ব্রহ্মৈব কেবলম্ ॥ ৭॥
• ব্রহ্মমাত্রং পরং পারং ব্রহ্মমাত্রং পুরত্রযম্ ।
• ব্রহ্মমাত্রমনেকত্বং সর্বং ব্রহ্মৈব কেবলম্ ॥ ৮॥
• ব্রহ্মৈব কেবলং গন্ধং ব্রহ্মৈব পরমং পদম্ ।
• ব্রহ্মৈব কেবলং ঘ্রাণং সর্বং ব্রহ্মৈব কেবলম্ ॥ ৯॥
• ব্রহ্মৈব কেবলং স্পর্শং শব্দং ব্রহ্মৈব কেবলম্ ।
• ব্রহ্মৈব কেবলং রূপং সর্বং ব্রহ্মৈব কেবলম্ ॥ ১০॥
• ব্রহ্মৈব কেবলং লোকং রসো ব্রহ্মৈব কেবলম্ ।
• ব্রহ্মৈব কেবলং চিত্তং সর্বং ব্রহ্মৈব কেবলম্ ॥ ১১॥
• তত্পদং চ সদা ব্রহ্ম ত্বং পদং ব্রহ্ম এব হি ।
• অসীত্যেব পদং ব্রহ্ম ব্রহ্মৈক্যং কেবলম্ সদা ॥ ১২॥
• ব্রহ্মৈব কেবলং গুহ্যং ব্রহ্ম বাহ্যং চ কেবলম্ ।
• ব্রহ্মৈব কেবলং নিত্যং সর্বং ব্রহ্মৈব কেবলম্ ॥ ১৩॥
• ব্রহ্মৈব তজ্জলানীতি জগদাদ্যন্তযোঃ স্থিতিঃ ।
• ব্রহ্মৈব জগদাদ্যন্তং সর্বং ব্রহ্মৈব কেবলম্ ॥ ১৪॥
• ব্রহ্মৈব চাস্তি নাস্তীতি ব্রহ্মৈবাহং ন সংশযঃ ।
• ব্রহ্মৈব সর্বং যত্ কিঞ্চিত্ সর্বং ব্রহ্মৈব কেবলম্ ॥ ১৫॥
• ব্রহ্মৈব জাগ্রত্ সর্বং হি ব্রহ্মমাত্রমহং পরম্ ।
• ব্রহ্মৈব সত্যমস্তিত্বং ব্রহ্মৈব তুর্যমুচ্যতে ॥ ১৬॥
• ব্রহ্মৈব সত্তা ব্রহ্মৈব ব্রহ্মৈব গুরুভাবনম্ ।
• ব্রহ্মৈব শিষ্যসদ্ভাবং মোক্ষং ব্রহ্মৈব কেবলম্ ॥ ১৭॥
• পূর্বাপরং চ ব্রহ্মৈব পূর্ণং ব্রহ্ম সনাতনম্ ।
• ব্রহ্মৈব কেবলং সাক্ষাত্ সর্বং ব্রহ্মৈব কেবলম্ ॥ ১৮॥
• ব্রহ্ম সচ্চিত্সুখং ব্রহ্ম পূর্ণং ব্রহ্ম সনাতনম্ ।
• ব্রহ্মৈব কেবলং সাক্ষাত্ সর্বং ব্রহ্মৈব কেবলম্ ॥ ১৯॥
• ব্রহ্মৈব কেবলং সচ্চিত্ সুখং ব্রহ্মৈব কেবলম্ ।
• আনন্দং ব্রহ্ম সর্বত্র প্রিযরূপমবস্থিতম্ ॥ ২০॥
• শুভবাসনযা জীবং শিববদ্ভাতি সর্বদা ।
• পাপবাসনযা জীবো নরকং ভোজ্যবত্ স্থিতম্ ॥ ২১॥
• ব্রহ্মৈবেন্দ্রিযবদ্ভানং ব্রহ্মৈব বিষযাদিবত্ ।
• ব্রহ্মৈব ব্যবহারশ্চ সর্বং ব্রহ্মৈব কেবলম্ ॥ ২২॥
• ব্রহ্মৈব সর্বমানন্দং ব্রহ্মৈব জ্ঞানবিগ্রহম্ ।
• ব্রহ্মৈব মাযাকার্যাখ্যং সর্বং ব্রহ্মৈব কেবলম্ ॥ ২৩॥
• ব্রহ্মৈব যজ্ঞসন্ধানং ব্রহ্মৈব হৃদযাম্বরম্ ।
• ব্রহ্মৈব মোক্ষসারাখ্যং সর্বং ব্রহ্মৈব কেবলম্ ॥ ২৪॥
• ব্রহ্মৈব শুদ্ধাশুদ্ধং চ সর্বং ব্রহ্মৈব কারণম্ ।
• ব্রহ্মৈব কার্যং ভূলোকং সর্বং ব্রহ্মৈব কেবলম্ ॥ ২৫॥
• ব্রহ্মৈব নিত্যতৃপ্তাত্মা ব্রহ্মৈব সকলং দিনম্ ।
• ব্রহ্মৈব তূষ্ণীং ভূতাত্মা সর্বং ব্রহ্মৈব কেবলম্ ॥ ২৬॥
• ব্রহ্মৈব বেদসারার্থঃ ব্রহ্মৈব ধ্যানগোচরম্ ।
• ব্রহ্মৈব যোগযোগাখ্যং সর্বং ব্রহ্মৈব কেবলম্ ॥ ২৭॥
• নানারূপত্বাদ্ ব্রহ্ম উপাধিত্বেন দৃশ্যতে ।
• মাযামাত্রমিতি জ্ঞাত্বা বস্তুতো নাস্তি তত্ত্বতঃ ॥ ২৮॥
• ব্রহ্মৈব লোকবদ্ভাতি ব্রহ্মৈব জনবত্তথা ।
• ব্রহ্মৈব রূপবদ্ভাতি বস্তুতো নাস্তি কিঞ্চন ॥ ২৯॥
• ব্রহ্মৈব দেবতাকারং ব্রহ্মৈব মুনিমণ্ডলম্ ।
• ব্রহ্মৈব ধ্যানরূপং চ সর্বং ব্রহ্মৈব কেবলম্ ॥ ৩০॥
• ব্রহ্মৈব জ্ঞানবিজ্ঞানং ব্রহ্মৈব পরমেশ্বরঃ ।
• ব্রহ্মৈব শুদ্ধবুদ্ধাত্মা সর্বং ব্রহ্মৈব কেবলম্ ॥ ৩১॥
• ব্রহ্মৈব পরমানদং ব্রহ্মৈব ব্যাপকং মহত্ ।
• ব্রহ্মৈব পরমার্থং চ সর্বং ব্রহ্মৈব কেবলম্ ॥ ৩২॥
• ব্রহ্মৈব যজ্ঞরূপং চ ব্রহ্ম হব্যং চ কেবলম্ ।
• ব্রহ্মৈব জীবভূতাত্মা সর্বং ব্রহ্মৈব কেবলম্ ॥ ৩৩॥
• ব্রহ্মৈব সকলং লোকং ব্রহ্মৈব গুরুশিষ্যকম্ ।
• ব্রহ্মৈব সর্বসিদ্ধিং চ সর্বং ব্রহ্মৈব কেবলম্ ॥ ৩৪॥
• ব্রহ্মৈব সর্বমন্ত্রং চ ব্রহ্মৈব সকলং জপম্ ।
• ব্রহ্মৈব সর্বকার্যং চ সর্বং ব্রহ্মৈব কেবলম্ ॥ ৩৫॥
• ব্রহ্মৈব সর্বশান্তত্বং ব্রহ্মৈব হৃদযান্তরম্ ।
• ব্রহ্মৈব সর্বকৈবল্যং সর্বং ব্রহ্মৈব কেবলম্ ॥ ৩৬॥
• ব্রহ্মৈবাক্ষরভাবঞ্চ ব্রহ্মৈবাক্ষরলক্ষণম্ ।
• ব্রহ্মৈব ব্রহ্মরূপঞ্চ সর্বং ব্রহ্মৈব কেবলম্ ॥ ৩৭॥
• ব্রহ্মৈব সত্যভবনং ব্রহ্মৈবাহং ন সংশযঃ ।
• ব্রহ্মৈব তত্পদার্থঞ্চ সর্বং ব্রহ্মৈব কেবলম্ ॥ ৩৮॥
• ব্রহ্মৈবাহংপদার্থঞ্চ ব্রহ্মৈব পরমেশ্বরঃ ।
• ব্রহ্মৈব ত্বংপদার্থঞ্চ সর্বং ব্রহ্মৈব কেবলম্ ॥ ৩৯॥
• ব্রহ্মৈব যদ্যত্ পরমং ব্রহ্মৈবেতি পরাযণম্ ।
• ব্রহ্মৈব কলনাভাবং সর্বং ব্রহ্মৈব কেবলম্ ॥ ৪০॥
• ব্রহ্ম সর্বং ন সন্দেহো ব্রহ্মৈব ত্বং সদাশিবঃ ।
• ব্রহ্মৈবেদং জগত্ সর্বং সর্বং ব্রহ্মৈব কেবলম্ ॥ ৪১॥
• ব্রহ্মৈব সর্বসুলভং ব্রহ্মৈবাত্মা স্বযং স্বযম্ ।
• ব্রহ্মৈব সুখমাত্রত্বাত্ সর্বং ব্রহ্মৈব কেবলম্ ॥ ৪২॥
• ব্রহ্মৈব সর্বং ব্রহ্মৈব ব্রহ্মণোঽন্যদসত্ সদা ।
• ব্রহ্মৈব ব্রহ্মমাত্রাত্মা সর্বং ব্রহ্মৈব কেবলম্ ॥ ৪৩॥
• ব্রহ্মৈব সর্ববাক্যার্থঃ ব্রহ্মৈব পরমং পদম্ ।
• ব্রহ্মৈব সত্যাসত্যং চ সর্বং ব্রহ্মৈব কেবলম্ ॥ ৪৪॥
• ব্রহ্মৈবৈকমনাদ্যন্তং ব্রহ্মৈবৈকং ন সংশযঃ ।
• ব্রহ্মৈবৈকং চিদানন্দঃ সর্বং ব্রহ্মৈব কেবলম্ ॥ ৪৫॥
• ব্রহ্মৈবৈকং সুখং নিত্যং ব্রহ্মৈবৈকং পরাযণম্ ।
• ব্রহ্মৈবৈকং পরং ব্রহ্ম সর্বং ব্রহ্মৈব কেবলম্ ॥ ৪৬॥
• ব্রহ্মৈব চিত্ স্বযং স্বস্থং ব্রহ্মৈব গুণবর্জিতম্ ।
• ব্রহ্মৈবাত্যন্তিকং সর্বং সর্বং ব্রহ্মৈব কেবলম্ ॥ ৪৭॥
• ব্রহ্মৈব নির্মলং সর্বং ব্রহ্মৈব সুলভং সদা ।
• ব্রহ্মৈব সত্যং সত্যানাং সর্বং ব্রহ্মৈব কেবলম্ ॥ ৪৮॥
• ব্রহ্মৈব সৌখ্যং সৌখ্যং চ ব্রহ্মৈবাহং সুখাত্মকম্ ।
• ব্রহ্মৈব সর্বদা প্রোক্তং সর্বং ব্রহ্মৈব কেবলম্ ॥ ৪৯॥
• ব্রহ্মৈবমখিলং ব্রহ্ম ব্রহ্মৈকং সর্বসাক্ষিকম্ ।
• ব্রহ্মৈব ভূরিভবনং সর্বং ব্রহ্মৈব কেবলম্ ॥ ৫০॥
• ব্রহ্মৈব পরিপূর্ণাত্মা ব্রহ্মৈবং সারমব্যযম্ ।
• ব্রহ্মৈব কারণং মূলং ব্রহ্মৈবৈকং পরাযণম্ ॥ ৫১॥
• ব্রহ্মৈব সর্বভূতাত্মা ব্রহ্মৈব সুখবিগ্রহম্ ।
• ব্রহ্মৈব নিত্যতৃপ্তাত্মা সর্বং ব্রহ্মৈব কেবলম্ ॥ ৫২॥
• ব্রহ্মৈবাদ্বৈতমাত্রাত্মা ব্রহ্মৈবাকাশবত্ প্রভুঃ ।
• ব্রহ্মৈব হৃদযানন্দঃ সর্বং ব্রহ্মৈব কেবলম্ ॥ ৫৩॥
• ব্রহ্মণোঽন্যত্ পরং নাস্তি ব্রহ্মণোঽন্যজ্জগন্ন চ ।
• ব্রহ্মণোঽন্যদহং নাহং সর্বং ব্রহ্মৈব কেবলম্ ॥ ৫৪॥
• ব্রহ্মৈবান্যসুখং নাস্তি ব্রহ্মণোঽন্যত্ ফলং ন হি ।
• ব্রহ্মণোঽন্যত্ তৃণং নাস্তি সর্বং ব্রহ্মৈব কেবলম্ ॥ ৫৫॥
• ব্রহ্মণোঽন্যত্ পদং মিথ্যা ব্রহ্মণোঽন্যন্ন কিঞ্চন ।
• ব্রহ্মণোঽন্যজ্জগন্মিথ্যা সর্বং ব্রহ্মৈব কেবলম্ ॥ ৫৬॥
• ব্রহ্মণোঽন্যদহং মিথ্যা ব্রহ্মমাত্রোহমেব হি ।
• ব্রহ্মণোঽন্যো গুরুর্নাস্তি সর্বং ব্রহ্মৈব কেবলম্ ॥ ৫৭॥
• ব্রহ্মণোঽন্যদসত্ কার্যং ব্রহ্মণোঽন্যদসদ্বপুঃ ।
• ব্রহ্মণোঽন্যন্মনো নাস্তি সর্বং ব্রহ্মৈব কেবলম্ ॥ ৫৮॥
• ব্রহ্মণোঽন্যজ্জগন্মিথ্যা ব্রহ্মণোঽন্যন্ন কিঞ্চন ।
• ব্রহ্মণোঽন্যন্ন চাহন্তা সর্বং ব্রহ্মৈব কেবলম্ ॥ ৫৯॥
• ব্রহ্মৈব সর্বমিত্যেবং প্রোক্তং প্রকরণং মযা ।
• যঃ পঠেত্ শ্রাবযেত্ সদ্যো ব্রহ্মৈব ভবতি স্বযম্ ॥ ৬০॥
• অস্তি ব্রহ্মেতি বেদে ইদমিদমখিলং বেদ সো সদ্ভবেত্ ।
• সচ্চাসচ্চ জগত্তথা শ্রুতিবচো ব্রহ্মৈব তজ্জাদিকম্ ॥
• যতো বিদ্যৈবেদং পরিলুঠতি মোহেন জগতি ।
• অতো বিদ্যাপাদো পরিভবতি ব্রহ্মৈব হি সদা ॥ ৬১॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে ব্রহ্মৈব সর্বং প্রকরণনিরূপণং নাম পঞ্চদশোঽধ্যাযঃ ॥

ঋভুঃ -

• শৃণুষ্ব দুর্লভং লোকে সারাত্ সারতরং পরম্ ।
• আত্মরূপমিদং সর্বমাত্মনোঽন্যন্ন কিঞ্চন ॥ ১॥
• সর্বমাত্মাস্তি পরমা পরমাত্মা পরাত্মকঃ ।
• নিত্যানন্দস্বরূপাত্মা হ্যাত্মনোঽন্যন্ন কিঞ্চন ॥ ২॥
• পূর্ণরূপো মহানাত্মা পূতাত্মা শাশ্বতাত্মকঃ ।
• নির্বিকারস্বরূপাত্মা নির্মলাত্মা নিরাত্মকঃ ॥ ৩॥
• শান্তাশান্তস্বরূপাত্মা হ্যাত্মনোঽন্যন্ন কিঞ্চন ।
• জীবাত্মা পরমাত্মা হি চিত্তাচিত্তাত্মচিন্মযঃ ।
• একাত্মা একরূপাত্মা নৈকাত্মাত্মবিবর্জিতঃ ॥ ৪॥
• মুক্তামুক্তস্বরূপাত্মা মুক্তামুক্তবিবর্জিতঃ ।
• মোক্ষরূপস্বরূপাত্মা হ্যাত্মনোঽন্যন্ন কিঞ্চন ॥ ৫॥
• দ্বৈতাদ্বৈতস্বরূপাত্মা দ্বৈতাদ্বৈতবিবর্জিতঃ ।
• সর্ববর্জিতসর্বাত্মা হ্যাত্মনোঽন্যন্ন কিঞ্চন ॥ ৬॥
• মুদামুদস্বরূপাত্মা মোক্ষাত্মা দেবতাত্মকঃ ।
• সঙ্কল্পহীনসারাত্মা হ্যাত্মনোঽন্যন্ন কিঞ্চন ॥ ৭॥
• নিষ্কলাত্মা নির্মলাত্মা বুদ্ধ্যাত্মা পুরুষাত্মকঃ ।
• আনন্দাত্মা হ্যজাত্মা চ হ্যাত্মনোঽন্যন্ন কিঞ্চন ॥ ৮॥
• অগণ্যাত্মা গণাত্মা চ অমৃতাত্মামৃতান্তরঃ ।
• ভূতভব্যভবিষ্যাত্মা হ্যাত্মনোঽন্যন্ন কিঞ্চন ॥ ৯॥
• অখিলাত্মাঽনুমন্যাত্মা মানাত্মা ভাবভাবনঃ ।
• তুর্যরূপপ্রসন্নাত্মা আত্মনোঽন্যন্ন কিঞ্চন ॥ ১০॥
• নিত্যং প্রত্যক্ষরূপাত্মা নিত্যপ্রত্যক্ষনির্ণযঃ ।
• অন্যহীনস্বভাবাত্মা আত্মনোঽন্যন্ন কিঞ্চন ॥ ১১॥
• অসদ্ধীনস্বভাবাত্মা অন্যহীনঃ স্বযং প্রভুঃ ।
• বিদ্যাবিদ্যান্যশুদ্ধাত্মা মানামানবিহীনকঃ ॥ ১২॥
• নিত্যানিত্যবিহীনাত্মা ইহামুত্রফলান্তরঃ ।
• শমাদিষট্কশূন্যাত্মা হ্যাত্মনোঽন্যন্ন কিঞ্চন ॥ ১৩॥
• মুমুক্ষুত্বং চ হীনাত্মা শব্দাত্মা দমনাত্মকঃ ।
• নিত্যোপরতরূপাত্মা হ্যাত্মনোঽন্যন্ন কিঞ্চন ॥ ১৪॥
• সর্বকালতিতিক্ষাত্মা সমাধানাত্মনি স্থিতঃ ।
• শুদ্ধাত্মা স্বাত্মনি স্বাত্মা হ্যাত্মনোঽন্যন্ন কিঞ্চন ॥ ১৫॥
• অন্নকোশবিহীনাত্মা প্রাণকোশবিবর্জিতঃ ।
• মনঃকোশবিহীনাত্মা হ্যাত্মনোঽন্যন্ন কিঞ্চন ॥ ১৬॥
• বিজ্ঞানকোশহীনাত্মা আনন্দাদিবিবর্জিতঃ ।
• পঞ্চকোশবিহীনাত্মা হ্যাত্মনোঽন্যন্ন কিঞ্চন ॥ ১৭॥
• নির্বিকল্পস্বরূপাত্মা সবিকল্পবিবর্জিতঃ ।
• শব্দানুবিদ্ধহীনাত্মা হ্যাত্মনোঽন্যন্ন কিঞ্চন ॥ ১৮॥var was শব্দানুবিধ্যহীনাত্মা
• স্থূলদেহবিহীনাত্মা সূক্ষ্মদেহবিবর্জিতঃ ।
• কারণাদিবিহীনাত্মা হ্যাত্মনোঽন্যন্ন কিঞ্চন ॥ ১৯॥
• দৃশ্যানুবিদ্ধশূন্যাত্মা হ্যাদিমধ্যান্তবর্জিতঃ ।
• শান্তা সমাধিশূন্যাত্মা হ্যাত্মনোঽন্যন্ন কিঞ্চন ॥ ২০॥
• প্রজ্ঞানবাক্যহীনাত্মা অহং ব্রহ্মাস্মিবর্জিতঃ ।
• তত্ত্বমস্যাদিবাক্যাত্মা হ্যাত্মনোঽন্যন্ন কিঞ্চন ॥ ২১॥
• অযমাত্মেত্যভাবাত্মা সর্বাত্মা বাক্যবর্জিতঃ ।
• ওংকারাত্মা গুণাত্মা চ হ্যাত্মনোঽন্যন্ন কিঞ্চন ॥ ২২॥
• জাগ্রদ্ধীনস্বরূপাত্মা স্বপ্নাবস্থাবিবর্জিতঃ ।
• আনন্দরূপপূর্ণাত্মা হ্যাত্মনোঽন্যন্ন কিঞ্চন ॥ ২৩॥
• ভূতাত্মা চ ভবিষ্যাত্মা হ্যক্ষরাত্মা চিদাত্মকঃ ।
• অনাদিমধ্যরূপাত্মা হ্যাত্মনোঽন্যন্ন কিঞ্চন ॥ ২৪॥
• সর্বসঙ্কল্পহীনাত্মা স্বচ্ছচিন্মাত্রমক্ষযঃ ।
• জ্ঞাতৃজ্ঞেযাদিহীনাত্মা হ্যাত্মনোঽন্যন্ন কিঞ্চন ॥ ২৫॥
• একাত্মা একহীনাত্মা দ্বৈতাদ্বৈতবিবর্জিতঃ ।
• স্বযমাত্মা স্বভাবাত্মা হ্যাত্মনোঽন্যন্ন কিঞ্চন ॥ ২৬॥
• তুর্যাত্মা নিত্যমাত্মা চ যত্কিঞ্চিদিদমাত্মকঃ ।
• ভানাত্মা মানহীনাত্মা হ্যাত্মনোঽন্যন্ন কিঞ্চন ॥ ২৭॥var was মানাত্মা
• বাচাবধিরনেকাত্মা বাচ্যানন্দাত্মনন্দকঃ ।
• সর্বহীনাত্মসর্বাত্মা হ্যাত্মনোঽন্যন্ন কিঞ্চন ॥ ২৮॥
• আত্মানমেব বীক্ষস্ব আত্মানং ভাবয স্বকম্ ।
• স্বস্বাত্মানং স্বযং ভুংক্ষ্ব হ্যাত্মনোঽন্যন্ন কিঞ্চন ॥ ২৯॥
• স্বাত্মানমেব সন্তুষ্য আত্মানং স্বযমেব হি ।
• স্বস্বাত্মানং স্বযং পশ্যেত্ স্বমাত্মানং স্বযং শ্রুতম্ ॥ ৩০॥
• স্বমাত্মনি স্বযং তৃপ্তঃ স্বমাত্মানং স্বযংভরঃ ।
• স্বমাত্মানং স্বযং ভস্ম হ্যাত্মনোঽন্যন্ন কিঞ্চন ॥ ৩১॥
• স্বমাত্মানং স্বযং মোদং স্বমাত্মানং স্বযং প্রিযম্ ।
• স্বমাত্মানমেব মন্তব্যং হ্যাত্মনোঽন্যন্ন কিঞ্চন ॥ ৩২॥
• আত্মানমেব শ্রোতব্যং আত্মানং শ্রবণং ভব ।
• আত্মানং কামযেন্নিত্যম্ আত্মানং নিত্যমর্চয ॥ ৩৩॥
• আত্মানং শ্লাঘযেন্নিত্যমাত্মানং পরিপালয ।
• আত্মানং কামযেন্নিত্যম্ আত্মনোঽন্যন্ন কিঞ্চন ॥ ৩৪॥
• আত্মৈবেযমিযং ভূমিঃ আত্মৈবেদমিদং জলম্ ।
• আত্মৈবেদমিদং জ্যোতিরাত্মনোঽন্যন্ন কিঞ্চন ॥ ৩৫॥
• আত্মৈবাযমযং বাযুরাত্মৈবেদমিদম্ বিযত্ ।
• আত্মৈবাযমহঙ্কারঃ আত্মনোঽন্যন্ন কিঞ্চন ॥ ৩৬॥
• আত্মৈবেদমিদং চিত্তং আত্মৈবেদমিদং মনঃ ।
• আত্মৈবেযমিযং বুদ্ধিরাত্মনোঽন্যন্ন কিঞ্চন ॥ ৩৭॥
• আত্মৈবাযমযং দেহঃ আত্মৈবাযমযং গুণঃ ।
• আত্মৈবেদমিদং তত্ত্বম্ আত্মনোঽন্যন্ন কিঞ্চন ॥ ৩৮॥
• আত্মৈবাযমযং মন্ত্রঃ আত্মৈবাযমযং জপঃ ।
• আত্মৈবাযমযং লোকঃ আত্মনোঽন্যন্ন কিঞ্চন ॥ ৩৯॥
• আত্মৈবাযমযং শব্দঃ আত্মৈবাযমযং রসঃ ।
• আত্মৈবাযমযং স্পর্শঃ আত্মনোঽন্যন্ন কিঞ্চন ॥ ৪০॥
• আত্মৈবাযমযং গন্ধঃ আত্মৈবাযমযং শমঃ ।
• আত্মৈবেদমিদং দুঃখং আত্মৈবেদমিদং সুখম্ ॥ ৪১॥
• আত্মীযমেবেদং জগত্ আত্মীযঃ স্বপ্ন এব হি ।
• সুষুপ্তং চাপ্যথাত্মীযং আত্মনোঽন্যন্ন কিঞ্চন ॥ ৪২॥
• আত্মৈব কার্যমাত্মৈব প্রাযো হ্যাত্মৈবমদ্বযম্ ।
• আত্মীযমেবমদ্বৈতং আত্মনোঽন্যন্ন কিঞ্চন ॥ ৪৩॥
• আত্মীযমেবাযং কোঽপি আত্মৈবেদমিদং ক্বচিত্ ।
• আত্মৈবাযমযং লোকঃ আত্মনোঽন্যন্ন কিঞ্চন ॥ ৪৪॥
• আত্মৈবেদমিদং দৃশ্যং আত্মৈবাযমযং জনঃ ।
• আত্মৈবেদমিদং সর্বং আত্মনোঽন্যন্ন কিঞ্চন ॥ ৪৫॥
• আত্মৈবাযমযং শংভুঃ আত্মৈবেদমিদং জগত্ ।
• আত্মৈবাযমযং ব্রহ্মা আত্মনোঽন্যন্ন কিঞ্চন ॥ ৪৬॥
• আত্মৈবাযমযং সূর্য আত্মৈবেদমিদং জডম্ ।
• আত্মৈবেদমিদং ধ্যানম্ আত্মৈবেদমিদম্ ফলম্ ॥ ৪৭॥
• আত্মৈবাযমযং যোগঃ সর্বমাত্মমযং জগত্ ।
• সর্বমাত্মমযং ভূতং আত্মনোঽন্যন্ন কিঞ্চন ॥ ৪৮॥
• সর্বমাত্মমযং ভাবি সর্বমাত্মমযং গুরুঃ ।
• সর্বমাত্মমযং শিষ্য আত্মনোঽন্যন্ন কিঞ্চন ॥ ৪৯॥
• সর্বমাত্মমযং দেবঃ সর্বমাত্মমযং ফলম্ ।
• সর্বমাত্মমযং লক্ষ্যং আত্মনোঽন্যন্ন কিঞ্চন ॥ ৫০॥
• সর্বমাত্মমযং তীর্থং সর্বমাত্মমযং স্বযম্ ।
• সর্বমাত্মমযং মোক্ষং আত্মনোঽন্যন্ন কিঞ্চন ॥ ৫১॥
• সর্বমাত্মমযং কামং সর্বমাত্মমযং ক্রিযা ।
• সর্বমাত্মমযং ক্রোধঃ আত্মনোঽন্যন্ন কিঞ্চন ॥ ৫২॥
• সর্বমাত্মমযং বিদ্যা সর্বমাত্মমযং দিশঃ ।
• সর্বমাত্মমযং লোভঃ আত্মনোঽন্যন্ন কিঞ্চন ॥ ৫৩॥
• সর্বমাত্মমযং মোহঃ সর্বমাত্মমযং ভযম্ ।
• সর্বমাত্মমযং চিন্তা আত্মনোঽন্যন্ন কিঞ্চন ॥ ৫৪॥
• সর্বমাত্মমযং ধৈর্যং সর্বমাত্মমযং ধ্রুবম্ ।
• সর্বমাত্মমযং সত্যং আত্মনোঽন্যন্ন কিঞ্চন ॥ ৫৫॥
• সর্বমাত্মমযং বোধং সর্বমাত্মমযং দৃঢম্ ।
• সর্বমাত্মমযং মেযং আত্মনোঽন্যন্ন কিঞ্চন ॥ ৫৬॥
• সর্বমাত্মমযং গুহ্যং সর্বমাত্মমযং শুভম্ ।
• সর্বমাত্মমযং শুদ্ধং আত্মনোঽন্যন্ন কিঞ্চন ॥ ৫৭॥
• সর্বমাত্মমযং সর্বং সত্যমাত্মা সদাত্মকঃ ।
• পূর্ণমাত্মা ক্ষযং চাত্মা পরমাত্মা পরাত্পরঃ ॥ ৫৮॥
• ইতোঽপ্যাত্মা ততোঽপ্যাত্মা হ্যাত্মৈবাত্মা ততস্ততঃ ।
• সর্বমাত্মমযং সত্যং আত্মনোঽন্যন্ন কিঞ্চন ॥ ৫৯॥
• সর্বমাত্মস্বরূপং হি দৃশ্যাদৃশ্যং চরাচরম্ ।
• সর্বমাত্মমযং শ্রুত্বা মুক্তিমাপ্নোতি মানবঃ ॥ ৬০॥
• স্বতন্ত্রশক্তির্ভগবানুমাধবো
• বিচিত্রকাযাত্মকজাগ্রতস্য ।
• সুকারণং কার্যপরংপরাভিঃ
• স এব মাযাবিততোঽব্যযাত্মা ॥ ৬১॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে সর্বমাত্মপ্রকরণং নাম ত্রযোদশোঽধ্যাযঃ ॥

ঋভুঃ -

• ব্রহ্মজ্ঞানং প্রবক্ষ্যামি জীবন্মুক্তস্য লক্ষণম্ ।
• আত্মমাত্রেণ যস্তিষ্ঠেত্ স জীবন্মুক্ত উচ্যতে ॥ ১॥
• অহং ব্রহ্মবদেবেদমহমাত্মা ন সংশযঃ ।
• চৈতন্যাত্মেতি যস্তিষ্ঠেত্ স জীবন্মুক্ত উচ্যতে ॥ ২॥
• চিদাত্মাহং পরাত্মাহং নির্গুণোঽহং পরাত্পরঃ ।
• ইত্যেবং নিশ্চযো যস্য স জীবন্মুক্ত উচ্যতে ॥ ৩॥
• দেহত্রযাতিরিক্তোঽহং ব্রহ্ম চৈতন্যমস্ম্যহম্ ।
• ব্রহ্মাহমিতি যস্যান্তঃ স জীবন্মুক্ত উচ্যতে ॥ ৪॥
• আনন্দঘনরূপোঽস্মি পরানন্দপরোঽস্ম্যহম্ ।
• যশ্চিদেবং পরানন্দং স জীবন্মুক্ত উচ্যতে ॥ ৫॥
• যস্য দেহাদিকং নাস্তি যস্য ব্রহ্মেতি নিশ্চযঃ ।
• পরমানন্দপূর্ণো যঃ স জীবন্মুক্ত উচ্যতে ॥ ৬॥
• যস্য কিঞ্চিদহং নাস্তি চিন্মাত্রেণাবতিষ্ঠতে ।
• পরানন্দো মুদানন্দঃ স জীবন্মুক্ত উচ্যতে ॥ ৭॥
• চৈতন্যমাত্রং যস্যান্তশ্চিন্মাত্রৈকস্বরূপবান্ ।
• ন স্মরত্যন্যকলনং স জীবন্মুক্ত উচ্যতে ॥ ৮॥var was কললং
• সর্বত্র পরিপূর্ণাত্মা সর্বত্র কলনাত্মকঃ ।
• সর্বত্র নিত্যপূর্ণাত্মা স জীবন্মুক্ত উচ্যতে ॥ ৯॥
• পরমাত্মপরা নিত্যং পরমাত্মেতি নিশ্চিতঃ ।
• আনন্দাকৃতিরব্যক্তঃ স জীবন্মুক্ত উচ্যতে ॥ ১০॥
• শুদ্ধকৈবল্যজীবাত্মা সর্বসঙ্গবিবর্জিতঃ ।
• নিত্যানন্দপ্রসন্নাত্মা স জীবন্মুক্ত উচ্যতে ॥ ১১॥
• একরূপঃ প্রশান্তাত্মা অন্যচিন্তাবিবর্জিতঃ ।
• কিঞ্চিদস্তিত্বহীনো যঃ স জীবন্মুক্ত উচ্যতে ॥ ১২॥
• ন মে চিত্তং ন মে বুদ্ধির্নাহঙ্কারো ন চেন্দ্রিযঃ ।
• কেবলং ব্রহ্মমাত্রত্বাত্ স জীবন্মুক্ত উচ্যতে ॥ ১৩॥
• ন মে দোষো ন মে দেহো নে মে প্রাণো ন মে ক্বচিত্ ।
• দৃঢনিশ্চযবান্ যোঽন্তঃ স জীবন্মুক্ত উচ্যতে ॥ ১৪॥
• ন মে মাযা ন মে কামো ন মে ক্রোধোঽপরোঽস্ম্যহম্ ।
• ন মে কিঞ্চিদিদং বাঽপি স জীবন্মুক্ত উচ্যতে ॥ ১৫॥
• ন মে দোষো ন মে লিঙ্গং ন মে বন্ধঃ ক্বচিজ্জগত্ ।
• যস্তু নিত্যং সদানন্দঃ স জীবন্মুক্ত উচ্যতে ॥ ১৬॥
• ন মে শ্রোত্রং ন মে নাসা ন মে চক্ষুর্ন মে মনঃ ।
• ন মে জিহ্বেতি যস্যান্তঃ স জীবন্মুক্ত উচ্যতে ॥ ১৭॥
• ন মে দেহো ন মে লিঙ্গং ন মে কারণমেব চ ।
• ন মে তুর্যমিতি স্বস্থঃ স জীবন্মুক্ত উচ্যতে ॥ ১৮॥
• ইদং সর্বং ন মে কিঞ্চিদযং সর্বং ন মে ক্বচিত্ ।
• ব্রহ্মমাত্রেণ যস্তিষ্ঠেত্ স জীবন্মুক্ত উচ্যতে ॥ ১৯॥
• ন মে কিঞ্চিন্ন মে কশ্চিন্ন মে কশ্চিত্ ক্বচিজ্জগত্ ।
• অহমেবেতি যস্তিষ্ঠেত্ স জীবন্মুক্ত উচ্যতে ॥ ২০॥
• ন মে কালো ন মে দেশো ন মে বস্তু ন মে স্থিতিঃ ।
• ন মে স্নানং ন মে প্রাসঃ স জীবন্মুক্ত উচ্যতে ॥ ২১॥
• ন মে তীর্থং ন মে সেবা ন মে দেবো ন মে স্থলম্ ।
• ন ক্বচিদ্ভেদহীনোঽযং স জীবন্মুক্ত উচ্যতে ॥ ২২॥
• ন মে বন্ধং ন মে জন্ম ন মে জ্ঞানং ন মে পদম্ ।
• ন মে বাক্যমিতি স্বস্থঃ স জীবন্মুক্ত উচ্যতে ॥ ২৩॥
• ন মে পুণ্যং ন মে পাপং ন মে কাযং ন মে শুভম্ ।
• ন মে দৃশ্যমিতি জ্ঞানী স জীবন্মুক্ত উচ্যতে ॥ ২৪॥
• ন মে শব্দো ন মে স্পর্শো ন মে রূপং ন মে রসঃ ।
• ন মে জীব ইতি জ্ঞাত্বা স জীবন্মুক্ত উচ্যতে ॥ ২৫॥
• ন মে সর্বং ন মে কিঞ্চিত্ ন মে জীবং ন মে ক্বচিত্ ।
• ন মে ভাবং ন মে বস্তু স জীবন্মুক্ত উচ্যতে ॥ ২৬॥
• ন মে মোক্ষ্যে ন মে দ্বৈতং ন মে বেদো ন মে বিধিঃ ।
• ন মে দূরমিতি স্বস্থঃ স জীবন্মুক্ত উচ্যতে ॥ ২৭॥
• ন মে গুরুর্ন মে শিষ্যো ন মে বোধো ন মে পরঃ ।
• ন মে শ্রেষ্ঠং ক্বচিদ্বস্তু স জীবন্মুক্ত উচ্যতে ॥ ২৮॥
• ন মে ব্রহ্মা ন মে বিষ্ণুর্ন মে রুদ্রো ন মে রবিঃ ।
• ন মে কর্ম ক্বচিদ্বস্তু স জীবন্মুক্ত উচ্যতে ॥ ২৯॥
• ন মে পৃথ্বী ন মে তোযং ন মে তেজো ন মে বিযত্ ।
• ন মে কার্যমিতি স্বস্থঃ স জীবন্মুক্ত উচ্যতে ॥ ৩০॥
• ন মে বার্তা ন মে বাক্যং ন মে গোত্রং ন মে কুলম্ ।
• ন মে বিদ্যেতি যঃ স্বস্থঃ স জীবন্মুক্ত উচ্যতে ॥ ৩১॥
• ন মে নাদো ন মে শব্দো ন মে লক্ষ্যং ন মে ভবঃ ।
• ন মে ধ্যানমিতি স্বস্থঃ স জীবন্মুক্ত উচ্যতে ॥ ৩২॥
• ন মে শীতং ন মে চোষ্ণং ন মে মোহো ন মে জপঃ ।
• ন মে সন্ধ্যেতি যঃ স্বস্থঃ স জীবন্মুক্ত উচ্যতে ॥ ৩৩॥
• ন মে জপো ন মে মন্ত্রো ন মে হোমো ন মে নিশা ।
• ন মে সর্বমিতি স্বস্থঃ স জীবন্মুক্ত উচ্যতে ॥ ৩৪॥
• ন মে ভযং ন মে চান্নং ন মে তৃষ্ণা ন মে ক্ষুধা ।
• ন মে চাত্মেতি যঃ স্বস্থঃ স জীবন্মুক্ত উচ্যতে ॥ ৩৫॥
• ন মে পূর্বং ন মে পশ্চাত্ ন মে চোর্ধ্বং ন মে দিশঃ ।
• ন চিত্তমিতি স্বস্থঃ স জীবন্মুক্ত উচ্যতে ॥ ৩৬॥
• ন মে বক্তব্যমল্পং বা ন মে শ্রোতব্যমণ্বপি ।
• ন মে মন্তব্যমীষদ্বা স জীবন্মুক্ত উচ্যতে ॥ ৩৭॥
• ন মে ভোক্তব্যমীষদ্বা ন মে ধ্যাতব্যমণ্বপি ।
• ন মে স্মর্তব্যমেবাযং স জীবন্মুক্ত উচ্যতে ॥ ৩৮॥
• ন মে ভোগো ন মে রোগো ন মে যোগো ন মে লযঃ ।
• ন মে সর্বমিতি স্বস্থঃ স জীবন্মুক্ত উচ্যতে ॥ ৩৯॥
• ন মেঽস্তিত্বং ন মে জাতং ন মে বৃদ্ধং ন মে ক্ষযঃ ।
• অধ্যারোপো ন মে স্বস্থঃ স জীবন্মুক্ত উচ্যতে ॥ ৪০॥
• অধ্যারোপ্যং ন মে কিঞ্চিদপবাদো ন মে ক্বচিত্ ।
• ন মে কিঞ্চিদহং যত্তু স জীবন্মুক্ত উচ্যতে ॥ ৪১॥
• ন মে শুদ্ধির্ন মে শুভ্রো ন মে চৈকং ন মে বহু ।
• ন মে ভূতং ন মে কার্যং স জীবন্মুক্ত উচ্যতে ॥ ৪২॥
• ন মে কোঽহং ন মে চেদং ন মে নান্যং ন মে স্বযম্ ।
• ন মে কশ্চিন্ন মে স্বস্থঃ স জীবন্মুক্ত উচ্যতে ॥ ৪৩॥
• ন মে মাংসং ন মে রক্তং ন মে মেদো ন মে শকৃত্ ।
• ন মে কৃপা ন মেঽস্তীতি স জীবন্মুক্ত উচ্যতে ॥ ৪৪॥
• ন মে সর্বং ন মে শুক্লং ন মে নীলং ন মে পৃথক্ ।
• ন মে স্বস্থঃ স্বযং যো বা স জীবন্মুক্ত উচ্যতে ॥ ৪৫॥
• ন মে তাপং ন মে লোভো ন মে গৌণ ন মে যশঃ ।
• নে মে তত্ত্বমিতি স্বস্থঃ স জীবন্মুক্ত উচ্যতে ॥ ৪৬॥
• ন মে ভ্রান্তির্ন মে জ্ঞানং ন মে গুহ্যং ন মে কুলম্ ।
• ন মে কিঞ্চিদিতি ধ্যাযন্ স জীবন্মুক্ত উচ্যতে ॥ ৪৭॥
• ন মে ত্যাজ্যং ন মে গ্রাহ্যং ন মে হাস্যং ন মে লযঃ ।
• ন মে দৈবমিতি স্বস্থঃ স জীবন্মুক্ত উচ্যতে ॥ ৪৮॥
• ন মে ব্রতং ন মে গ্লানিঃ ন মে শোচ্যং ন মে সুখম্ ।
• ন মে ন্যূনং ক্বচিদ্বস্তু স জীবন্মুক্ত উচ্যতে ॥ ৪৯॥
• ন মে জ্ঞাতা ন মে জ্ঞানং ন মে জ্ঞেযং ন মে স্বযম্ ।
• ন মে সর্বমিতি জ্ঞানী স জীবন্মুক্ত উচ্যতে ॥ ৫০॥
• ন মে তুভ্যং ন মে মহ্যং ন মে ত্বত্তো ন মে ত্বহম্ ।
• ন মে গুরুর্ন মে যস্তু স জীবন্মুক্ত উচ্যতে ॥ ৫১॥
• ন মে জডং ন মে চৈত্যং ন মে গ্লানং ন মে শুভম্ ।
• ন মে ন মেতি যস্তিষ্ঠেত্ স জীবন্মুক্ত উচ্যতে ॥ ৫২॥
• ন মে গোত্রং ন মে সূত্রং ন মে পাত্রং ন মে কৃপা ।
• ন মে কিঞ্চিদিতি ধ্যাযী স জীবন্মুক্ত উচ্যতে ॥ ৫৩॥
• ন মে চাত্মা ন মে নাত্মা ন মে স্বর্গং ন মে ফলম্ ।
• ন মে দূষ্যং ক্বচিদ্বস্তু স জীবন্মুক্ত উচ্যতে ॥ ৫৪॥
• ন মেঽভ্যাসো ন মে বিদ্যা ন মে শান্তির্ন মে দমঃ ।
• ন মে পুরমিতি জ্ঞানী স জীবন্মুক্ত উচ্যতে ॥ ৫৫॥
• ন মে শল্যং ন মে শঙ্কা ন মে সুপ্তির্ন মে মনঃ ।
• ন মে বিকল্প ইত্যাপ্তঃ স জীবন্মুক্ত উচ্যতে ॥ ৫৬॥
• ন মে জরা ন মে বাল্যং ন মে যৌবনমণ্বপি ।
• ন মে মৃতির্ন মে ধ্বান্তং স জীবন্মুক্ত উচ্যতে ॥ ৫৭॥
• ন মে লোকং ন মে ভোগং ন মে সর্বমিতি স্মৃতঃ ।
• ন মে মৌনমিতি প্রাপ্তং স জীবন্মুক্ত উচ্যতে ॥ ৫৮॥
• অহং ব্রহ্ম হ্যহং ব্রহ্ম হ্যহং ব্রহ্মেতি নিশ্চযঃ ।
• চিদহং চিদহং চেতি স জীবন্মুক্ত উচ্যতে ॥ ৫৯॥
• ব্রহ্মৈবাহং চিদেবাহং পরৈবাহং ন সংশযঃ ।
• স্বযমেব স্বযং জ্যোতিঃ স জীবন্মুক্ত উচ্যতে ॥ ৬০॥
• স্বযমেব স্বযং পশ্যেত্ স্বযমেব স্বযং স্থিতঃ ।
• স্বাত্মন্যেব স্বযং ভূতঃ স জীবন্মুক্ত উচ্যতে ॥ ৬১॥
• স্বাত্মানন্দং স্বযং ভুংক্ষ্বে স্বাত্মরাজ্যে স্বযং বসে ।
• স্বাত্মরাজ্যে স্বযং পশ্যে স জীবন্মুক্ত উচ্যতে ॥ ৬২॥
• স্বযমেবাহমেকাগ্রঃ স্বযমেব স্বযং প্রভুঃ ।
• স্বস্বরূপঃ স্বযং পশ্যে স জীবন্মুক্ত উচ্যতে ॥ ৬৩॥
• জীবন্মুক্তিপ্রকরণং সর্ববেদেষু দুর্লভম্ ।
• যঃ শৃণোতি সকৃদ্বাপি ব্রহ্মৈব ভবতি স্বযম্ ॥ ৬৪॥
• যে বেদবাদবিধিকল্পিতভেদবুদ্ধ্যা
• পুণ্যাভিসন্ধিতধিযা পরিকর্শযন্তঃ ।
• দেহং স্বকীযমতিদুঃখপরং পরাভি-
• স্তেষাং সুখায ন তু জাতু তবেশ পাদাত্ ॥ ৬৫॥
• কঃ সন্তরেত ভবসাগরমেতদুত্য-
• ত্তরঙ্গসদৃশং জনিমৃত্যুরূপম্ ।
• ঈশার্চনাবিধিসুবোধিতভেদহীন-
• জ্ঞানোডুপেন প্রতরেদ্ভবভাবযুক্তঃ ॥ ৬৬॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে জীবন্মুক্তপ্রকরণং নাম একাদশোঽধ্যাযঃ ॥

ঋভুঃ -

• নিত্যতর্পণমাচক্ষ্যে নিদাঘ শৃণু মে বচঃ ।
• বেদশাস্ত্রেষু সর্বেষু অত্যন্তং দুর্লভং নৃণাম্ ॥ ১॥
• সদা প্রপঞ্চং নাস্ত্যেব ইদমিত্যপি নাস্তি হি ।
• ব্রহ্মমাত্রং সদাপূর্ণং ইত্যেবং ব্রহ্মতর্পণম্ ॥ ২॥
• সরূপমাত্রং ব্রহ্মৈব সচ্চিদানন্দমপ্যহম্ ।
• আনন্দঘন এবাহং ইত্যেবং ব্রহ্মতর্পণম্ ॥ ৩॥
• সর্বদা সর্বশূন্যোঽহং সদাত্মানন্দবানহম্ ।
• নিত্যানিত্যস্বরূপোঽহং ইত্যেবং ব্রহ্মতর্পণম্ ॥ ৪॥
• অহমেব চিদাকাশ আত্মাকাশোঽস্মি নিত্যদা ।
• আত্মনাঽঽত্মনি তৃপ্তোঽহং ইত্যেবং ব্রহ্মতর্পণম্ ॥ ৫॥
• একত্বসংখ্যাহীনোঽস্মি অরূপোঽস্ম্যহমদ্বযঃ ।
• নিত্যশুদ্ধস্বরূপোঽহং ইত্যেবং ব্রহ্মতর্পণম্ ॥ ৬॥
• আকাশাদপি সূক্ষ্মোঽহং অত্যন্তাভাবকোঽস্ম্যহম্ ।
• সর্বপ্রকাশরূপোঽহং ইত্যেবং ব্রহ্মতর্পণম্ ॥ ৭॥
• পরব্রহ্মস্বরূপোঽহং পরাবরসুখোঽস্ম্যহম্ ।
• সত্রামাত্রস্বরূপোঽহং দৃগ্দৃশ্যাদিবিবর্জিতঃ ॥ ৮॥
• যত্ কিঞ্চিদপ্যহং নাস্তি তূষ্ণীং তূষ্ণীমিহাস্ম্যহম্ ।
• শুদ্ধমোক্ষস্বরূপোঽহম্ ইত্যেবং ব্রহ্মতর্পণম্ ॥ ৯॥
• সর্বানন্দস্বরূপোঽহং জ্ঞানানন্দমহং সদা ।
• বিজ্ঞানমাত্ররূপোঽহম্ ইত্যেবং ব্রহ্মতর্পণম্ ॥ ১০॥
• ব্রহ্মমাত্রমিদং সর্বং নাস্তি নান্যত্র তে শপে ।
• তদেবাহং ন সন্দেহঃ ইত্যেবং ব্রহ্মতর্পণম্ ॥ ১১॥
• ত্বমিত্যেতত্ তদিত্যেতন্নাস্তি নাস্তীহ কিঞ্চন ।
• শুদ্ধচৈতন্যমাত্রোঽহং ইত্যেবং ব্রহ্মতর্পণম্ ॥ ১২॥
• অত্যন্তাভাবরূপোঽহমহমেব পরাত্পরঃ ।
• অহমেব সুখং নান্যত্ ইত্যেবং ব্রহ্মতর্পণম্ ॥ ১৩॥
• ইদং হেমমযং কিঞ্চিন্নাস্তি নাস্ত্যেব তে শপে ।
• নির্গুণানন্দরূপোঽহং ইত্যেবং ব্রহ্মতর্পণম্ ॥ ১৪॥
• সাক্ষিবস্তুবিহীনত্বাত্ সাক্ষিত্বং নাস্তি মে সদা ।
• কেবলং ব্রহ্মভাবত্বাত্ ইত্যেবং ব্রহ্মতর্পণম্ ॥ ১৫॥
• অহমেবাবিশেষোঽহমহমেব হি নামকম্ ।
• অহমেব বিমোহং বৈ ইত্যেবং ব্রহ্মতর্পণম্ ॥ ১৬॥
• ইন্দ্রিযাভাবরূপোঽহং সর্বাভাবস্বরূপকম্ ।
• বন্ধমুক্তিবিহীনোঽস্মি ইত্যেবং ব্রহ্মতর্পণম্ ॥ ১৭॥
• সর্বানন্দস্বরূপোঽহং সর্বানন্দঘনোঽস্ম্যহম্ ।
• নিত্যচৈতন্যমাত্রোঽহং ইত্যেবং ব্রহ্মতর্পণম্ ॥ ১৮॥
• বাচামগোচরশ্চাহং বাঙ্মনো নাস্তি কিঞ্চন ।
• চিদানন্দমযশ্চাহং ইত্যেবং ব্রহ্মতর্পণম্ ॥ ১৯॥
• সর্বত্র পূর্ণরূপোঽহং সর্বত্র সুখমস্ম্যহম্ ।
• সর্বত্রাচিন্ত্যরূপোঽহম্ ইত্যেবং ব্রহ্মতর্পণম্ ॥ ২০॥
• সর্বত্র তৃপ্তিরূপোঽহং সর্বানন্দমযোঽস্ম্যহম্ ।
• সর্বশূন্যস্বরূপোঽহম্ ইত্যেবং ব্রহ্মতর্পণম্ ॥ ২১॥
• সর্বদা মত্স্বরূপোঽহং পরমানন্দবানহম্ ।
• এক এবাহমেবাহং ইত্যেবং ব্রহ্মতর্পণম্ ॥ ২২॥
• মুক্তোঽহং মোক্ষরূপোঽহং সর্বমৌনপরোঽস্ম্যহম্ ।
• সর্বনির্বাণরূপোঽহং ইত্যেবং ব্রহ্মতর্পণম্ ॥ ২৩॥
• সর্বদা সত্স্বরূপোঽহং সর্বদা তুর্যবানহম্ ।
• তুর্যাতীতস্বরূপোঽহং ইত্যেবং ব্রহ্মতর্পণম্ ॥ ২৪॥
• সত্যবিজ্ঞানমাত্রোঽহং সন্মাত্রানন্দবানহম্ ।
• নির্বিকল্পস্বরূপোঽহম্ ইত্যেবং ব্রহ্মতর্পণম্ ॥ ২৫॥
• সর্বদা হ্যজরূপোঽহং নিরীহোঽহং নিরঞ্জনঃ ।
• ব্রহ্মবিজ্ঞানরূপোঽহং ইত্যেবং ব্রহ্মতর্পণম্ ॥ ২৬॥
• ব্রহ্মতর্পণমেবোক্তং এতত্প্রকরণং মযা ।
• যঃ শৃণোতি সকৃদ্বাপি ব্রহ্মৈব ভবতি স্বযম্ ॥ ২৭॥
• নিত্যহোমং প্রবক্ষ্যামি সর্ববেদেষু দুর্লভম্ ।
• সর্বশাস্ত্রার্থমদ্বৈতং সাবধানমনাঃ শৃণু ॥ ২৮॥
• অহং ব্রহ্মাস্মি শুদ্ধোঽস্মি নিত্যোঽস্মি প্রভুরস্ম্যহম্ ।
• ॐকারার্থস্বরূপোঽস্মি এবং হোমং সুদুর্লভম্ ॥ ২৯॥
• পরমাত্মস্বরূপোঽস্মি পরানন্দপরোঽস্ম্যহম্ ।
• চিদানন্দস্বরূপোঽস্মি এবং হোমং সুদুর্লভম্ ॥ ৩০॥
• নিত্যানন্দস্বরূপোঽস্মি নিষ্কলঙ্কমযো হ্যহম্ ।
• চিদাকারস্বরূপোঽহং এবং হোমং সুদুর্লভম্ ॥ ৩১॥
• ন হি কিঞ্চিত্ স্বরূপোঽস্মি নাহমস্মি ন সোঽস্ম্যহম্ ।
• নির্ব্যাপারস্বরূপোঽস্মি এবং হোমং সুদুর্লভম্ ॥ ৩২॥
• নিরংশোঽস্মি নিরাভাসো ন মনো নেন্দ্রিযোঽস্ম্যহম্ ।
• ন বুদ্ধির্ন বিকল্পোঽহং এবং হোমং সুদুর্লভম্ ॥ ৩৩॥
• ন দেহাদিস্বারূপোঽস্মি ত্রযাদিপরিবর্জিতঃ ।
• ন জাগ্রত্স্বপ্নরূপোঽস্মি এবং হোমং সুদুর্লভম্ ॥ ৩৪॥
• শ্রবণং মননং নাস্তি নিদিধ্যাসনমেব হি ।
• স্বগতং চ ন মে কিঞ্চিদ্ এবং হোমং সুদুর্লভম্ ॥ ৩৫॥
• অসত্যং হি মনঃসত্তা অসত্যং বুদ্ধিরূপকম্ ।
• অহঙ্কারমসদ্বিদ্ধি কালত্রযমসত্ সদা ॥ ৩৬॥
• গুণত্রযমসদ্বিদ্ধি এবং হোমং সুদুর্লভম্ ॥ ৩৭॥
• শ্রুতং সর্বমসদ্বিদ্ধি বেদং সর্বমসত্ সদা ।
• সর্বতত্ত্বমসদ্বিদ্ধি এবং হোমং সুদুর্লভম্ ॥ ৩৮॥
• নানারূপমসদ্বিদ্ধি নানাবর্ণমসত্ সদা ।
• নানাজাতিমসদ্বিদ্ধি এবং হোমং সুদুর্লভম্ ॥ ৩৯॥
• শাস্ত্রজ্ঞানমসদ্বিদ্ধি বেদজ্ঞানং তপোঽপ্যসত্ ।
• সর্বতীর্থমসদ্বিদ্ধি এবং হোমং সুদুর্লভম্ ॥ ৪০॥
• গুরুশিষ্যমসদ্বিদ্ধি গুরোর্মন্ত্রমসত্ ততঃ ।
• যদ্ দৃশ্যং তদসদ্বিদ্ধি এবং হোমং সুদুর্লভম্ ॥ ৪১॥
• সর্বান্ ভোগানসদ্বিদ্ধি যচ্চিন্ত্যং তদসত্ সদা ।
• যদ্ দৃশ্যং তদসদ্বিদ্ধি এবং হোমং সুদুর্লভম্ ॥ ৪২॥
• সর্বেন্দ্রিযমসদ্বিদ্ধি সর্বমন্ত্রমসত্ ত্বিতি ।
• সর্বপ্রাণানসদ্বিদ্ধি এবং হোমং সুদুর্লভম্ ॥ ৪৩॥
• জীবং দেহমসদ্বিদ্ধি পরে ব্রহ্মণি নৈব হি ।
• মযি সর্বমসদ্বিদ্ধি এবং হোমং সুদুর্লভম্ ॥ ৪৪॥
• দৃষ্টং শ্রুতমসদ্বিদ্ধি ওতং প্রোতমসন্মযি ।
• কার্যাকার্যমসদ্বিদ্ধি এবং হোমং সুদুর্লভম্ ॥ ৪৫॥
• দৃষ্টপ্রাপ্তিমসদ্বিদ্ধি সন্তোষমসদেব হি ।
• সর্বকর্মাণ্যসদ্বিদ্ধি এবং হোমং সুদুর্লভম্ ॥ ৪৬॥
• সর্বাসর্বমসদ্বিদ্ধি পূর্ণাপূর্ণমসত্ পরে ।
• সুখং দুঃখমসদ্বিদ্ধি এবং হোমং সুদুর্লভম্ ॥ ৪৭॥
• যথাধর্মমসদ্বিদ্ধি পুণ্যাপুণ্যমসত্ সদা ।
• লাভালাভমসদ্বিদ্ধি সদা দেহমসত্ সদা ॥ ৪৮॥
• সদা জযমসদ্বিদ্ধি সদা গর্বমসত্ সদা ।
• মনোমযমসদ্বিদ্ধি সংশযং নিশ্চযং তথা ॥ ৪৯॥
• শব্দং সর্বমসদ্বিদ্ধি স্পর্শং সর্বমসত্ সদা ।
• রূপং সর্বমসদ্বিদ্ধি রসং সর্বমসত্ সদা ॥ ৫০॥
• গন্ধং সর্বমসদ্বিদ্ধি জ্ঞানং সর্বমসত্ সদা ।
• ভূতং ভব্যমসদ্বিদ্ধি অসত্ প্রকৃতিরুচ্যতে ॥ ৫১॥
• অসদেব সদা সর্বমসদেব ভবোদ্ভবম্ ।
• অসদেব গুণং সর্বং এবং হোমং সুদুর্লভম্ ॥ ৫২॥
• শশশৃঙ্গবদেব ত্বং শশশৃঙ্গবদস্ম্যহম্ ।
• শশশৃঙ্গবদেবেদং শশশৃঙ্গবদন্তরম্ ॥ ৫৩॥
• ইত্যেবমাত্মহোমাখ্যমুক্তং প্রকরণং মযা ।
• যঃ শৃণোতি সকৃদ্বাপি ব্রহ্মৈব ভবতি স্বযম্ ॥ ৫৪॥

স্কন্দঃ -

• যস্মিন্ সংচ বিচৈতি বিশ্বমখিলং দ্যোতন্তি সূর্যেন্দবো
• বিদ্যুদ্বহ্নিমরুদ্গণাঃ সবরুণা ভীতা ভজন্তীশ্বরম্ ।
• ভূতং চাপি ভবত্যদৃশ্যমখিলং শম্ভোঃ সুখাংশং জগত্
• জাতং চাপি জনিষ্যতি প্রতিভবং দেবাসুরৈর্নির্যপি ।
• তন্নেহাস্তি ন কিঞ্চিদত্র ভগবদ্ধ্যানান্ন কিঞ্চিত্ প্রিযম্ ॥ ৫৫॥
• যঃ প্রাণাপানভেদৈর্মননধিযা ধারণাপঞ্চকাদ্যৈঃ
• মধ্যে বিশ্বজনস্য সন্নপি শিবো নো দৃশ্যতে সূক্ষ্মযা ।
• বুদ্ধযাদধ্যাতযাপি শ্রুতিবচনশতৈর্দেশিকোক্ত্যৈকসূক্ত্যা
• যোগৈর্ভক্তিসমন্বিতৈঃ শিবতরো দৃশ্যো ন চান্যত্ তথা ॥ ৫৬॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে ব্রহ্মতর্পণাত্মহোমাখ্য প্রকরণদ্বযবর্ণনং নাম দশমোঽধ্যাযঃ

ঋভুঃ -

• অত্যদ্ভুতং প্রবক্ষ্যামি সর্বলোকেষু দুর্লভম্ ।
• বেদশাস্ত্রমহাসারং দুর্লভং দুর্লভং সদা ॥ ১॥
• অখণ্ডৈকরসো মন্ত্রমখণ্ডৈকরসং ফলম্ ।
• অখণ্ডৈকরসো জীব অখণ্ডৈকরসা ক্রিযা ॥ ২॥
• অখণ্ডৈকরসা ভূমিরখণ্ডৈকরসং জলম্ ।
• অখণ্ডৈকরসো গন্ধ অখণ্ডৈকরসং বিযত্ ॥ ৩॥
• অখণ্ডৈকরসং শাস্ত্রং অখণ্ডৈকরসং শ্রুতিঃ ।
• অখণ্ডৈকরসং ব্রহ্ম অখণ্ডৈকরসং ব্রতম্ ॥ ৪॥
• অখণ্ডৈকরসো বিষ্ণুরখণ্ডৈকরসঃ শিবঃ ।
• অখণ্ডৈকরসো ব্রহ্মা অখণ্ডৈকরসাঃ সুরাঃ ॥ ৫॥
• অখণ্ডৈকরসং সর্বমখণ্ডৈকরসঃ স্বযম্ ।
• অখণ্ডৈকরসশ্চাত্মা অখণ্ডৈকরসো গুরুঃ ॥ ৬॥
• অখণ্ডৈকরসং বাচ্যমখণ্ডৈকরসং মহঃ ।
• অখণ্ডৈকরসং দেহ অখণ্ডৈকরসং মনঃ ॥ ৭॥
• অখণ্ডৈকরসং চিত্তং অখণ্ডৈকরসং সুখম্ ।
• অখণ্ডৈকরসা বিদ্যা অখণ্ডৈকরসোঽব্যযঃ ॥ ৮॥
• অখণ্ডৈকরসং নিত্যমখণ্ডৈকরসঃ পরঃ ।
• অখণ্ডৈকরসাত্ কিঞ্চিদখণ্ডৈকরসাদহম্ ॥ ৯॥
• অখণ্ডৈকরসং বাস্তি অখণ্ডৈকরসং ন হি ।
• অখণ্ডৈকরসাদন্যত্ অখণ্ডৈকরসাত্ পরঃ ॥ ১০॥
• অখণ্ডৈকরসাত্ স্থূলং অখণ্ডৈকরসং জনঃ ।
• অখণ্ডৈকরসং সূক্ষ্মমখণ্ডৈকরসং দ্বযম্ ॥ ১১॥
• অখণ্ডৈকরসং নাস্তি অখণ্ডৈকরসং বলম্ ।
• অখণ্ডৈকরসাদ্বিষ্ণুরখণ্ডৈকরসাদণুঃ ॥ ১২॥
• অখণ্ডৈকরসং নাস্তি অখণ্ডৈকরসাদ্ভবান্ ।
• অখণ্ডৈকরসো হ্যেব অখণ্ডৈকরসাদিতম্ ॥ ১৩॥
• অখণ্ডিতরসাদ্ জ্ঞানং অখণ্ডিতরসাদ্ স্থিতম্ ।
• অখণ্ডৈকরসা লীলা অখণ্ডৈকরসঃ পিতা ॥ ১৪॥var was লীনা
• অখণ্ডৈকরসা ভক্তা অখণ্ডৈকরসঃ পতিঃ ।
• অখণ্ডৈকরসা মাতা অখণ্ডৈকরসো বিরাট্ ॥ ১৫॥
• অখণ্ডৈকরসং গাত্রং অখণ্ডৈকরসং শিরঃ ।
• অখণ্ডৈকরসং ঘ্রাণং অখণ্ডৈকরসং বহিঃ ॥ ১৬॥
• অখণ্ডৈকরসং পূর্ণমখণ্ডৈকরসামৃতম্ ।
• অখণ্ডৈকরসং শ্রোত্রমখণ্ডৈকরসং গৃহম্ ॥ ১৭॥
• অখণ্ডৈকরসং গোপ্যমখণ্ডৈকরসঃ শিবঃ ।
• অখণ্ডৈকরসং নাম অখণ্ডৈকরসো রবিঃ ॥ ১৮॥
• অখণ্ডৈকরসঃ সোমঃ অখণ্ডৈকরসো গুরুঃ ।
• অখণ্ডৈকরসঃ সাক্ষী অখণ্ডৈকরসঃ সুহৃত্ ॥ ১৯॥
• অখণ্ডৈকরসো বন্ধুরখণ্ডৈকরসোঽস্ম্যহম্ ।
• অখণ্ডৈকরসো রাজা অখণ্ডৈকরসং পুরম্ ॥ ২০॥
• অখণ্ডৈকরসৈশ্বর্যং অখণ্ডৈকরসং প্রভুঃ ।
• অখণ্ডৈকরসো মন্ত্র অখণ্ডৈকরসো জপঃ ॥ ২১॥
• অখণ্ডৈকরসং ধ্যানমখণ্ডৈকরসং পদম্ ।
• অখণ্ডৈকরসং গ্রাহ্যমখণ্ডৈকরসং মহান্ ॥ ২২॥
• অখণ্ডৈকরসং জ্যোতিরখণ্ডৈকরসং পরম্ ।
• অখণ্ডৈকরসং ভোজ্যমখণ্ডৈকরসং হবিঃ ॥ ২৩॥
• অখণ্ডৈকরসো হোমঃ অখণ্ডৈকরসো জযঃ ।
• অখণ্ডৈকরসঃ স্বর্গঃ অখণ্ডৈকরসঃ স্বযম্ ॥ ২৪॥
• অখণ্ডৈকরসাকারাদন্যন্নাস্তি নহি ক্বচিত্ ।
• শৃণু ভূযো মহাশ্চর্যং নিত্যানুভবসংপদম্ ॥ ২৫॥
• দুর্লভং দুর্লভং লোকে সর্বলোকেষু দুর্লভম্ ।
• অহমস্মি পরং চাস্মি প্রভাস্মি প্রভবোঽস্ম্যহম্ ॥ ২৬॥
• সর্বরূপগুরুশ্চাস্মি সর্বরূপোঽস্মি সোঽস্ম্যহম্ ।
• অহমেবাস্মি শুদ্ধোঽস্মি ঋদ্ধোঽস্মি পরমোঽস্ম্যহম্ ॥ ২৭॥
• অহমস্মি সদা জ্ঞোঽস্মি সত্যোঽস্মি বিমলোঽস্ম্যহম্ ।
• বিজ্ঞানোঽস্মি বিশেষোঽস্মি সাম্যোঽস্মি সকলোঽস্ম্যহম্ ॥ ২৮॥
• শুদ্ধোঽস্মি শোকহীনোঽস্মি চৈতন্যোঽস্মি সমোঽস্ম্যহম্ ।
• মানাবমানহীনোঽস্মি নির্গুণোঽস্মি শিবোঽস্ম্যহম্ ॥ ২৯॥
• দ্বৈতাদ্বৈতবিহীনোঽস্মি দ্বন্দ্বহীনোঽস্মি সোঽস্ম্যহম্ ।
• ভাবাভাববিহীনোঽস্মি ভাষাহীনোঽস্মি সোঽস্ম্যহম্ ॥ ৩০॥
• শূন্যাশূন্যপ্রভাবোঽস্মি শোভনোঽস্মি মনোঽস্ম্যহম্ ।
• তুল্যাতুল্যবিহীনোঽস্মি তুচ্ছভাবোঽস্মি নাস্ম্যহম্ ॥ ৩১॥
• সদা সর্ববিহীনোঽস্মি সাত্বিকোঽস্মি সদাস্ম্যহম্ ।
• একসংখ্যাবিহীনোঽস্মি দ্বিসংখ্যা নাস্তি নাস্ম্যহম্ ॥ ৩২॥
• সদসদ্ভেদহীনোঽস্মি সংকল্পরহিতোঽস্ম্যহম্ ।
• নানাত্মভেদহীনোঽস্মি যত্ কিঞ্চিন্নাস্তি সোঽস্ম্যহম্ ॥ ৩৩॥
• নাহমস্মি ন চান্যোঽস্মি দেহাদিরহিতোঽস্ম্যহম্ ।
• আশ্রযাশ্রযহীনোঽস্মি আধাররহিতোঽস্ম্যহম্ ॥ ৩৪॥
• বন্ধমোক্ষাদিহীনোঽস্মি শুদ্ধব্রহ্মাদি সোঽস্ম্যহম্ ।
• চিত্তাদিসর্বহীনোঽস্মি পরমোঽস্মি পরোঽস্ম্যহম্ ॥ ৩৫॥
• সদা বিচাররূপোঽস্মি নির্বিচারোঽস্মি সোঽস্ম্যহম্ ।
• আকারাদিস্বরূপোঽস্মি উকারোঽস্মি মুদোঽস্ম্যহম্ ॥ ৩৬॥
• ধ্যানাধ্যানবিহীনোঽস্মি ধ্যেযহীনোঽস্মি সোঽস্ম্যহম্ ।
• পূর্ণাত্ পূর্ণোঽস্মি পূর্ণোঽস্মি সর্বপূর্ণোঽস্মি সোঽস্ম্যহম্ ॥ ৩৭॥
• সর্বাতীতস্বরূপোঽস্মি পরং ব্রহ্মাস্মি সোঽস্ম্যহম্ ।
• লক্ষ্যলক্ষণহীনোঽস্মি লযহীনোঽস্মি সোঽস্ম্যহম্ ॥ ৩৮॥
• মাতৃমানবিহীনোঽস্মি মেযহীনোঽস্মি সোঽস্ম্যহম্ ।
• অগত্ সর্বং চ দ্রষ্টাস্মি নেত্রাদিরহিতোঽস্ম্যহম্ ॥ ৩৯॥
• প্রবৃদ্ধোঽস্মি প্রবুদ্ধোঽস্মি প্রসন্নোঽস্মি পরোঽস্ম্যহম্ ।
• সর্বেন্দ্রিযবিহীনোঽস্মি সর্বকর্মহিতোঽস্ম্যহম্ ॥ ৪০॥
• সর্ববেদান্ততৃপ্তোঽস্মি সর্বদা সুলভোঽস্ম্যহম্ ।
• মুদা মুদিতশূন্যোঽস্মি সর্বমৌনফলোঽস্ম্যহম্ ॥ ৪১॥
• নিত্যচিন্মাত্ররূপোঽস্মি সদসচ্চিন্মযোঽস্ম্যহম্ ।
• যত্ কিঞ্চিদপি হীনোঽস্মি স্বল্পমপ্যতি নাহিতম্ ॥ ৪২॥
• হৃদযগ্রন্থিহীনোঽস্মি হৃদযাদ্ব্যাপকোঽস্ম্যহম্ ।
• ষড্বিকারবিহীনোঽস্মি ষট্কোশরহিতোঽস্ম্যহম্ ॥ ৪৩॥
• অরিষড্বর্গমুক্তোঽস্মি অন্তরাদন্তরোঽস্ম্যহম্ ।
• দেশকালবিহীনোঽস্মি দিগম্বরমুখোঽস্ম্যহম্ ॥ ৪৪॥
• নাস্তি হাস্তি বিমুক্তোঽস্মি নকাররহিতোঽস্ম্যহম্ ।
• সর্বচিন্মাত্ররূপোঽস্মি সচ্চিদানন্দমস্ম্যহম্ ॥ ৪৫॥
• অখণ্ডাকাররূপোঽস্মি অখণ্ডাকারমস্ম্যহম্ ।
• প্রপঞ্চচিত্তরূপোঽস্মি প্রপঞ্চরহিতোঽস্ম্যহম্ ॥ ৪৬॥
• সর্বপ্রকাররূপোঽস্মি সদ্ভাবাবর্জিতোঽস্ম্যহম্ ।
• কালত্রযবিহীনোঽস্মি কামাদিরহিতোঽস্ম্যহম্ ॥ ৪৭॥
• কাযকাযিবিমুক্তোঽস্মি নির্গুণপ্রভবোঽস্ম্যহম্ ।
• মুক্তিহীনোঽস্মি মুক্তোঽস্মি মোক্ষহীনোঽস্ম্যহং সদা ॥ ৪৮॥
• সত্যাসত্যবিহীনোঽস্মি সদা সন্মাত্রমস্ম্যহম্ ।
• গন্তব্যদেশহীনোঽস্মি গমনারহিতোঽস্ম্যহম্ ॥ ৪৯॥
• সর্বদা স্মররূপোঽস্মি শান্তোঽস্মি সুহিতোঽস্ম্যহম্ ।
• এবং স্বানুভবং প্রোক্তং এতত্ প্রকরণং মহত্ ॥ ৫০॥
• যঃ শৃণোতি সকৃদ্বাপি ব্রহ্মৈব ভবতি স্বযম্ ।
• পিণ্ডাণ্ডসংভবজগদ্গতখণ্ডনোদ্য-
• দ্বেতণ্ডশুণ্ডনিভপীবরবাহুদণ্ড ।
• ব্রহ্মোরুমুণ্ডকলিতাণ্ডজবাহবাণ
• কোদণ্ডভূধরধরং ভজতামখণ্ডম্ ॥ ৫১॥
• বিশ্বাত্মন্যদ্বিতীযে ভগবতি গিরিজানাযকে কাশরূপে
• নীরূপে বিশ্বরূপে গতদুরিতধিযঃ প্রাপ্নুবন্ত্যাত্মভাবম্ ।
• অন্যে ভেদধিযঃ শ্রুতিপ্রকথিতৈর্বর্ণাশ্রমোত্থশ্রমৈঃ
• তান্তাঃ শান্তিবিবর্জিতা বিষযিণো দুঃখং ভজন্ত্যন্বহম্ ॥ ৫২॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে স্বাত্মনিরূপণং নাম সপ্তমোঽধ্যাযঃ ॥

ঈশ্বরঃ -

• ব্রতানি মিথ্যা ভুবনানি মিথ্যা
• ভাবাদি মিথ্যা ভবনানি মিথ্যা ।
• ভযং চ মিথ্যা ভরণাদি মিথ্যা
• ভুক্তং চ মিথ্যা বহুবন্ধমিথ্যা ॥ ১॥
• বেদাশ্চ মিথ্যা বচনানি মিথ্যা
• বাক্যানি মিথ্যা বিবিধানি মিথ্যা ।
• বিত্তানি মিথ্যা বিযদাদি মিথ্যা
• বিধুশ্চ মিথ্যা বিষযাদি মিথ্যা ॥ ২॥
• গুরুশ্চ মিথ্যা গুণদোষমিথ্যা
• গুহ্যং চ মিথ্যা গণনা চ মিথ্যা ।
• গতিশ্চ মিথ্যা গমনং চ মিথ্যা
• সর্বং চ মিথ্যা গদিতং চ মিথ্যা ॥ ৩॥
• বেদশাস্ত্রপুরাণং চ কার্যং কারণমীশ্বরঃ ।
• লোকো ভূতং জনং চৈব সর্বং মিথ্যা ন সংশযঃ ॥ ৪॥
• বন্ধো মোক্ষঃ সুখং দুঃখং ধ্যানং চিত্তং সুরাসুরাঃ ।
• গৌণং মুখ্যং পরং চান্যত্ সর্বং মিথ্যা ন সংশযঃ ॥ ৫॥
• বাচা বদতি যত্কিঞ্চিত্ সর্বং মিথ্যা ন সংশযঃ ।
• সঙ্কল্পাত্ কল্প্যতে যদ্যত্ মনসা চিন্ত্যতে চ যত্ ॥ ৬॥
• বুদ্ধ্যা নিশ্চীযতে কিঞ্চিত্ চিত্তেন নীযতে ক্বচিত্ ।
• প্রপঞ্চে পঞ্চতে যদ্যত্ সর্বং মিথ্যেতি নিশ্চযঃ ॥ ৭॥
• শ্রোত্রেণ শ্রূযতে যদ্যন্নেত্রেণ চ নিরীক্ষ্যতে ।
• নেত্রং শ্রোত্রং গাত্রমেব সর্বং মিথ্যা ন সংশযঃ ॥ ৮॥
• ইদমিত্যেব নির্দিষ্টমিদমিত্যেব কল্পিতম্ ।
• যদ্যদ্বস্তু পরিজ্ঞাতং সর্বং মিথ্যা ন সংশযঃ ॥ ৯॥
• কোঽহং কিন্তদিদং সোঽহং অন্যো বাচযতে নহি ।
• যদ্যত্ সংভাব্যতে লোকে সর্বং মিথ্যেতি নিশ্চযঃ ॥ ১০॥
• সর্বাভ্যাস্যং সর্বগোপ্যং সর্বকারণবিভ্রমঃ ।
• সর্বভূতেতি বার্তা চ মিথ্যেতি চ বিনিশ্চযঃ ॥ ১১॥
• সর্বভেদপ্রভেদো বা সর্বসংকল্পবিভ্রমঃ ।
• সর্বদোষপ্রভেদশ্চ সর্বং মিথ্যা ন সংশযঃ ॥ ১২॥
• রক্ষকো বিষ্ণুরিত্যাদি ব্রহ্মসৃষ্টেস্তু কারণম্ ।
• সংহারে শিব ইত্যেবং সর্বং মিথ্যা ন সংশযঃ ॥ ১৩॥
• স্নানং জপস্তপো হোমঃ স্বাধ্যাযো দেবপূজনম্ ।
• মন্ত্রো গোত্রং চ সত্সঙ্গঃ সর্বং মিথ্যা ন সংশযঃ ॥ ১৪॥
• সর্বং মিথ্যা জগন্মিথ্যা ভূতং ভব্যং ভবত্তথা ।
• নাস্তি নাস্তি বিভাবেন সর্বং মিথ্যা ন সংশযঃ ॥ ১৫॥
• চিত্তভেদো জগদ্ভেদঃ অবিদ্যাযাশ্চ সংভবঃ ।
• অনেককোটিব্রহ্মাণ্ডাঃ সর্বং ব্রহ্মেতি নিশ্চিনু ॥ ১৬॥
• লোকত্রযেষু সদ্ভাবো গুণদোষাদিজৃংভণম্ ।
• সর্বদেশিকবার্তোক্তিঃ সর্বং ব্রহ্মেতি নিশ্চিনু ॥ ১৭॥
• উত্কৃষ্টং চ নিকৃষ্টং চ উত্তমং মধ্যমং চ তত্ ।
• ॐকারং চাপ্যকারং চ সর্বং ব্রহ্মেতি নিশ্চিনু ॥ ১৮॥
• যদ্যজ্জগতি দৃশ্যেত যদ্যজ্জগতি বীক্ষ্যতে ।
• যদ্যজ্জগতি বর্তেত সর্বং ব্রহ্মেতি নিশ্চিনু ॥ ১৯॥
• যেন কেনাক্ষরেণোক্তং যেন কেনাপি সঙ্গতম্ ।
• যেন কেনাপি নীতং তত্ সর্বং ব্রহ্মেতি নিশ্চিনু ॥ ২০॥
• যেন কেনাপি গদিতং যেন কেনাপি মোদিতম্ ।
• যেন কেনাপি চ প্রোক্তং সর্বং ব্রহ্মেতি নিশ্চিনু ॥ ২১॥
• যেন কেনাপি যদ্দত্তং যেন কেনাপি যত্ কৃতম্ ।
• যত্র কুত্র জলস্নানং সর্বং ব্রহ্মেতি নিশ্চিনু ॥ ২২॥
• যত্র যত্র শুভং কর্ম যত্র যত্র চ দুষ্কৃতম্ ।
• যদ্যত্ করোষি সত্যেন সর্বং মিথ্যেতি নিশ্চিনু ॥ ২৩॥
• ইদং সর্বমহং সর্বং সর্বং ব্রহ্মেতি নিশ্চিনু ।
• যত্ কিঞ্চিত্ প্রতিভাতং চ সর্বং মিথ্যেতি নিশ্চিনু ॥ ২৪॥

ঋভুঃ -

• পুনর্বক্ষ্যে রহস্যানাং রহস্যং পরমাদ্ভুতম্ ।
• শঙ্করেণ কুমারায প্রোক্তং কৈলাস পর্বতে ॥ ২৫॥
• তন্মাত্রং সর্বচিন্মাত্রমখণ্ডৈকরসং সদা ।
• একবর্জিতচিন্মাত্রং সর্বং চিন্মযমেব হি ॥ ২৬॥
• ইদং চ সর্বং চিন্মাত্রং সর্বং চিন্মযমেব হি ।
• আত্মাভাসং চ চিন্মাত্রং সর্বং চিন্মযমেব হি ॥ ২৭॥
• সর্বলোকং চ চিন্মাত্রং সর্বং চিন্মযমেব হি ।
• ত্বত্তা মত্তা চ চিন্মাত্রং চিন্মাত্রান্নাস্তি কিঞ্চন ॥ ২৮॥
• আকাশো ভূর্জলং বাযুরগ্নির্ব্রহ্মা হরিঃ শিবঃ ।
• যত্কিঞ্চিদন্যত্ কিঞ্চিচ্চ সর্বং চিন্মযমেব হি ॥ ২৯॥
• অখণ্ডৈকরসং সর্বং যদ্যচ্চিন্মাত্রমেব হি ।
• ভূতং ভব্যং চ চিন্মাত্রং সর্বং চিন্মযমেব হি ॥ ৩০॥
• দ্রব্যং কালশ্চ চিন্মাত্রং জ্ঞানং চিন্মযমেব চ ।
• জ্ঞেযং জ্ঞানং চ চিন্মাত্রং সর্বং চিন্মযমেব হি ॥ ৩১॥
• সংভাষণং চ চিন্মাত্রং বাক্ চ চিন্মাত্রমেব হি ।
• অসচ্চ সচ্চ চিন্মাত্রং সর্বং চিন্মযমেব হি ॥ ৩২॥
• আদিরন্তং চ চিন্মাত্রং অস্তি চেচ্চিন্মযং সদা ।
• ব্রহ্মা যদ্যপি চিন্মাত্রং বিষ্ণুশ্চিন্মাত্রমেব হি ॥ ৩৩॥
• রুদ্রোঽপি দেবাশ্চিন্মাত্রং অস্তি নরতির্যক্সুরাসুরম্ ।
• গুরুশিষ্যাদি সন্মাত্রং জ্ঞানং চিন্মাত্রমেব হি ॥ ৩৪॥
• দৃগ্দৃশ্যং চাপি চিন্মাত্রং জ্ঞাতা জ্ঞেযং ধ্রুবাধ্রুবম্ ।
• সর্বাশ্চর্যং চ চিন্মাত্রং দেহং চিন্মাত্রমেব হি ॥ ৩৫॥
• লিঙ্গং চাপি চ চিন্মাত্রং কারণং কার্যমেব চ ।
• মূর্তামূর্তং চ চিন্মাত্রং পাপপুণ্যমথাপি চ ॥ ৩৬॥
• দ্বৈতাদ্বৈতং চ চিন্মাত্রং বেদবেদান্তমেব চ ।
• দিশোঽপি বিদিশশ্চৈব চিন্মাত্রং তস্য পালকাঃ ॥ ৩৭॥
• চিন্মাত্রং ব্যবহারাদি ভূতং ভব্যং ভবত্তথা ।
• চিন্মাত্রং নামরূপং চ ভূতানি ভুবনানি চ ॥ ৩৮॥
• চিন্মাত্রং প্রাণ এবেহ চিন্মাত্রং সর্বমিন্দ্রিযম্ ।
• চিন্মাত্রং পঞ্চকোশাদি চিন্মাত্রানন্দমুচ্যতে ॥ ৩৯॥
• নিত্যানিত্যং চ চিন্মাত্রং সর্বং চিন্মাত্রমেব হি ।
• চিন্মাত্রং নাস্তি নিত্যং চ চিন্মাত্রং নাস্তি সত্যকম্ ॥ ৪০॥
• চিন্মাত্রমপি বৈরাগ্যং চিন্মাত্রকমিদং কিল ।
• আধারাদি হি চিন্মাত্রং আধেযং চ মুনীশ্বর ॥ ৪১॥
• যচ্চ যাবচ্চ চিন্মাত্রং যচ্চ যাবচ্চ দৃশ্যতে ।
• যচ্চ যাবচ্চ দূরস্থং সর্বং চিন্মাত্রমেব হি ॥ ৪২॥
• যচ্চ যাবচ্চ ভূতানি যচ্চ যাবচ্চ বক্ষ্যতে ।
• যচ্চ যাবচ্চ বেদোক্তং সর্বং চিন্মাত্রমেব হি ॥ ৪৩॥
• চিন্মাত্রং নাস্তি বন্ধং চ চিন্মাত্রং নাস্তি মোক্ষকম্ ।
• চিন্মাত্রমেব সন্মাত্রং সত্যং সত্যং শিবং স্পৃশে ॥ ৪৪॥
• সর্বং বেদত্রযপ্রোক্তং সর্বং চিন্মাত্রমেব হি ।
• শিবপ্রোক্তং কুমারায তদেতত্ কথিতং ত্বযি ।
• যঃ শৃণোতি সকৃদ্বাপি ব্রহ্মৈব ভবতি স্বযম্ ॥ ৪৫॥

সূতঃ -

• ঈশাবাস্যাদিমন্ত্রৈর্বরগগনতনোঃ ক্ষেত্রবাসার্থবাদৈঃ
• তল্লিঙ্গাগারমধ্যস্থিতসুমহদীশান লিঙ্গেষু পূজা ।
• অক্লেদ্যে চাভিষেকো ... ... ... দিগ্বাসসে বাসদানং
• নো গন্ধঘ্রাণহীনে রূপদৃশ্যাদ্বিহীনে গন্ধপুষ্পার্পণানি ॥ ৪৬॥
• স্বভাসে দীপদানং ... সর্বভক্ষে মহেশে
• নৈবেদ্যং নিত্যতৃপ্তে সকলভুবনগে প্রক্রমো বা নমস্যা ।
• কুর্যাং কেনাপি ভাবৈর্মম নিগমশিরোভাব এব প্রমাণম্ ॥ ৪৭॥
• অবিচ্ছিন্নৈশ্ছিন্নৈঃ পরিকরবরৈঃ পূজনধিযা
• ভজন্ত্যজ্ঞাস্তদ্জ্ঞাঃ বিধিবিহিতবুদ্ধ্যাগতধিযঃ ।var was তদজ্ঞাঃ
• তথাপীশং ভাবৈর্ভজতি ভজতামাত্মপদবীং
• দদাতীশো বিশ্বং ভ্রমযতি গতজ্ঞাংশ্চ কুরুতে ॥ ৪৮॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে প্রপঞ্চস্য সচ্চিন্মযত্বকথনং নাম ষষ্ঠোঽধ্যাযঃ ॥

নিদাঘঃ -

• এবং স্থিতে ঋভো কো বৈ ব্রহ্মভাবায কল্পতে ।
• তন্মে বদ বিশেষেণ জ্ঞানং শঙ্করবাক্যজম্ ॥ ১॥

ঋভুঃ -

• ত্বমেব ব্রহ্ম এবাসি ত্বমেব পরমো গুরুঃ ।
• ত্বমেবাকাশরূপোঽসি ত্বং ব্রহ্মাসি ন সংশযঃ ॥ ২॥
• ত্বমেব সর্বভাবোঽসি ত্বমেবার্থস্ত্বমব্যযঃ ।
• ত্বং সর্বহীনস্ত্বং সাক্ষী সাক্ষিহীনোঽসি সর্বদা ॥ ৩॥
• কালস্ত্বং সর্বহীনস্ত্বং সাক্ষিহীনোঽসি সর্বদা ।
• কালহীনোঽসি কালোঽসি সদা ব্রহ্মাসি চিদ্ঘনঃ ।
• সর্বতত্ত্বস্বরূপোঽসি ত্বং ব্রহ্মাসি ন সংশযঃ ॥ ৪॥
• সত্যোঽসি সিদ্ধোঽসি সনাতনোঽসি
• মুক্তোঽসি মোক্ষোঽসি সদাঽমৃতোঽসি ।
• দেবোঽসি শান্তোঽসি নিরামযোঽসি
• ব্রহ্মাসি পূর্ণোঽসি পরাবরোঽসি ॥ ৫॥
• সমোঽসি সচ্চাসি সনাতনোঽসি
• সত্যাদিবাক্যৈঃ প্রতিপাদিতোঽসি ।
• সর্বাঙ্গহীনোঽসি সদাস্থিতোঽসি
• ব্রহ্মাসি পূর্ণোঽসি পরাবরোঽসি ॥ ৬॥var was পরাপরোঽসি
• সর্বপ্রপঞ্চভ্রমবর্জিতোঽসি সর্বেষু ভূতেষু সদোদিতোঽসি ।
• সর্বত্র সংকল্পবিবর্জিতোঽসি ব্রহ্মাসি পূর্ণোঽসি পরাবরোঽসি ॥ ৭॥
• সর্বত্র সন্তোষসুখাসনোঽসি সর্বত্র বিদ্বেষবিবর্জিতোঽসি ।
• সর্বত্র কার্যাদিবিবর্জিতোঽসি ব্রহ্মাসি পূর্ণোঽসি পরাবরোঽসি ॥ ৮॥
• চিদাকারস্বরূপোঽসি চিন্মাত্রোঽসি নিরঙ্কুশঃ ।
• আত্মন্যেবাবস্থিতোঽসি ত্বং ব্রহ্মাসি ন সংশযঃ ॥ ৯॥
• আনন্দোঽসি পরোঽসি ত্বং সর্বশূন্যোঽসি নির্গুণঃ ।
• এক এবাদ্বিতীযোঽসি ত্বং ব্রহ্মাসি ন সংশযঃ ॥ ১০॥
• চিদ্ঘনানন্দরূপোঽসি চিদানন্দোঽসি সর্বদা ।
• পরিপূর্ণস্বরূপোঽসি ত্বং ব্রহ্মাসি ন সংশযঃ ॥ ১১॥
• তদসি ত্বমসি জ্ঞোঽসি সোঽসি জানাসি বীক্ষ্যসি ।
• চিদসি ব্রহ্মভূতোঽসি ত্বং ব্রহ্মাসি ন সংশযঃ ॥ ১২॥
• অমৃতোঽসি বিভুশ্চাসি দেবোঽসি ত্বং মহানসি ।
• চঞ্চলোষ্ঠকলঙ্কোঽসি ত্বং ব্রহ্মাসি ন সংশযঃ ॥ ১৩॥
• সর্বোঽসি সর্বহীনোঽসি শান্তোঽসি পরমো হ্যসি ।
• কারণং ত্বং প্রশান্তোঽসি ত্বং ব্রহ্মাসি ন সংশযঃ ॥ ১৪॥
• সত্তামাত্রস্বরূপোঽসি সত্তাসামান্যকো হ্যসি ।
• নিত্যশুদ্ধস্বরূপোঽসি ত্বং ব্রহ্মাসি ন সংশযঃ ॥ ১৫॥
• ঈষণ্মাত্রবিহীনোঽসি অণুমাত্রবিবর্জিতঃ ।
• অস্তিত্ববর্জিতোঽসি ত্বং নাস্তিত্বাদিবিবর্জিতঃ ॥ ১৬॥
• যোঽসি সোঽসি মহান্তোঽসি ত্বং ব্রহ্মাসি ন সংশযঃ ॥ ১৭॥
• লক্ষ্যলক্ষণহীনোঽসি চিন্মাত্রোঽসি নিরামযঃ ।
• অখণ্ডৈকরসো নিত্যং ত্বং ব্রহ্মাসি ন সংশযঃ ॥ ১৮॥
• সর্বাধারস্বরূপোঽসি সর্বতেজঃ স্বরূপকঃ ।
• সর্বার্থভেদহীনোঽসি ত্বং ব্রহ্মাসি ন সংশযঃ ॥ ১৯॥
• ব্রহ্মৈব ভেদশূন্যোঽসি বিপ্লুত্যাদিবিবর্জিতঃ ।
• শিবোঽসি ভেদহীনোঽসি ত্বং ব্রহ্মাসি ন সংশযঃ ॥ ২০॥
• প্রজ্ঞানবাক্যহীনোঽসি স্বস্বরূপং প্রপশ্যসি ।
• স্বস্বরূপস্থিতোঽসি ত্বং ত্বং ব্রহ্মাসি ন সংশযঃ ॥ ২১॥
• স্বস্বরূপাবশেষোঽসি স্বস্বরূপো মতো হ্যসি ।
• স্বানন্দসিন্ধুমগ্নোঽসি ত্বং ব্রহ্মাসি ন সংশযঃ ॥ ২২॥
• স্বাত্মরাজ্যে ত্বমেবাসি স্বযমাত্মানমো হ্যসি ।
• স্বযং পূর্ণস্বরূপোঽসি ত্বং ব্রহ্মাসি ন সংশযঃ ॥ ২৩॥
• স্বস্মিন্ সুখে স্বযং চাসি স্বস্মাত্ কিঞ্চিন্ন পশ্যসি ।
• স্বাত্মন্যাকাশবদ্ভাসি ত্বং ব্রহ্মাসি ন সংশযঃ ॥ ২৪॥
• স্বস্বরূপান্ন চলসি স্বস্বরূপান্ন পশ্যসি ।
• স্বস্বরূপামৃতোঽসি ত্বং ত্বং ব্রহ্মাসি ন সংশযঃ ॥ ২৫॥
• স্বস্বরূপেণ ভাসি ত্বং স্বস্বরূপেণ জৃংভসি ।
• স্বস্বরূপাদনন্যোঽসি ত্বং ব্রহ্মাসি ন সংশযঃ ॥ ২৬॥
• স্বযং স্বযং সদাঽসি ত্বং স্বযং সর্বত্র পশ্যসি ।
• স্বস্মিন্ স্বযং স্বযং ভুঙ্ক্ষে ত্বং ব্রহ্মাসি ন সংশযঃ ॥ ২৭॥

সূতঃ -

• তদা নিধাঘবচসা তুষ্টো ঋভুরুবাচ তম্ ।
• শিবপ্রেমরসে পাত্রং তং বীক্ষ্যাব্জজনন্দনঃ ॥ ২৮॥

ঋভুঃ -

• কৈলাসে শঙ্করঃ পুত্রং কদাচিদুপদিষ্টবান্ ।
• তদেব তে প্রবক্ষ্যামি সাবধানমনাঃ শৃণু ॥ ২৯॥
• অযং প্রপঞ্চো নাস্ত্যেব নোত্পন্নো ন স্বতঃ ক্বচিত্ ।
• চিত্রপ্রপঞ্চ ইত্যাহুর্নাস্তি নাস্ত্যেব সর্বদা ॥ ৩০॥
• ন প্রপঞ্চো ন চিত্তাদি নাহংকারো ন জীবকঃ ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩১॥
• মাযকার্যাদিকং নাস্তি মাযাকার্যভযং নহি ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩২॥
• কর্তা নাস্তি ক্রিযা নাস্তি করণং নাস্তি পুত্রক ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩৩॥
• একং নাস্তি দ্বযং নাস্তি মন্ত্রতন্ত্রাদিকং চ ন ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩৪॥
• শ্রবণং মননং নাস্তি নিদিধ্যাসনবিভ্রমঃ ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩৫॥
• সমাধিদ্বিবিধং নাস্তি মাতৃমানাদি নাস্তি হি ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩৬॥
• অজ্ঞানং চাপি নাস্ত্যেব অবিবেককথা ন চ ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩৭॥
• অনুবন্ধচতুষ্কং চ সংবন্ধত্রযমেব ন ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩৮॥
• ভূতং ভবিষ্যন্ন ক্বাপি বর্তমানং ন বৈ ক্বচিত্ ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৩৯॥
• গঙ্গা গযা তথা সেতুব্রতং বা নান্যদস্তি হি ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৪০॥
• ন ভূমির্ন জলং বহ্নির্ন বাযুর্ন চ খং ক্বচিত্ ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৪১॥
• নৈব দেবা ন দিক্পালা ন পিতা ন গুরুঃ ক্বচিত্ ।
• কেবলং ব্রহ্মমাত্রত্বাত্ নাস্তি নাস্ত্যেব সর্বদা ॥ ৪২॥
• ন দূরং নান্তিকং নান্তং ন মধ্যং ন ক্বচিত্ স্থিতিঃ ।
• নাদ্বৈতদ্বৈতসত্যত্বমসত্যং বা ইদং ন চ ॥ ৪৩॥
• ন মোক্ষোঽস্তি ন বন্ধোঽস্তি ন বার্তাবসরোঽস্তি হি ।
• ক্বচিদ্বা কিঞ্চিদেবং বা সদসদ্বা সুখানি চ ॥ ৪৪॥
• দ্বন্দ্বং বা তীর্থধর্মাদি আত্মানাত্মেতি ন ক্বচিত্ ।
• ন বৃদ্ধির্নোদযো মৃন্যুর্ন গমাগমবিভ্রমঃ ॥ ৪৫॥
• ইহ নাস্তি পরং নাস্তি ন গুরুর্ন চ শিষ্যকঃ ।
• সদসন্নাস্তি ভূর্নাস্তি কার্যং নাস্তি কৃতং চ ন ॥ ৪৬॥
• জাতির্নাস্তি গতির্নাস্তি বর্ণো নাস্তি ন লৌকিকম্ ।
• শমাদিষট্কং নাস্ত্যেব নিযমো বা যমোঽপি বা ॥ ৪৭॥
• সর্বং মিথ্যেতি নাস্ত্যেব ব্রহ্ম ইত্যেব নাস্তি হি ।
• চিদিত্যেব হি নাস্ত্যেব চিদহং ভাষণং ন হি ॥ ৪৮॥
• অহমিত্যেব নাস্ত্যেব নিত্যোঽস্মীতি চ ন ক্বচিত্ ।
• কেবলং ব্রহ্মমাত্রত্বাত্ নাস্তি নাস্ত্যেব সর্বথা ॥ ৪৯॥
• বাচা যদুচ্যতে কিঞ্চিন্মনসা মনুতে চ যত্ ।
• বুদ্ধ্যা নিশ্চীযতে যচ্চ চিত্তেন জ্ঞাযতে হি যত্ ॥ ৫০॥
• যোগেন যুজ্যতে যচ্চ ইন্দ্রিযাদ্যৈশ্চ যত্ কৃতম্ ।
• জাগ্রত্স্বপ্নসুষুপ্তিং চ স্বপ্নং বা ন তুরীযকম্ ॥ ৫১॥
• সর্বং নাস্তীতি বিজ্ঞেযং যদুপাধিবিনিশ্চিতম্ ।
• স্নানাচ্ছুদ্ধির্ন হি ক্বাপি ধ্যানাত্ শুদ্ধির্ন হি ক্বচিত্ ॥ ৫২॥
• গুণত্রযং নাস্তি কিঞ্চিদ্গুণত্রযমথাপি বা ।
• একদ্বিত্বপদং নাস্তি ন বহুভ্রমবিভ্রমঃ ॥ ৫৩॥
• ভ্রান্ত্যভ্রান্তি চ নাস্ত্যেব কিঞ্চিন্নাস্তীতি নিশ্চিনু ।
• কেবলং ব্রহ্মমাত্রত্বাত্ ন কিঞ্চিদবশিষ্যতে ॥ ৫৪॥
• ইদং শৃণোতি যঃ সম্যক্ স ব্রহ্ম ভবতি স্বযম্ ॥ ৫৫॥

ঈশ্বরঃ -

• বারাশ্যম্বুনি বুদ্বুদা ইব ঘনানন্দাম্বুধাবপ্যুমা-
• কান্তেঽনন্তজগদ্গতং সুরনরং জাতং চ তির্যঙ্ মুহুঃ ।
• ভূতং চাপি ভবিষ্যতি প্রতিভবং মাযামযং চোর্মিজং
• সম্যঙ্ মামনুপশ্যতামনুভবৈর্নাস্ত্যেব তেষাং ভবঃ ॥ ৫৬॥
• হরং বিজ্ঞাতারং নিখিলতনুকার্যেষু করণং
• ন জানন্তে মোহাদ্যমিতকরণা অপ্যতিতরাম্ ।
• উমানাথাকারং হৃদযদহরান্তর্গতসরা
• পযোজাতে ভাস্বদ্ভবভুজগনাশাণ্ডজবরম্ ॥ ৫৭॥

• ॥ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে শিবেন কুমারোপদেশবর্ণনং নাম পঞ্চমোঽধ্যাযঃ ॥

স্কন্দঃ -

• হিমাদ্রিশিখরে তত্র কেদারে সংস্থিতং ঋভুম্ ।
• কেদারেশং পূজযন্তং শাংভবং মুনিসত্তমম্ ।
• ভস্মরুদ্রাক্ষসংপন্নং নিঃস্পৃহং মুনযোঽব্রুবন্ ॥ ১॥

মুনযঃ -

• পদ্মোদ্ভবসুতশ্রেষ্ঠ ত্বযা কৈলাসপর্বতে ।
• আরাধ্য দেবমীশানং তস্মাত্ সূত্রশ্রুতীরিতম্ ॥ ২॥
• জ্ঞানং লব্ধং মুনিশ্রেষ্ঠ ত্বং নো ব্রূহি বিমুক্তযে ।
• যেন সংসারবারাশেঃ সমুত্তীর্ণা ভবামহে ॥ ৩॥

সূতঃ -

• ঋভুর্মুনীনাং বচসা তুষ্টঃ শিষ্টান্ সমীক্ষ্য তান্ ।
• অষ্টমূর্তিপদধ্যাননিষ্ঠাংস্তানভ্যুবাচ হ ॥ ৪॥

ঋভুঃ -

• বিশ্বস্য কারণমুমাপতিরেব দেবো
• বিদ্যোতকো জডজগত্প্রমদৈকহেতুঃ ।
• ন তস্য কার্যং করণং মহেশিতুঃ
• স এব তত্কারণমীশ্বরো হরঃ ॥ ৮॥
• সূতঃ সাযকসংভবঃ সমুদিতাঃ সূতাননেভ্যো হযাঃ
• নেত্রে তে রথিনো রথাঙ্গযুগলী যুগ্যান্তমৃগ্যো রথী ।
• মৌবীমূর্ধ্নি রথঃ স্থিতো রথবহশ্চাপং শরব্যং পুরঃ
• যোদ্ধুং কেশচরাঃ স এব নিখিলস্থাণোরণুঃ পাতু বঃ ॥ ৯॥
• নঃনিদাঘমথ সংবোধ্য ততো ঋভুরুবাচ হ ।
• অধ্যাত্মনির্ণযং বক্ষ্যে নাস্তি কালত্রযেষ্বপি ॥ ১০॥
• শিবোপদিষ্টং সংক্ষিপ্য গুহ্যাত্ গুহ্যতরং সদা ।
• অনাত্মেতি প্রসঙ্গাত্মা অনাত্মেতি মনোঽপি বা ।
• অনাত্মেতি জগদ্বাপি নাস্ত্যনাত্মেতি নিশ্চিনু ॥ ১১॥
• সর্বসংকল্পশূন্যত্বাত্ সর্বাকারবিবর্জনাত্
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ১২॥
• চিত্তাভাবে চিন্তনীযো দেহাভাবে জরা চ ন ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ১৩॥
• ব্রহ্মমাত্রত্বাত্ পাদাভাবাদ্গতির্নাস্তি হস্তাভাবাত্ ক্রিযা চ ন ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ১৪॥
• ব্রহ্মমাত্রত্বাত্ ব্রহ্মাভাবাজ্জগন্নাস্তি তদভাবে হরির্ন চ ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ১৫॥
• ব্রহ্মমাত্রত্বাত্ মৃত্যুর্নাস্তি জরাভাবে লোকবেদদুরাধিকম্ ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ১৬॥
• ব্রহ্মমাত্রত্বাত্ ধর্মো নাস্তি শুচির্নাস্তি সত্যং নাস্তি ভযং ন চ ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ১৭॥
• ব্রহ্মমাত্রত্বাত্ অক্ষরোচ্চারণং নাস্তি অক্ষরত্যজডং মম ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ১৮॥
• ব্রহ্মমাত্রত্বাত্ গুরুরিত্যপি নাস্ত্যেব শিষ্যো নাস্তীতি তত্ত্বতঃ ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ১৯॥
• ব্রহ্মমাত্রত্বাত্ একাভাবান্ন দ্বিতীযং ন দ্বিতীযান্ন চৈকতা ।
• সত্যত্বমস্তি চেত্ কিঞ্চিদসত্যত্বং চ সংভবেত্ ॥ ২০॥
• অসত্যত্বং যদি ভবেত্ সত্যত্বং চ ঘটিষ্যতি ।
• শুভং যদ্যশুভং বিদ্ধি অশুভং শুভমস্তি চেত্ ॥ ২১॥
• ভযং যদ্যভযং বিদ্ধি অভযাদ্ভযমাপতেত্ ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ২২॥
• ব্রহ্মমাত্রত্বাত্ বদ্ধত্বমস্তি চেন্মোক্ষো বন্ধাভাবে ন মোক্ষতা ।
• মরণং যদি চেজ্জন্ম জন্মাভাবে মৃতির্ন চ ॥ ২৩॥
• ত্বমিত্যপি ভবেচ্চাহং ত্বং নো চেদহমেব ন ।
• ইদং যদি তদেবাপি তদভাবে ইদং ন চ ॥ ২৪॥
• অস্তি চেদিতি তন্নাস্তি নাস্তি চেদস্তি কিংচ ন ।
• কার্যং চেত্ কারণং কিঞ্চিত্ কার্যাভাবে ন কারণম্ ॥ ২৫॥
• দ্বৈতং যদি তদাঽদ্বৈতং দ্বৈতাভাবেঽদ্বযং চ ন ।
• দৃশ্যং যদি দৃগপ্যস্তি দৃশ্যাভাবে দৃগেব ন ॥ ২৬॥
• অন্তর্যদি বহিঃ সত্যমন্তাভাবে বহির্ন চ ।
• পূর্ণত্বমস্তি চেত্ কিংচিদপূর্ণত্বং প্রসজ্যতে ॥ ২৭॥
• কিঞ্চিদস্তীতি চেচ্চিত্তে সর্বং ভবতি শীঘ্রতঃ ।
• যত্কিংচিত্ কিমপি ক্বাপি নাস্তি চেন্ন প্রসজ্যতি ॥ ২৮॥
• তস্মাদেতত্ ক্বচিন্নাস্তি ত্বং নাহং বা ইমে ইদম্ ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ২৯॥
• ব্রহ্মমাত্রত্বাত্ নাস্তি দৃষ্টান্তকং লোকে নাস্তি দার্ষ্টান্তিকং ক্বচিত্ ।
• কেবলং ব্রহ্মভাবত্বাত্ নাস্ত্যনাত্মেতি নিশ্চিনু ॥ ৩০॥
• ব্রহ্মমাত্রত্বাত্ পরং ব্রহ্মাহমস্মীতি স্মরণস্য মনো ন হি ।
• ব্রহ্মমাত্রং জগদিদং ব্রহ্মমাত্রত্বমপ্য হি ॥ ৩১॥
• চিন্মাত্রং কেবলং চাহং নাস্ত্যনাত্মেতি নিশ্চিনু ।
• ইত্যাত্মনির্ণযং প্রোক্তং ভবতে সর্বসঙ্গ্রহম্ ॥ ৩২॥
• নির্ণ্যঃ প্রোক্তঃ সকৃচ্ছ্রবণমাত্রেণ ব্রহ্মৈব ভবতি স্বযম্ ॥ ৩৩॥
• নিদাঘঃ-var was ঋভুঃ-
• ভগবন্ কো ভবান্ কো নু বদ মে বদতাং বর ।
• নিদাঘযচ্ছ্রুত্বা তত্ক্ষণান্মুচ্যেন্মহাসংসারসংকটাত্ ॥ ৩৪॥
• ঋভুঃ-
• অহমেব পরং ব্রহ্ম অহমেব পরং সুখম্ ।
• অহমেবাহমেবাহমহং ব্রহ্মাস্মি কেবলম্ ॥ ৩৫॥
• অহং চৈতন্যমেবাস্মি দিব্যজ্ঞানাত্মকো হ্যহম্ ।
• সর্বাক্ষরবিহীনোঽস্মি অহং ব্রহ্মাস্মি কেবলম্ ॥ ৩৬॥
• অহমর্থবিহীনোঽস্মি ইদমর্থবিবর্জিতঃ ।
• সর্বানর্থবিমুক্তোঽস্মি অহং ব্রহ্মাস্মি কেবলম্ ॥ ৩৭॥
• নিত্যশুদ্ধোঽস্মি বুদ্ধোঽস্মি নিত্যোঽস্ম্যত্যন্তনির্মলঃ ।
• নিত্যানদস্বরূপোঽস্মি অহং ব্রহ্মাস্মি কেবলম্ ॥ ৩৮॥
• নিত্যপূর্ণস্বরূপোঽস্মি সচ্চিদানন্দমস্ম্যহম্ ।
• কেবলাদ্বৈতরূপোঽহমহং ব্রহ্মাস্মি কেবলম্ ॥ ৩৯॥
• অনির্দেশ্যস্বরূপোঽস্মি আদিহীনোঽস্ম্যনন্তকঃ ।
• অপ্রাকৃতস্বরূপোঽস্মি অহং ব্রহ্মাস্মি কেবলম্ ॥ ৪০॥
• স্বস্বসংকল্পহীনোঽহং সর্বাবিদ্যাবিবর্জিতঃ ।
• সর্বমস্মি তদেবাস্মি অহং ব্রহ্মাস্মি কেবলম্ ॥ ৪১॥
• সর্বনামাদিহীনোঽহং সর্বরূপবিবর্জিতঃ ।
• সর্বসঙ্গবিহীনোঽস্মি অহং ব্রহ্মাস্মি কেবলম্ ॥ ৪২॥
• সর্ববাচাং বিধিশ্চাস্মি সর্ববেদাবধিঃ পরঃ ।
• সর্বকালাবধিশ্চাস্মি অহং ব্রহ্মাস্মি কেবলম্ ॥ ৪৩॥
• সর্বরূপাবধিশ্চাহং সর্বনামাবধিঃ সুখম্ ।
• সর্বকল্পাবধিশ্চাস্মি অহং ব্রহ্মাস্মি কেবলম্ ॥ ৪৪॥
• অহমেব সুখং নান্যদহমেব চিদব্যযঃ ।
• অহমেবাস্মি সর্বত্র অহং ব্রহ্মাস্মি কেবলম্ ॥ ৪৫॥
• কেবলং ব্রহ্মমাত্রাত্মা কেবলং শুদ্ধচিদ্ঘনঃ ।
• কেবলাখণ্ডোসারোঽস্মি অহং ব্রহ্মাস্মি কেবলম্ ॥ ৪৬॥
• কেবলং জ্ঞানরূপোঽস্মি কেবলাকাররূপবান্ ।
• কেবলাত্যন্তসারোঽস্মি অহং ব্রহ্মাস্মি কেবলম্ ॥ ৪৭॥
• সত্স্বরূপোঽস্মি কৈবল্যস্বরূপোঽস্ম্যহমেব হি ।
• অর্থানর্থবিহীনোঽস্মি অহং ব্রহ্মাস্মি কেবলম্ ॥ ৪৮॥
• অপ্রমেযস্বরূপোঽস্মি অপ্রতর্ক্যস্বরূপবান্ ।
• অপ্রগৃহ্যস্বরূপোঽস্মি অহং ব্রহ্মাস্মি কেবলম্ ॥ ৪৯॥
• অরসস্যুতরূপোঽস্মি অনুতাপবিবর্জিতঃ ।
• অনুস্যূতপ্রকাশোঽস্মি অহং ব্রহ্মাস্মি কেবলম্ ॥ ৫০॥
• সর্বকর্মবিহীনোঽহং সর্বভেদবিবর্জিতঃ ।
• সর্বসন্দেহহীনোঽস্মি অহং ব্রহ্মাস্মি কেবলম্ ॥ ৫১॥
• অহংভাববিহীনোঽস্মি বিহীনোঽস্মীতি মে ন চ ।
• সর্বদা ব্রহ্মরূপোঽস্মি অহং ব্রহ্মাস্মি কেবলম্ ॥ ৫২॥
• ব্রহ্ম ব্রহ্মাদিহীনোঽস্মি কেশবত্বাদি ন ক্বচিত্ ।
• শঙ্করাদিবিহীনোঽস্মি অহং ব্রহ্মাস্মি কেবলম্ ॥ ৫৩॥
• তূষ্ণীমেবাবভাসোঽস্মি অহং ব্রহ্মাস্মি কেবলম্ ।
• কিঞ্চিন্নাস্তি পরো নাস্তি কিংচিদস্মি পরোঽস্মি চ ॥ ৫৪॥
• ন শরীরপ্রকাশোঽস্মি জগদ্ভাসকরো ন চ ।
• চিদ্ঘনোঽস্মি চিদংশোঽস্মি সত্স্বরূপোঽস্মি সর্বদা ॥ ৫৫॥
• মুদা মুদিতরূপোঽস্মি অহং ব্রহ্মাস্মি কেবলম্ ।
• ন বালোঽস্মি ন বৃদ্ধোঽস্মি ন যুবাঽস্মি পরাত্ পরঃ ॥ ৫৬॥
• ন চ নানাস্বরূপোঽস্মি অহং ব্রহ্মাস্মি কেবলম্ ।
• ইমং স্বানুভবং প্রোক্তং সর্বোপনিষদাং পরং রসম্ ॥ ৫৭॥
• যো বা কো বা শৃণোতীদং ব্রহ্মৈব ভবতি স্বযম্ ॥ ৫৮॥
• ন স্থূলোঽপ্যনণুর্ন তেজমরুতামাকাশনীরক্ষমা
• ভূতান্তর্গতকোশকাশহৃদযাদ্যাকাশমাত্রাক্রমৈঃ ।
• উদ্গ্রন্থশ্রুতিশাস্ত্রসূত্রকরণৈঃ কিঞ্চিজ্জ্ঞ সর্বজ্ঞতা
• বুদ্ধ্যা মোহিতমাযযা শ্রুতিশতৈর্ভো জানতে শঙ্করম্ ॥ ৫৯॥

• ॥ ইতি শ্রী শিবরহস্যে শঙ্করাখ্যে ষষ্ঠাংশে ঋভুনিদাঘসংবাদো নাম চতুর্থোঽধ্যাযঃ ॥

সূতঃ -

• ততো মহেশাত্ সংশ্রুত্য সূত্রাণি ঋভুরেব হি ।
• কৈলাসেশং মহাদেবং তুষ্টাব বিনযাঞ্জলিঃ ॥ ১॥
• লব্ধজ্ঞানো মহাদেবান্ মুনিভ্যোঽকথযচ্চ তত্ ।
• তত্ স্তুতিং চ শৃণুষ্বেতি জগাদ গিরিজাসুতঃ ॥ ২॥
• জৈগীষব্যং মহাত্মানং জিতষড্বর্গমুত্তমম্ ।

স্কন্দঃ -

• সংস্তুত্য সাংবমীশানমৃভুর্জ্ঞানমবিন্দত ।
• শাংভবঃ স মহাযোগী তুষ্টাবাষ্টতনুং হরম্ ॥ ৩॥

ঋভুঃ -

• গন্ধদ্বিপবরবৃন্দত্বচিরুচিবন্ধোদ্যতপট
• গন্ধপ্রমুখ মদান্ধব্রজদলি হরিমুখনখরোদ্যত্
• স্কন্ধোদ্যন্মুখ বন্ধক্ষুরনিভ নির্যদ্রসদসৃভিন্দন্নগধর
• বিন্ধ্যপ্রভশিব মেধ্যপ্রভুবর ।
• মেধ্যোত্তমশিব ভেদ্যাখিলজগদুদ্যদ্ভবগত
• বেদ্যাগমশিব গদ্যস্তুতপদ পদ্যপ্রকটহৃ -
• দুদ্যদ্ভবগদ বৈদ্যোত্তম পাহি শম্ভো ॥ ৪॥
• চণ্ডদ্বিপকর কাণ্ডপ্রভভুজ দণ্ডোদ্যতনগ
• খণ্ডত্রিপুর মহাণ্ডস্ফুটদুডুপশিখণ্ড ।
• দ্যুতিবর গণ্ডদ্বয কোদণ্ডান্তক দণ্ডিতপাদ পাহি শংভো ॥ ৫॥
• কিঞ্চিজ্জললব সিঞ্চদ্দ্বিজকুল মুঞ্চদ্বৃজিন
• কুলুংচদ্বিজপতি চঞ্চচ্ছবিজট কুঞ্চত্পদনখ
• মুঞ্চন্নতবর করুণা পাহি শংভো ॥ ৬॥
• দেব শঙ্কর হরমহেশ্বর পাপতস্কর অমরমযস্কর ।
• শিবদশংকর পুরমহেশ্বর ভবহরেশ্বর পাহি শংভো ॥ ৭॥
• অঙ্গজভঙ্গ তুরঙ্গরথাঙ্গ জলধিনিষঙ্গ
• ধৃতভুজঙ্গাঙ্গ দৃশি সুপতঙ্গ
• করসুকুরঙ্গ জটধৃতগঙ্গ
• যমিহৃদিসঙ্গ ভজশিবলিঙ্গ ভবভযভঙ্গ ॥ ৮॥
• শংবরকরশর দম্বরবরচর ডংবরঘোষণ দুংবরফলজগ
• নিকুরুংবভরহর বিংবিতহৃদিচির লংবিতপদযুগ
• লংবোদরজনকান্তকহর শিব বিন্দুবরাসন
• বিন্দুগহন শরদিন্দুবদনবর কুন্দধবল গণবৃন্দবিনত
• ভবভযহর পরবর করুণাকর ফণিবরভূষণ
• স্মর হর গরধর পরিপাহি ॥ ৯॥
• রাসভবৃষভেভ শরভাননগণগুণনন্দিত-
• ত্রিগুণপথাতিগ শরবণভবনুত তরণিস্থিত বরুণালয
• কৃতপারণ মুনিশরণাযিত পদপদ্মারুণ পিঙ্গজটাধর
• কুরু করুণাং শঙ্কর শং কুরু মে ॥ ১০॥
• জম্ভপ্রহরণ কুম্ভোদ্ভবনুত কুম্ভপ্রমথ নিশুম্ভদ্যুতিহর
• ভিন্দদ্রণগণ ডিম্ভাযিতসুর তারকহরসুত
• কুংভ্যুদ্যতপদ বিন্ধ্যস্থিতদিতিমান্দ্যপ্রহর মদান্ধদ্বিপবর
• কৃত্তিপ্রবর সুধান্ধোনুতপদ বুদ্ধ্যাগমশিব
• মেধ্যাতিথিবরদ মমাবন্ধ্যং কুরু দিবসং
• তব পূজনতঃ পরিপাহি শংভো ॥ ১১॥
• কুন্দসদৃশ মকরন্দনিভসুরবৃন্দবিনুত কুরুবিন্দমণিগণ
• বৃন্দনিভাঙ্ঘ্রিজমন্দর বসদিন্দুমকুট শরদংবুজকৃশ
• গরনিন্দনগল সুন্দরগিরিতনযাকৃতি
• দেহবরাঙ্গবিন্দুকলিত শিবলিঙ্গগহন সুতসিন্দুরবরমুখ
• বন্ধুরবরসিন্ধুনদীতট লিঙ্গনিবহবরদিগ্বস পাহি শংভো ॥ ১২॥
• পন্নগাভরণ মারমারণ বিভূতিভূষণ শৈলজারমণ ।
• আপদুদ্ধরণ যামিনীরমণশেখর সুখদ পাহি শংভো ॥ ১৩॥
• দক্ষাধ্বরবরশিক্ষ প্রভুবর ত্র্যক্ষ প্রবলমহোক্ষস্থিত
• সিতবক্ষস্স্থলকুলচক্ষুঃশ্রবস বরাক্ষস্রজ হর ।
• বীক্ষানিহতাধোক্ষজাত্মজ বরকক্ষাশ্রয পুরপক্ষবিদারণ
• লীক্ষাযিতসুর ভিক্ষাশন হর পদ্মাক্ষার্চনতুষ্ট
• ভগাক্ষিহরাব্যয শঙ্কর মোক্ষপ্রদ পরিপাহি মহেশ্বর ॥ ১৪॥
• অক্ষযফলদ শুভাক্ষ হরাক্ষততক্ষককর
• গরভক্ষ পরিস্ফুরদক্ষ ক্ষিতিরথ সুরপক্ষাব্যয ।
• পুরহর ভব হর হরিশর শিব শিব
• শঙ্কর কুরু কুরু করুণাং শশিমৌলে ॥ ১৫॥
• ভজাম্যগসুতাধবং পশুপতিং মহোক্ষধ্বজং
• বলক্ষভসিতোজ্জ্বলং প্রকটদক্ষদাহাক্ষিকম্ ।
• ভগাক্ষিহরণং শিবং প্রমথিতোরুদক্ষাধ্বরং
• প্রপক্ষসুরতামুনিপ্রমথশিক্ষিতাধোক্ষজম্ ॥ ১৬॥
• শ্রীনাথাক্ষিসরোজরাজিতপদাংভোজৈকপূজোত্সবৈ-
• র্নিত্যং মানসমেতদস্তু ভগবন্ সদ্রাজমৌলে হর ।
• ভূষাভূতভুজঙ্গসঙ্গত মহাভস্মাঙ্গনেত্রোজ্বল-
• জ্জ্বালাদগ্ধমনঙ্গপতঙ্গদৃগুমাকান্তাব গঙ্গাধর ॥ ১৭॥
• স্বাত্মানন্দপরাযণাংবুজভবস্তুত্যাঽধুনা পাহি মাম্
• ... ... ... ... ... ... ... ... |
• গিরিজামুখসখ ষণ্মুখ পঞ্চমুখোদ্যতদুর্মুখমুখ-
• হর আখুবহোন্মুখ লেখগণোন্মুখ শঙ্কর খগগমপরিপূজ্য ॥ ১৮॥
• কোটিজন্মবিপ্রকর্মশুদ্ধচিত্তবর্ত্মনাং
• শ্রৌতসিদ্ধশুদ্ধভস্মদগ্ধসর্ববর্ষ্মণাম্ ।
• রুদ্রভুক্তমেধ্যভুক্তিদগ্ধসর্বপাপ্মনাং
• রুদ্রসূক্তি উক্তিভক্তিভুক্তিমুক্তিদাযিকাম্ ।
• পুরহর ইষ্টতুষ্টিমুক্তিলাস্যবাসনা
• ভক্তিভাসকৈলাসমীশ আশু লভ্যতে ॥ ১৯॥

স্কন্দঃ -

• তত্স্তুত্যা তোষিতঃ শংভুস্তমাহ ঋভুমীশ্বরঃ ।
• প্রসন্নঃ করুণাম্ভোধিরম্ভোজসুতমোদনঃ ॥ ২০॥

ঈশ্বরঃ -

• বেদান্তপাঠপঠনেন হঠাদিযোগৈঃ
• শ্রীনীলকণ্ঠপদভক্তিবিকুণ্ঠভাবাঃ ।
• যে কর্মঠা যতিবরা হরিসৌরিগেহে
• সালাবৃকৈর্বরকঠোরকুঠারঘাতৈঃ ॥ ২১॥
• ভিন্নোত্তমাঙ্গহৃদযাশ্চ ভুসুণ্ডিভিস্তে ।
• ভিক্ষাশনা জরঠরাসভবদ্ভ্রমন্তি ॥ ২২॥
• বিদ্যুচ্চঞ্চলজীবিতেঽপি ন মনাগুত্পদ্যতে শাংভবী
• ভক্তির্ভীমপদাম্বুজোত্তমপদে ভস্মত্রিপুণ্ড্রেঽপি চ ।
• রুদ্রাক্ষামলরুদ্রসূক্তিজপনে নিষ্ঠা কনিষ্ঠাত্মনাং
• বিষ্ঠাবিষ্টকুনিষ্ঠকষ্টকুধিযাং দুষ্টাত্মনাং সর্বদা ॥ ২৩॥
• ভ্রষ্টানাং দুরদৃষ্টতো জনিজরানাশেন নষ্টাত্মনাং
• জ্যেষ্ঠশ্রীশিপিবিষ্টচারুচরণাংভোজার্চনানাদরঃ ।
• তেনানিষ্টপরংপরাসমুদযৈরষ্টাকৃতের্ন স্মৃতিঃ
• বিষ্ঠাপূরিতদুর্মুখেষু নরকে ভ্রষ্টে চিরং সংস্থিতিঃ ॥ ২৪॥
• অজ্ঞাযত্তেষ্বভিজ্ঞাঃ সুরবরনিকরং স্তোত্রশাস্ত্রাদিতুষ্টং
• সত্রাশং মন্ত্রমাত্রৈর্বিধিবিহিতধিযা সামভাগৈর্যজন্তি ।
• শ্রাদ্ধে শ্রদ্ধাভরণহরণভ্রান্তরূপান্পিতৄংস্তে
• তত্তচ্ছ্রদ্ধাসমুদিতমনঃ স্বান্তরা শম্ভুমীশম্ ॥
• নাভ্যর্চন্তি প্রণতশরণং মোক্ষদং মাং মহেশম্ ॥ ২৫॥
• আর্যাঃ শর্বসমর্চনেন সততং দূর্বাদলৈঃ কোমলৈঃ
• বিল্বাখর্বদলৈশ্চ শঙ্করমহাভাগং হৃদন্তঃ সদা ।
• পর্বস্বপ্যবিশেষিতেন মনসা গর্বং বিহাযাদরাত্
• দুর্গাণ্যাশু তরন্তি শঙ্করকৃপাপীযূষধারারসৈঃ ॥ ২৬ ॥
• শ্রীচন্দ্রচূডচরণাংবুজ পূজনেন
• কালং নযন্তি পশুপাশবিমুক্তিহেতোঃ ।
• ভাবাঃ পরং ভসিতফাললসত্ত্রিপুণ্ড্র-
• রুদ্রাক্ষকঙ্কণলসত্করদণ্ডযুগ্মাঃ ॥ ২৭॥
• পঞ্চাক্ষরপ্রণবসূক্তধিযা বদন্তি
• নামানি শাংভবমনোহরদানি শংভো ।
• মুক্তিপ্রদানি সততং শিবভক্তবর্যাঃ
• যে বিল্বমূলশিবলিঙ্গসমর্চনেন ॥ ২৮॥
• কালং নযেদ্বিমলকোমলবিল্বপত্রৈঃ
• নো তস্য কালজভযং ভবতাপপাপম্ ।
• সন্তাপভূপজনিতং ভজতাং মহেশম্ ॥ ২৯॥
• শশ্বদ্বিশ্বেশপাদৌ যমশমনিযমৈর্ভূতিরুদ্রাক্ষগাত্রো
• বিশ্বত্রস্তো ভুজঙ্গাঙ্গদবরগিরিজানাযকে লব্ধভক্তিঃ ।
• মুগ্ধোঽপ্যধ্যাত্মবিদ্ যো ভবতি ভবহরস্যার্চযা প্রাপ্তকামঃ ॥ ৩০॥
• শব্দৈরব্দশতেঽপি নৈব স লভেত্ জ্ঞানং ন তর্কভ্রমৈঃ
• মীমাংসা দ্বযতস্তথাদ্বযপদং কিং সাংখ্যসংখ্যা বদ ।
• যোগাযাসপরংপরাদিবিহিতৈর্বেদান্তকান্তারকে
• শ্রাম্যন্ ভক্তিবিবর্জিতেন মনসা শম্ভোঃ পদে মুক্তযে ॥ ৩১॥
• কিং গঙ্গযা বা মকরে প্রযাগ-
• স্নানেন বা যোগমখক্রিযাদ্যৈঃ ।
• যত্রার্চিতং লিঙ্গবরং শিবস্য
• তত্রৈব সর্বার্থপরংপরা স্যাত্ ॥ ৩২॥
• শ্রীশৈলো হিমভূধরোঽরুণগিরির্বৃদ্ধাদ্রিগোপর্বতৌ
• শ্রীমদ্ধেমসভাবিহার ভগবন্ নৃত্তং ত্রিনেত্রো গিরিঃ ।
• কৈলাসোত্তরদক্ষিণৌ চ ভগবান্ যত্রার্চনে শঙ্করো
• লিঙ্গে সন্নিহিতো বসত্যনুদিনং শাঙ্গস্য হৃত্পঙ্কজে ॥ ৩৩॥
• তত্রাবিমুক্তং শশিচূডবাসং
• ॐকারকালঞ্জর রুদ্রকোটিম্ ।
• গঙ্গাবুধেঃ সঙ্গমমম্বিকাপতি-
• প্রিযং তু গোকর্ণকসহ্যজাতটম্ ॥ ৩৪॥
• যত্রাভ্যর্ণগতং মহেশকরুণাপূর্ণং তু তূর্ণং হৃদা
• লিঙ্গং পূজিতমপ্যপাস্তদুরিতং তীর্থানি গঙ্গাদযঃ ।
• পুণ্যাশ্চাশ্রমসংঘকা গিরিবরক্ষেত্রাণি শংভোঃ পদং
• ভক্তিযুক্তভজনেন মহেশে শক্তিবজ্জগদিদং পরিভাতি ॥ ৩৫॥
• কর্মন্দিবৃন্দা অপি বেদমৌলি-
• সিদ্ধান্তবাক্যকলনেঽপি ভবন্তি মন্দাঃ ।
• কামাদিবদ্ধহৃদযাঃ সিতভস্মপুণ্ড্র-
• রুদ্রাক্ষ শঙ্করসমর্চনতো বিহীনাঃ ॥ ৩৬॥
• হীনা ভবন্তি বহুধাপ্যবুধা ভবন্তি
• মত্প্রেমবাসভবনেষু বিহীনবাসাঃ ॥ ৩৭॥
• অষ্টম্যামষ্টমূর্তির্নিশি শশিদিবসে সোমচূডং তু মুক্ত্যৈ
• ভূতাযাং ভূতনাথং ধৃতভসিততনুর্বীতদোষে প্রদোষে ।
• গব্যৈঃ পঞ্চামৃতাদ্যৈঃ ফলবরজরসৈর্বিল্বপত্রৈশ্চ লিঙ্গে
• তুঙ্গে শাঙ্গেঽপ্যসঙ্গো ভজতি যতহৃদা নক্তভুক্ত্যৈকভক্তঃ ॥ ৩৮॥
• জ্ঞানানুত্পত্তযে তদ্ধরিবিধিসমতাবুদ্ধিরীশানমূর্তৌ
• ভস্মাক্ষাধৃতিরীশলিঙ্গভজনাশূন্যং তু দুর্মানসম্ ।
• শংভোস্তীর্থমহত্সুতীর্থবরকে নিন্দাবরে শাঙ্করে
• শ্রীমদ্রুদ্রজপাদ্যদ্রোহকরণাত্ জ্ঞানং ন চোত্পদ্যতে ॥ ৩৯॥
• ঈশোত্কর্ষধিযৈকলিঙ্গনিযমাদভ্যর্চনং ভস্মধৃক্
• রুদ্রাক্ষামল সারমন্ত্র সুমহাপঞ্চাক্ষরে জাপিনাম্ ।
• ঈশস্থাননিবাসশাংভবকথা ভক্তিশ্চ সংকীর্তনং
• ভক্তস্যার্চনতো ভবেত্ সুমহাজ্ঞানং পরং মুক্তিদম্ ॥ ৪০॥
• আদ্যন্তযোর্যঃ প্রণবেন যুক্তং
• শ্রীরুদ্রমন্ত্রং প্রজপত্যঘঘ্নম্ ।
• তস্যাংঘ্রিরেণুং শিরসা বহন্তি
• ব্রহ্মাদযঃ স্বাঘনিবৃত্তিকামাঃ ॥ ৪১॥
• অপূর্বাথর্বোক্ত শ্রুতিশিরসি বিজ্ঞানমনঘং
• মহাখর্বাজ্ঞানপ্রশমনকরং যো বিরচযেত্ ।
• মুনে হৃত্পর্বাণাং বিশসনকরং সপ্তমনুভি-
• র্ব্রতং শীর্ষণ্যং যো বিরচযতি তস্যেদমুদিতম্ ॥ ৪২॥
• গুরৌ যস্য প্রেম শ্রুতিশিরসি সূত্রার্থপদগং
• মযি শ্রদ্ধা বৃদ্ধা ভবতি কিল তস্যৈষ সুলভঃ ।
• অনন্যো মার্গোঽযম্ অকথিতমিদং ত্বয্যপি মুদা
• যদা গোপ্যো মুগ্ধে সুবিহিতমুনিষ্বেব দিশ বৈ ॥ ৪৩॥

স্কন্দঃ -

• ইতি স্তুত্বা শংভোঃ প্রমুদিতমনাস্ত্বেষ স ঋভুঃ
• মুনির্নত্বা দেবং নগমগপদীশস্য নিলযম্ ।
• যতো গঙ্গা তুঙ্গা প্রপততি হিমাদ্রেঃ শিখরতো
• মুনীন্দ্রেষ্বাহেদং তদপি শৃণু বিপ্রোত্তম হৃদা ॥ ৪৪॥

ঋভুঃ -

• পতন্ত্বশনযো মুহুর্গিরিবরৈঃ সমুদ্রোর্বরা
• ভবত্বধরসংপ্লবা গ্রহগণাঃ সুরা যান্ত্বঘঃ ।
• ভবজ্জনিম পূজনান্মম মনো ন যাত্যন্যতঃ
• শপামি প্রপদে প্রভোস্তব সরোরুহাভে হর ॥ ৪৫॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে শিবঋভুসংবাদো নাম তৃতীযোঽধ্যাযঃ ॥

ঈশ্বরঃ -

• শ্রুণু পদ্মজসংভূত মত্তঃ সূত্রবিধিক্রমম্ ।
• জ্ঞানোত্পাদকহেতূনি শ্রুতিসারাণি তত্ত্বতঃ ॥ ১॥
• ব্যাসা মন্বন্তরেষু প্রতিযুগজনিতাঃ শাংভবজ্ঞানসিদ্ধ্যৈ
• ভস্মাভ্যক্তসমস্তগাত্রনিবহা রুদ্রাক্ষমালাধরাঃ ।
• কৈলাসং সমবাপ্য শঙ্করপদধ্যানেন সূত্রাণ্যুমা-
• কান্তাত্ প্রাপ্য বিতন্বতে স্বকধিযা প্রামাণ্যবাদানহো ॥ ২॥
• জিজ্ঞাস্যং ব্রহ্ম এবেত্যথপদবিদিতৈঃ সাধনপ্রাপ্ত্যুপাযৈ-
• র্যোগৈর্যোগাদ্যুপাযৈর্যমনিযমমহাসাংখ্যবেদান্তবাক্যৈঃ ।
• শ্রোতব্যো ভগবান্ ন রূপগুণতো মন্তব্য ইত্যাহ হি
• বেদোদ্বোধদবাক্যহেতুকরণৈর্ধ্যেযঃ স সাক্ষাত্কৃতেঃ ॥ ৩॥
• জন্মাদ্যস্য যতোঽস্য চিত্রজগতো মিথ্যৈব তত্কারণং
• ব্রহ্ম ব্রহ্মাত্মনৈব প্রকৃতিপরমদো বর্তমানং বিবর্তেত্ ।
• শ্রুত্যা যুক্ত্যা যতো বা ইতিপদঘটিতো বোধতো বক্তি শংভুং
• নাণুঃ কালবিপাককর্মজনিতেত্যাচোদনা বৈ মৃষা ॥ ৪॥
• যোনিঃ শাস্ত্রস্য বেদস্তদুভযমননাদ্ব্রহ্মণঃ প্রত্যভিজ্ঞা
• নিঃশ্বাসাদ্বেদজালং শিববরবদনাদ্বেধসা প্রাপ্তমেতত্ ।
• তস্মাত্ তর্কবিতর্ককর্কশধিযা নাতিক্রমেত্ তাং ধিযং
• স্বাম্নাযক্রিযযা তদপ্রকরণে যোনির্মহেশো ধ্রুবম্ ॥ ৫॥
• তত্ত্বস্যাপি সমন্বযাত্ শ্রুতিগিরাং বিশ্বেশ্বরে চোদনা
• সা চানির্বচনীযতামুপগতা বাচো নিবৃত্তা ইতি ।
• আত্মৈবৈষ ইতীব বাক্যসুবৃতির্বৃত্তিং বিধত্তে ধিযা
• বেদান্তাদিষু এক এব ভগবানুক্তো মহেশো ধ্রুবম্ ॥ ৬॥
• নাসদ্বা বীক্ষতে যজ্জডমিতি করণৈর্গন্ধরূপাদিহীনং
• শব্দস্পর্শাদিহীনং জগদনুগতমপি তদ্ব্রহ্ম কিংরূপমীষ্টে ।
• গৌণং চেদপি শব্দতো জগদিদং যন্নামরূপাত্মকং
• তচ্চাত্রাবিশদীশ্বরোঽর্থবচসা মোক্ষস্য নিষ্ঠাক্রমঃ ॥ ৭॥
• হেযত্বাবচনাচ্চ তচ্ছ্রুতিগিরাং স্থূলং প্রদৃষ্টং ভবে-
• দ্রূপং নারূপতোঽপি প্রকরণবচনং বা বিকারঃ কিলেদম্ ।
• স্বাপ্যাযাদপি তদ্বদাপি পরমানন্দো যদীত্থং পরঃ
• সামান্যাচ্চ গতেরথাপ্যনুভবে বিদ্যোততে শঙ্করঃ ॥ ৮॥
• শ্রুতত্বাদ্বেদান্তপ্রতিপদবচঃ কারণমুমা-
• সনাথো নাথানাং স চ কিল ন কশ্চিজ্জনিভবঃ ।
• স এবানন্দাত্মা শ্রুতিকথিতকোশাদিরহিতো
• বিকারপ্রাচুর্যান্ন হি ভবতি কার্যং চ করণম্ ॥ ৯॥
• তদ্ধেতুব্যপদেশতোঽপি শিব এবেতি চানন্দকৃত্
• মন্ত্রৈর্বর্ণকৃতক্রমেণ ভগবান্ সত্যাদ্যনন্তোচ্যতে ।
• নৈরন্তর্যানুপপত্তিতোঽপি সুখিতা চানন্দভেদোঽর্থতঃ
• কামাচ্চাননুভাবতো হৃদি ভিদা জাযেদ্ভযং সংসৃতেঃ ॥ ১০॥
• পুচ্ছং ব্রহ্ম প্রতিষ্ঠিতেতি বচনাচ্ছেষী মহেশোঽব্যযঃ ।
• আকাশান্তরতোঽপি ভৌতিকহৃদাকাশাত্মতা বাক্যতো
• ব্রহ্মৈব প্রতিভাতি ভেদকলনে চাকল্পনা কল্পতঃ ॥ ১১॥
• সুষুপ্ত্যুত্ক্রান্ত্যোর্বা ন হি খলু ন ভেদঃ পরশিবে
• অতোত্থানং দ্বৈতে ন ভবতি পরে বৈ বিলযনে ।
• তদর্হং যত্সূক্ষ্মং জগদিদমনাকারমরসং
• ন গন্ধং ন স্পর্শং ভবতি পরমেশে বিলসিতম্ ॥ ১২॥
• অধীনং চার্থং তদ্ভবতি পুনরেবেক্ষণপরং
• স্বতন্ত্রেচ্ছা শংভোর্ন খলু করণং কার্যমপি ন ॥ ১৩॥
• জ্ঞেযত্বাবচনাচ্চ শঙ্কর পরানন্দে প্রমোদাস্পদে
• প্রজ্ঞানং ন হি কারণং প্রকৃতিকং প্রশ্নত্রযস্যার্থবত্ ।
• ন বিজ্ঞেযং দেহপ্রবিলযশতোত্থানগণনা
• স মৃত্যোর্মৃত্যুস্তদ্ভবতি কিল ভেদেন জগতঃ ॥ ১৪॥
• মহদ্বচ্চাণীযো ভবতি চ সমো লোকসদৃশা
• তথা জ্যোতিস্ত্বেকং প্রকরণপরং কল্পিতবতঃ ।
• ন সংখ্যাভেদেন ত্রিভুবনবিভবাদতিকরং
• স্বভাবোঽযং শশ্বন্মুখরযতি মোদায জগতাম্ ॥ ১৫॥
• প্রাণাদুদ্গতপঞ্চসংখ্যজনিতা তদ্বস্ত্রিবচ্চ শ্রুতং
• তচ্ছ্রোত্রং মনসো ন সিদ্ধপরমানন্দৈকজন্যং মহঃ ।
• জ্যোতিষ্কারণদর্শিতে চ করণে সত্তা সদিত্যন্বহং
• চাকর্ষা ভবতি প্রকর্ষজনিতে ত্বত্তীতি বাক্যোত্তরম্ ॥ ১৬॥
• জাগ্রত্ত্বাবচনেন জীবজগতোর্ভেদঃ কথং কথ্যতে
• লিঙ্গং প্রাণগতং ন চেশ্বরপরং জ্যোতিঃ কিলৈক্যপ্রদম্ ।
• অন্যার্থত্ববিবেকতোঽর্থগতিকং চাকল্পযদ্বাক্যতঃ ।
• প্রজ্ঞামিত্যপরঃ ক্রমস্থিতিরসাবন্যো বদন্তং মৃষা ॥ ১৭॥
• প্রকৃত্যৈবং সিদ্ধং ভবতি পরমানন্দবিধুরং
• অভিধ্যোপাদেশাদ্ ভবতি উভযাম্নাযবচনৈঃ ।
• ভবত্যাত্মা কর্তা কৃতিবিরহিতো যোনিরপি চ
• প্রতিষ্ঠা নিষ্ঠা চ ত্রিভুবনগুরুঃ প্রেমসদনঃ ॥ ১৮॥
• অভিধ্যোপাদেশাত্ স বহু ভবদীক্ষাদিবশতঃ
• সমাসাচোভাভ্যাং প্রকৃতিজসমাম্নাযবচনাত্ ।
• অতো হ্যাত্মা শুদ্ধঃ প্রকৃতিপরিণামেন জগতাং
• মৃদীব ব্যাপারো ভবতি পরিণামেষু চ শিবঃ ॥ ১৯॥
• আনন্দাভ্যাসযোগাদ্বিকৃতজগদানন্দজগতো
• অতো হেতোর্ধর্মো ন ভবতি শিবঃ কারণপরঃ ।
• হিরণ্যাত্মাঽঽদিত্যেঽক্ষিণি উদেতীহ ভগবান্
• নতেশ্চাধারাণাং শ্রবণবচনৈর্গোপিতধিযঃ ॥ ২০॥
• ভেদাদিব্যপদেশতোঽস্তি ভগবানন্যো ভবেত্ কিং ততঃ
• আকাশাদিশরীরলিঙ্গনিযমাদ্ব্যাপ্যং হি সর্বং ততঃ ।
• তজ্জ্যোতিঃ পরমং মহেশ্বরমুমাকান্তাখ্যশান্তং মহো
• বেদান্তেষু নিতান্তবাক্যকলনে ছন্দোঽভিধানাদপি ॥ ২১॥
• ভূতাদিব্যপদেশতোঽপি ভগবত্যস্মিন্ মহেশে ধ্রুবং
• যস্মাদ্ভূতবরাণি জাযত ইতি শ্রুত্যাঽস্য লেশাংশতঃ ।
• বিশ্বং বিশ্বপতেরভূত্ তদুভযং প্রামাণ্যতো দর্শনাত্
• প্রাণস্যানুগমাত্ স এব ভগবান্ নান্যঃ পথা বিদ্যতে ॥ ২২॥
• ন বক্তুশ্চাত্মা বৈ স খলু শিবভূমাদিবিহিতঃ
• তথৈবাযুর্দেহে অরণিবহবত্ চক্রগমহো ।
• অদৃশ্যো হ্যাত্মা বৈ স হি সুদৃশতঃ শাস্ত্রনিবহৈঃ
• শিবো দেবো বামো মুনিরপি চ সার্বাত্ম্যমভজত্ ॥ ২৩॥
• প্রসিদ্ধিঃ সর্বত্র শ্রুতিষু বিধিবাক্যৈর্ভগবতো
• মহাভূতৈর্জাতং জগদিতি চ তজ্জাদিবচনৈঃ ।
• অতোঽণীযান্ জ্যাযানপি দ্বিবিধভেদব্যপগতা
• বিবক্ষা নোঽস্তীতি প্রথযতি গুণৈরেব হি শিবঃ ॥ ২৪॥
• সংভোগপ্রাপ্তিরেব প্রকটজগতঃ কারণতযা
• সদা ব্যোমৈবেত্থং ভবতি হৃদযে সর্বজগতাম্ ।
• অতোঽত্তা বৈ শর্বশ্চরমচরভূতং জগদিদং
• মহামৃত্যুর্দেশো ভবতি শিখরন্নাদ ইতি চ ॥ ২৫॥
• প্রকরণবচনেন বেদজাতে
• ভগবতি ভবনাশনে মহেশে ।
• প্রবিশতি শিব এব ভোগভোক্তৃ-
• নিযমনদর্শনতো হি বাক্যজাতম্ ॥ ২৬॥
• বিশেষণৈঃ শঙ্করমেব নিত্যং
• দ্বিধা বদত্যেবমুপাধিযোগাত্ ।
• অতোঽন্তরা বাক্যপদৈঃ সমর্থিতঃ
• স্থানাদিযোগৈর্ভগবানুমাপতিঃ ॥ ২৭॥
• সুখাভিধানাত্ সুখমেব শংভুঃ
• কং ব্রহ্ম খং ব্রহ্ম ইতি শ্রুতীরিতঃ ।
• শ্রুতোপবাক্যোপনিষত্প্রচোদিতঃ
• গতিং প্রপদ্যেত বুধোঽপি বিদ্যযা ॥ ২৮॥
• অনবস্থিতিতোঽপি নেতরো ভগবানেব স চক্ষুষি প্রবুধ্যেত্ ।
• ভযভীতাঃ খলু যস্য সোমসূর্যানলবায্বংবুজসংভবা ভ্রমন্তি ॥ ২৯॥
• অন্তর্যামিতযৈব লোকমখিলং জানাত্যুমাযাঃ পতিঃ ।
• ভূতেষ্বন্তরগোঽপি ভূতনিবহা নো জানতে শঙ্করম্ ॥ ৩০॥
• ন তত্স্মৃত্যা ধর্মৈরভিলষণতো ভেদবিধুরং
• ন শারীরং ভেদে ভবতি অগজানাযকবরে ।
• অদৃশ্যত্বাদ্ধর্মৈর্ন খলু ভগবানন্যদিতি চ
• পরাদাদিত্যং চামতিরপি চ ভেদপ্রকলনে ॥ ৩১॥
• ভেদাদেশ্চ বিশেষণং পরশিবে রূপং ন নাম প্রভা ।
• ভাবো বা ভবতি প্রভাবিরহিতং ব্রহ্মাত্মনা চাহ তত্ ॥ ৩২॥
• স্মৃতং মানং শংভৌ ভগবতি চ তত্সাধনতযা-
• প্যতো দৈবং ভূতং ন ভবতি চ সাক্ষাত্ পরশিবে ।
• অভিব্যক্তী চান্যঃ স্মৃতিমপি তথাঽন্যোঽপি মনুতে
• তথা সংপত্তির্বৈ ভুবি ভবতি কিং শংভুকলনে ॥ ৩৩॥
• যং মুক্তিব্যপদেশতঃ শ্রুতিশিখাশাখাশতৈঃ কল্পিতে
• ভিদ্যেদ্গ্রন্থিরপি প্রকীর্ণবচনাত্ সাক্ষ্যেব বাহ্যান্তরা ।
• শব্দো ব্রহ্মতযৈব ন প্রভবতে প্রাণপ্রভেদেন চ
• তচ্চাপ্যুত্ক্রমণস্থিতিশ্চ বিলযে ভুংক্ত্যেঽপ্যসৌ শঙ্করঃ ॥ ৩৪॥
• তং ভূমা সংপ্রসাদাচ্ছিবমজরমাত্মানমধুনা
• শৃণোতীক্ষেদ্বাপি ক্ষণমপি তথান্যং ন মনুতে ।
• তথা ধর্মাপত্তির্ভবতি পরমাকাশজনিতং
• প্রশস্তং ব্যাবৃত্তং দহরমপি দধ্যাদ্যপদিশত্ ॥ ৩৫॥
• অলিঙ্গং লিঙ্গস্থং বদতি বিধিবাক্যৈঃ শ্রুতিরিযং
• ধৃতেরাকাশাখ্যং মহিমনি প্রসিদ্ধের্বিমৃশতা ।
• অতো মর্শান্নাযং ভবতি ভবভাবাত্মকতযা
• শিবাবির্ভাবো বা ভবতি চ নিরূপে গতধিযাম্ ॥ ৩৬॥
• পরামর্শে চান্যদ্ভবতি দহরং কিং শ্রুতিবচো
• নিরুক্তং চাল্পং যত্ ত্বনুকৃতি তদীযেঽহ্নি মহসা ।
• বিভাতীদং শশ্বত্ প্রমতিবরশব্দৈঃ শ্রুতিভবৈঃ ॥ ৩৭॥
• যো ব্যাপকোঽপি ভগবান্ পুরুষোঽন্তরাত্মা ।
• বালাগ্রমাত্রহৃদযে কিমু সন্নিবিষ্টঃ ॥ ৩৮॥
• প্রত্যক্ষানুভবপ্রমাণপরমং বাক্যং কিলৈকার্থদং
• মানেনাপি চ সংভবাভ্রমপরো বর্ণং তথৈবাহ হি ।
• শব্দং চাপি তথৈব নিত্যমপি তত্ সাম্যানুপত্তিক্রিযা
• মধ্বাদিষ্বনধীকৃতোঽপি পুরুষো জ্যোতিষ্যভাবো ভবেত্ ॥ ৩৯॥
• ভাবং চাপি শুগস্য তচ্ছ্রবণতো জাত্যন্তরাসংভবাত্
• সংস্কারাধিকৃতোঽপি শঙ্করপদং যে বক্তুকামা মনাক্ ।
• জ্যোতির্দর্শনতঃ প্রসাদপরমাদস্মাচ্ছরীরাত্ পরং
• জ্যোতিশ্চাভিনিবিশ্য ব্যোম পরমানন্দং পরং বিন্দতি ॥ ৪০॥
• স্মৃতীনাং বাদোঽত্র শ্রুতিবিভবদোষান্যবচসা
• স এবাত্মা দোষৈর্বিগতমতিকাযঃ পরশিবঃ ।
• স বিশ্বং বিশ্বাত্মা ভবতি স হি বিশ্বাধিকতযা
• সমস্তেষু প্রোতো ভবতি স হি কার্যেষু করণম্ ॥ ৪১॥
• প্রধানানাং তেষাং ভবতি ইতরেষামনুপমো-
• প্যলব্ধোঽপ্যাত্মাযং শ্রুতিশিরসি চোক্তোঽণুরহিতঃ ।
• স দৃশ্যোঽচিন্ত্যাত্মা ভবতি বরকার্যেষু করণং
• অসদ্বা সদ্বা সোঽপ্যসদিতি ন দৃষ্টান্তবশগম্ ॥ ৪২॥
• অসঙ্গো লক্ষণ্যঃ স ভবতি হি পঞ্চস্বপি মুধা
• অভীমানোদ্দেশাদনুগতিরথাক্ষাদিরহিতঃ ।
• স্বপক্ষাদৌ দোষাশ্রুতিরপি ন ঈষ্টে পরমতং
• ত্বনির্মোক্ষো ভূযাদনুমিতিকুতর্কৈর্ন হি ভবেত্ ॥ ৪৩॥
• ভোক্ত্রাপত্তেরপি বিষযতো লোকবেদার্থবাদো
• নৈনং শাস্তি প্রভুমতিপরং বাচি বারংভণেভ্যঃ ।
• ভোক্তা ভোগবিলক্ষণো হি ভগবান্ ভাবোঽপি লব্ধো ভবেত্
• সত্ত্বাচ্চাপি পরস্য কার্যবিবশং সদ্বাক্যবাদান্বযাত্ ॥ ৪৪॥
• যুক্তেঃ শব্দান্তরাচ্চাসদিতি ন হি কার্যং চ করণং
• প্রমাণৈর্যুক্ত্যা বা ন ভবতি বিশেষেণ মনসা ।
• পরঃ প্রাণোদ্দেশাদ্ধিতকরণদোষাভিধধিযা
• তথাশ্মাদ্যা দিব্যা .... দ্যোতন্তি দেবা দিবি ॥ ৪৫॥
• প্রসক্তির্বা কৃত্স্না শ্রুতিবরবলাদাত্মনি চিরং
• স্বপক্ষে দোষাণাং প্রভবতি চ সর্বাদিসুদৃশা ।
• বিকারাণাং ভেদো ন ভবতি বিযোজ্যো গুণধিযাং
• অতো লোকে লীলাপরবিষমনৈর্ঘৃণ্যবিধুরম্ ॥ ৪৬॥
• স কর্মারংভাদ্বা উপলভতি যদ্যেতি চ পরং
• সর্বৈর্ধর্মপদৈরযুক্তবচনাপত্তেঃ প্রবৃত্তের্ভবেত্ ।
• ভূতানাং গতিশোপযুজ্যপযসি ক্ষারং যথা নোপযুক্
• অবস্থানং নৈব প্রভবতি তৃণেষূদ্যতমতে-
• স্তথাভাবাত্ পুংসি প্রকটযতি কার্যং চ করণম্ ॥ ৪৭॥
• অঙ্গিত্বানুপপত্তিতোঽপ্যনুমিতো শক্তিজ্ঞহীনং জগত্
• প্রতিষিদ্ধে সিদ্ধে প্রসভমিতি মৌনং হি শরণম্ ।
• মহদ্দীর্ঘং হস্বং উভযমপি কর্মৈব করণে
• তথা সাম্যে স্থিত্যা প্রভবতি স্বভাবাচ্চ নিযতম্ ॥ ৪৮॥
• ন স্থানতোঽপি শ্রুতিলিঙ্গসমন্বযেন
• প্রকাশবৈযর্থ্যমতো হি মাত্রা ।
• সূর্যোপমা প্রমবতিত্বতথা উদত্বা-
• ত্তদ্দর্শনাচ্চ নিযতং প্রতিবিম্বরূপম্ ॥ ৪৯॥
• তদব্যক্তং ন ততো লিঙ্গমেতত্
• তথোভযব্যপদেশাচ্চ তেজঃ ।
• প্রতিষেধাচ্চ পরমঃ সেতুরীশঃ
• সামান্যতঃ স্থানবিশেষবুদ্ধ্যা ॥ ৫০॥
• বিশেষতশ্চোপপত্তেস্তথান্যদতঃ ফলং চোপপদ্যেত যস্মাত্ ।
• মহেশ্বরাচ্ছ্রুতিভিশ্চোদিতং যত্ ধর্মং পরে চেশ্বরং চেতি চান্যে ।
• ন কর্মবচ্চেশ্বরে ভেদধীর্নঃ ॥ ৫১॥
• ভেদান্ন চেতি পরতঃ পরমার্থদৃষ্ট্যা
• স্বাধ্যাযভেদাদুপসংহারভেদঃ ।
• অথান্যথাত্বং বচসোঽসৌ বরীযান্
• সংজ্ঞাতশ্চেদ্ব্যাপ্তিরেব প্রমাণম্ ॥ ৫২॥
• সর্বত্রাভেদাদনযোস্তথান্যত্
• প্রাধান্যমানন্দমযঃ শিরস্ত্বম্ ।
• তথেতরে ত্বর্থসামান্যযোগাত্
• প্রযোজনাভাবতযাঽপ্যযায তে ॥ ৫৩॥
• শব্দাত্তথা হ্যাত্মগৃহীতিরুত্তরাত্
• তথান্বযাদিতরাখ্যানপূর্বম্ ।
• অশব্দত্বাদেবমেতত্ সমান-
• মেবং চ সংবিদ্বচনাবিশেষাত্ ॥ ৫৪॥
• তদ্দর্শনাত্ সংভৃতং চৈবমেষোঽনাম্নাযাদ্বেদ্যভেদাত্ পরেতি ।
• গতেরর্থাদুপপন্নার্থলোকে শব্দানুমানৈঃ সগুণোঽব্যযাত্মা ॥ ৫৫॥
• যথাধিকারং স্থিতিরেব চান্তরা
• তত্রৈব ভেদাদ্বিশিষন্হীতরবত্ ।
• অন্যত্তথা সত্যকৃত্যা তথৈকে
• কামাদিরত্রাযতনেষু চাদরাত্ ॥ ৫৬॥
• উপস্থিতে তদ্বচনাত্ তথাগ্নেঃ
• সংলোপ এবাগ্নিভবঃ প্রদানে ।
• অতোঽন্যচিন্তার্থভেদলিঙ্গং বলীযঃ
• ক্রিযা পরং চাসমানাচ্চ দৃষ্টেঃ ॥ ৫৭॥
• শ্রুতের্বলাদনুবন্ধেমখে বৈ
• ভাবাপত্তিশ্চাত্মনশ্চৈক এব ।
• তদ্ভাবভাবদুপলব্ধিরীশে
• সদ্ভাবভাবাদনুভাবতশ্চ ॥ ৫৮॥
• অঙ্গাববদ্ধা হি তথৈব মন্ত্রতো
• ভূম্নঃ ক্রতোর্জাযতে দর্শনেন ॥ ৫৯॥
• রূপাদেশ্চ বিপর্যযেণ তু দৃশা দোষোভযত্রাপ্যযং
• অগ্রাহ্যাঃ সকলানপেক্ষ্যকরণং প্রাধান্যবাদেন হি ।
• তত্প্রাপ্তিঃ সমুদাযকেঽপি ইতরে প্রত্যাযিকেনাপি যত্
• বিদ্যাঽবিদ্যা অসতি বলতো ধুর্যমার্যাভিশংসী ॥ ৬০॥
• দোষোভযোরপি তদা স্বগমোঽভ্যুপেযা ।
• স্মৃত্যা সতো দৃশি উদাসীনবদ্ভজেত ॥ ৬১॥
• নাভাবাদুপলব্ধিতোঽপি ভগবদ্বৈধর্ম্যস্বন্যাদিবত্
• ভাবেনাপ্যুপলব্ধিরীশিতুরহো সা বৈ ক্ষণং কল্প্যতে ।
• সর্বার্থানুপপত্তিতোঽপি ভগবত্যেকাদ্বিতীযে পুনঃ ।
• কার্ত্স্ন্যেনাত্মনি নো বিকারকলনং নিত্যং পতের্ধর্মতঃ ॥ ৬২॥
• সংবন্ধানুঅপপত্তিতোঽপি সমধিষ্ঠানোপপত্তেরপি
• তচ্চৈবাকরণং চ ভোগবিধুরং ত্বং তত্ত্বসর্বজ্ঞতা ।
• উত্পত্তেরপি কর্তুরেব কারণতযা বিজ্ঞানভাবো যদি
• ... নিষেধপ্রতিপত্তিতোঽপি মরুতশ্চাকাশতঃ প্রাণতঃ ॥ ৬৩॥
• অস্তিত্বং তদপীতি গৌণপরতা বাক্যেষু ভিন্না ক্রিযা
• কার্যদ্রব্যসমন্বযাযকরণং শব্দাচ্চ ব্রহ্মৈব তত্ ।
• শব্দেভ্যোঽপ্যমতং শ্রুতং ভবতি তদ্ জ্ঞানং পরং শাংভবং
• যাবল্লোকবিভাগকল্পনবশাত্ ভূতক্রমাত্ সর্জতি ॥ ৬৪॥
• তস্যাসংভবতো ভবেজ্জগদিদং তেজঃপ্রসূতং শ্রুতিঃ
• চাপঃ ক্ষ্মা মরুদেব খাত্মকথযন্তল্লিঙ্গসংজ্ঞানতঃ ॥ ৬৫॥
• বিপর্যযেণ ক্রমতোঽন্তরা হি বিজ্ঞানমানক্রমতো বিশেষাত্ ।
• ন চাত্মনঃ কারণতাবিপর্যশ্চরাচরব্যাপকতো হি ভাবৈঃ ॥ ৬৬॥
• নাত্মা শ্রুতো নিত্যতাশক্তিযোগান্নানেব ভাসত্যবিকল্পকো হি ।
• সংজ্ঞান এবাত্র গতাগতানাং স্বাত্মানং চোত্তরণেনাণুরেব ॥ ৬৭॥
• স্বশব্দোন্মানাভ্যাং সুখযতি সদানন্দনতনুং
• বিরোধশ্চান্দ্রোপদ্রব ইব সদাত্মা নিখিলগঃ ।
• গুণাদালোকেষু ব্যতিকরবতো গন্ধবহতঃ
• পরো দৃষ্টো হ্যাত্মা ব্যপদিশতি প্রজ্ঞানুভবতঃ ॥ ৬৮॥
• যাবচ্চাত্মা নৈবা দৃশ্যেত দোষৈঃ
• পুংস্ত্বাদিবত্ত্বসতো ব্যক্তিযোগাত্ ।
• মনোঽন্যত্রাযদি কার্যেষু গৌণং বিমুখঃ
• কর্তা শাশ্বতো বিহরতি উপাদানবশতঃ ॥ ৬৯॥
• অস্যাত্মব্যপদেশতঃ শ্রুতিরিযং কর্তৃত্ববাদং বদত্
• উপালব্ধুং শক্তের্বিপরতি সমাধ্যা ক্ষুভিতযা ।
• পরাত্তত্তু শ্রুত্যাপ্যনুকৃতি সুরত্বক্ষুভিতযা
• পরো মন্ত্রো বর্ণৈর্ভগবতি অনুজ্ঞাপরিহরৌ ।
• তনোঃ সংবন্ধেন প্রবিশতি পরং জ্যোতিকলনে ॥ ৭০॥
• আসন্নতেব্যতিকরং পররূপভেদে
• আভাস এব সুদৃশা নিযতো নিযম্যাত্ ।
• আকাশবত্ সর্বগতোঽব্যযাত্মা
• আসন্ধিভেদাত্ প্রতিদেশভাবাত্ ॥ ৭১॥
• তথা প্রাণো গৌণঃ প্রকৃতিবিধিপূর্বার্থকলনা-
• দঘস্তোযে সৃত্যঃ প্রথিতগতিশেষেণ কথিতঃ ।
• হস্তাদযস্ত্বণবঃ প্রাণবাযোঃ
• চক্ষুস্তথা করণত্বান্ন দোষঃ ॥ ৭২॥
• যঃ পঞ্চবৃত্তির্মনবচ্চ দৃশ্যতে তথাণুতো জ্যোতিরসুশ্চ খানি ।
• ভেদশ্রুতের্লক্ষণবিপ্রযোগাদাত্মাদিভেদে তু বিশেষ বাদঃ ॥ ৭৩॥
• আত্মৈকত্বাত্ প্রাণগতেশ্চ বহ্নেঃ তে জাগতীবাশ্রুতত্ত্বান্ন চেষ্টা ।
• ভোক্তুর্ন চাত্মন্যবিদীকৃতা যে তে ধূমমার্গেণ কিল প্রযান্তি ॥ ৭৪॥
• চরণাদিতি চান্যকল্পনাং স্মরন্তি সপ্তৈব গতিপ্ররোহাত্ ।
• ব্যাপারবৈধুর্যসমূহবিদ্যা তে কর্মণৈবেহ তৃতীযলব্ধাম্ ॥ ৭৫॥
• তদ্দর্শনং তদ্গদতোঽপ্যবিদ্যা সব্যোপপত্তেরুত দৌবিশেষাত্ ।
• চিরন্তপঃ শুদ্ধিরতো বিশেষাত্ তে স্থাবরে চাবিশেষার্থবাদঃ ॥ ৭৬॥
• সন্ধ্যাংশসৃষ্ট্যা কিল নির্মমে জগত্ পুত্রেষু মাযামযতোঽব্যযাত্মা ।
• কৃত্স্নং মাযামযং তজ্জগদিদমসতো নামরূপং তু জাতম্ ।
• জাগ্রত্স্বপ্নসুষুপ্তিতোঽপি পরমানন্দং তিরোধানকৃত্ ॥ ৭৭॥
• দেহযোগাত্ হ্রসতে বর্ধতে যঃ
• তত্রৈবান্যত্ পশ্যতে সোঽথ বোধাত্ ।
• স শোশুচানস্মৃতিশব্দবোধঃ ॥ ৭৮॥
• নানাশব্দাদিভেদাত্ ফলবিবিধমহাকর্মবৈচিত্র্যযোগাত্
• ঈষ্টে তাং গুণধারণাং শ্রুতিহিতাং তদ্দর্শনোদ্বোধতঃ ।
• তদ্দর্শনাত্ সিদ্ধিত এব সিদ্ধ্যতে আচারযোগাদৃততচ্ছ্রুতেশ্চ ॥ ৭৯॥
• বাচা সমারংভণতো নিযামতঃ
• তস্যাধিকাপ্রাত্বকস্যোপদেশাত্ ।
• তুল্যং দৃশা সর্বতঃ স্যাদ্বিভাগঃ
• অধ্যাপযাত্রান্নবিশেষতস্তু তে ॥ ৮০॥
• কামোপমর্দেন তদূর্ধ্বরেতসা
• বিমর্শতো যাতি স্বতত্ত্বতোঽন্যঃ ।
• অনুষ্ঠেযং চান্যত্ শ্রুতিশিরসি নিষ্ঠাভ্রমবশাত্ ।
• বিধিস্তুত্যা ভাবং প্রবদতি
• রথাগ্নেরাধানমনুবদতি জ্ঞানাঙ্গমপি চ ॥ ৮১॥
• প্রাণাত্যযে বাপি সমং তথান্নং
• অবাধতঃ স্মৃতিতঃ কামকারে ।
• বিহিতাশ্রমকর্মতঃ সহৈব কার্যাত্
• তথোভযোর্লিঙ্গভঙ্গং চ দর্শযেত্ ॥ ৮২॥
• তথান্তরা চাপি স্মৃতের্বিশেষতঃ
• জ্যাযোঽপি লিঙ্গাভযভাবনাধিকা ।
• সৈবাধিকারাদর্শনাত্ তদুক্তং
• আচারতঃ স্বামিন ঈজ্যবৃত্ত্যা ॥ ৮৩॥
• স্মৃতে ঋত্বিক্সহকার্যং চ কৃত্স্নম্ ।
• তন্মৌনবাচা বচনেন কুর্বন্ ।
• তদৈহিকং তদবস্থাধৃতেশ্চ ॥ ৮৪॥
• আবৃত্ত্যাপ্যসকৃত্তথোপদিশতি হ্যাত্মন্নুপাগচ্ছতি
• গ্রাহং যাতি চ শাস্ত্রতো প্রতীককলনাত্ সা ব্রহ্মদৃষ্টিঃ প্রভোঃ ।
• আদিত্যাদিকৃতীষু তথা সতীরপি কর্মাঙ্গতাধ্যানতঃ
• তস্মাচ্চাস্থিরতাং স্মরন্তি চ পুনর্যত্রৈব তত্র শ্রুতা ॥ ৮৫॥
• আপ্রাযণাত্ তত্র দৃষ্টং হি যত্র তত্রাগমাত্ পূর্বযোঽশ্লেষনাশৌ ।
• তথেতরস্যাপি পতেদসংসৃতৌ অনারব্ধাগ্নিহোত্রাদিকার্যে ॥ ৮৬॥
• অতোঽন্যেষামুভযোর্যত্র যোগাত্
• বিদ্যাভোগেন বাঙ্মনসী দর্শনাচ্চ ।
• সর্বাণ্যনুমনসা প্রাণ এব
• সোঽধ্যক্ষেত উপদর্শেন কচ্চিত্ ॥ ৮৭॥
• সমানবৃত্ত্যা ক্রমতে চাসু বৃত্ত্যা
• সংসারতো ব্যপদেশোপপত্তেঃ ।
• সূক্ষ্মপ্রমাণোপমর্দোপলব্ধস্থিতিশ্চ
• তথোপপত্তেরেষ ঊষ্মা রসৈকে ॥ ৮৮॥
• অত্র স্মর্যনানুপরতাবিধিবাক্যসিদ্ধে-
• র্বৈযাসকির্মুনিরেষোব্যযাত্মা ।
• অবিভাগো বচনাদ্ধার্দ এব
• রশ্ম্যনুসারী নিশিতো দক্ষিণাযনে ।
• যোগিনঃ প্রতিসৃতৈস্তথার্চিরাত্
• বাযুমদ্ঘটিতো বরুণেন ॥ ৮৯॥
• অতিবাহিকবিধেস্তদলিঙ্গাত্ তদ্বদত্র উভযোরপি সিদ্ধিঃ ।
• তদ্বৈতেন গতিরপ্যুপাবৃতো বিশেষসামীপ্যসকার্যহেতৌ ॥ ৯০॥
• স্মৃতিস্তথাঽন্যোঽপি চ দর্শনেন কাযে তথা প্রতিপত্তিপ্রতীকঃ ।
• বিশেষদৃষ্ট্যা সংপদাবির্ভবেন স্বেনাংশত্বান্মুক্তিবিজ্ঞানতো হি ॥ ৯১॥
• আত্মপ্রকাশাদবিভাগেন দৃষ্টঃ তদ্ব্রহ্মণোঽন্যদ্দ্যুতিতন্মাত্রতোঽন্যঃ ।
• উপন্যাসাদন্যসংকল্পভূত্যা রথবান্যোঽপ্যুথাহ ॥ ৯২॥
• ভাবমন্যো উভযং ন স্বভাবা
• ভাবে সংপত্তিরেবং জগত্ স্যাত্ ।
• প্রত্যক্ষেণোপদেশাত্ স্থিতিরপি
• জগতো ব্যক্তিভাবাদুপাসা
• ভেদাভাসস্থিতিরবিকারাবর্তিরিতি চ ॥ ৯৩॥
• তথা দৃষ্টের্দ্রষ্টুর্বিপরীতদৃষ্টেঃ শ্রুতিবশাত্
• তথা বুদ্ধের্বোদ্ধা ভবতি অনুমানেন হি বুধঃ ।
• ভোগে সামান্যলিঙ্গাত্ শিবভজনভবে মান্যমনসা
• অনাবৃত্তিঃ শব্দো ভবতি বিধিবাক্যেন নিযতম্ ॥ ৯৪॥
• তবোক্তঃ সূত্রাণাং বিধিরপি চ সামান্যমুভয-
• প্রকৃষ্ট শ্রুত্যৈব প্রভবতি মহানন্দসদনে ॥ ৯৫॥

স্কন্দঃ -

• ত্রিনেত্রবক্ত্রসুচরিত্ররূপং মন্ত্রার্থবাদাম্বুজমিত্ররূপাঃ ।
• প্রহৃষ্টরূপা মুনযো বিতেনিরে মতানুসারীণ্যথ সূত্রিতানি ॥ ৯৬॥
• ন তানি বুদ্ধ্যুদ্ভববোধদানি বিশ্বেশপাদাম্বুজভক্তিদানি ॥ ৯৭॥

• ॥ ইতি শ্রীশিবরহস্যে শঙ্করাখ্যে ষষ্ঠাংশে শিবেন ঋভুং প্রতি সূত্রোপদেশো নাম দ্বিতীযোঽধ্যাযঃ ॥